奇文兼怪現象, 哀哉吾家鄉 !

伴妻如伴虎,
越老越是苦,
何時可甩身,
只等一朝富!

哼!中咗六四九(香江是叫六合彩) ,一定好似一人票政黨輪替式民主!!!
CHANGE!!! CHANGE!!! CHANGE!!! CHANGE!!!

 文化如今咁嘅樣,
 漢語不通受晒傷,
 五四運動害中華,
 詩詞歌賦投咗降!

 教育官員唔似樣,
 咁嘅文字竟出塲,
 斯文敗類封俾佢,
 大小二便日日香!

十億人民盡舜堯,
瘦肉唔識冇咗橋,
羞改搜字同音字,
是旦求其係咁叫!

 生意惡做搵命博,
 假嘢太多唔多覺,
 良心一字係阿叔,
 食你唔食我大鑊!

 商販最忌係講價,
 阻時阻候好鬼怕,
 七折唔得還九折,
 阿嬸你唔買就罷!

飲杯涼茶都講價?
咁久折墮唔係馬?
不如你嚟頂咗佢,
嫁入我門做阿媽
神州大地多土豪,
麻雀一打寸上腦,
人仔大疊鬦思忽,
不理窮者悲哀嚎!

人生終點係彩票,
一朝中咗乜都要,
酒色財氣是目標,
修身為善俾人笑!

 三急大事真難講,
 忍字刀心唔會爽,
 裙拉衭甩狼狽也,
 一見山門發晒狂!

 爽、爽、爽、爽!

單槍匹馬闖番邦,
半生勞碌唔在講,
夕陽斜照美洲岸,
故里難歸泪兩行!

去咗點能有意見?
唔啱身都係咁眠,
唯有報夢老細你,
快的回水陽間錢!