Tuesday, 24 October 2017

鄉親父老咁鬼"忟憎", 來來去去都係樓價! 其實楓葉一鬼樣!

自月初係香港返嚟, 透了兩星期, 先至企定定, 加陣, 飲下茶, 食個包, 無嘢好做, 諗起上月係香港消費經驗, 忽然想對比一下幾十年香江嘅物價變動, 其實唔係咁差噃, 人工同物價上升差唔多, 哦, 鄉親父老咁鬼"忟憎", 來來去去都係樓價! 其實楓葉家下同香港一鬼樣, 後生仔一世都唔使上到樓, 北風亂吹,搞死本地人上車願望 。


六十年代末與七十年代頭, 香江的婚宴,每桌價為當年港幣$400, 而2017年的婚宴價每桌為今時港六千以上, 咁,即係話五十年, 香港通漲約十倍以上, (樓價唔計, 要計頭痕), 打工仔計, 當年的港紙七百文職位, 如初級文員, 以通貨計, 在2017年同等職位應為七千, 實際上家陣同等職位人工都過萬, 咁,即係香港打工仔人工基本上都追得上通漲噃,條數係唔係咁計?



2017年人頭馬700ml香港零售價$400 (六十~七十年代$50)
2017年一打西餅$50 (六十~七十年代$6)
2017年一枝啤酒$16.50 (六十~七十年代$3)
2017年一枝汽水500ml $8.00 (六十~七十年代$0.70)

2017年一包香煙$57.00 ( 六十~七十年代應為什麼八九文, 1991年前一包香煙$12至$13, 1991年後加至逾24元)


                                                        同時期另一間酒樓價錢為五百五十元


六十尾七十頭的乜警人工, 1025文, (此廣告是在1972至73年)只需小學畢業, 經過讀默, 唔錯多少字已經通過, 會考三科合格多幾個起薪點, 而當時政府三級文員是七百五十, 五十年後的今天, 差人入職二萬左右, (今年警員起薪23070)即是追過通貨膨漲, 職位等值是二十倍,通貨膨漲只是十多倍 。

不過, 家陣洗碗工都一萬多, 所以…以工種複雜性、危險性、多種要求性, 當差人的人工是否仍然偏低一點呢?



以上可對五十多年香港物價變動比率有一粗略比較。

好了, 講講樓價, 80年度筲箕灣的300呎單位售價為當年的三十多萬, 三十多年過去,
今時今日的轉手價是$470萬, 上升了十二倍, 比物價的升幅多很多了, 這物業的上升率就是如今社會不安的主要因素!





6 comments:

  1. 樓價確是狂飆! 90年代尾新界居屋80多萬起,今年升至3、4百萬元。十多廿年猛咁升,確係脫離現實。

    ReplyDelete
    Replies
    1. 呢五六年,呢邊樓價升幅勁過香江好多"倍",天怒人怨,年輕老外及安身立命打工仔唐人心中怒火衝天,想食咗某的人!當然以前買落有二三個單位果的笑到出唔到聲,不過,又唔係噃,因為做生意嘅舖頭加租加到癲咗,物價又係狂升,一樣死,老安攞緊綜援果的仲死,政府冇調整,即係收入大縮水,家陣連茶都唔敢飲!
      樓房應該唔可以完全放任為自由市塲,政府應該要諗辦法"控制"!

      Delete
  2. This comment has been removed by the author.

    ReplyDelete
  3. 當年澳洲畀啲香港新移民嚟買貴晒啲樓,都開大會齊齊聲討呀!喺電視睇到啲澳洲人好嬲呀! 現在大陸都要繼續壓抑炒樓。

    數年前香港政府已經推出了新的打擊炒樓措施。第一是把原有的額外印花稅(SSD), 增加百分之五, 並把額外印花稅適用期延長至三年。 第二為收取非香港人士, 購買香港樓宇的額外印花稅(BSD), 稅率為百分之十五。

    因此減少了炒家把物業放售(他們很可能轉而放租,等待2年的限售期過去), 因此需求不變供應減少, 於是物業價格便持續上升。

    ReplyDelete
  4. 阿姨講得又啱噃,老安二十幾年前去, 本地人又係鬼殺咁嘈話我地炒貴的樓噃!
    不過老老實實咁講, 當年香港人移民潮時,可能是唔似家陣佢地咁鬼有錢, 果時都係掛牌賣幾多, 我地俾幾多, 唔係好還價, 如今佢地係你掛幾多, 我大幾多, 或者成楝還倍數價, 咁先至大鑊!

    ReplyDelete
    Replies
    1. 當市上多了人來買樓,就算你不討價還價,也因為求過於供,樓價自然會升高。更何況d強国人來不惜工本咁落價,咁咪係越來越貴咯! 尤其是來要把黑錢洗白的人,都恨不得把錢多多洗出去,d樓就係噉樣被炒高了!

      Delete