年初二開年, 諸位行好運, 時時周身銀! 恭喜發財!!!

錢, 冇科學家研究過係唔係萬能, 但係人世間錢的而确之係有萬有引力, 無咗佢, 好多時寸步難行, 有錢其實唔使太多, 好似風水佬咁, 本來三十億已經差不多, 可以日日搭飛機去東瀛食"阿厘架多",再貪心要更多會去赤柱瞓大Hall, 現實始終係現實, 有"足夠"嘅錢係最萬事可行!成日可以笑呵呵。

祝各位豬年日進萬金, 做乜嘢都開心!
財來一定有方, 身體最緊要係健康!
豬年諸順!!!

年初二開年,最緊要係講發財!

祝父老鄉親叔伯姐妹同學同事及子姪, 豬年擸錢好似數鈔機, 又數又袋又搦!
諸事大利, 諸位乜嘢都係歡歡喜喜!身壯力健, 成日色舞眉飛!

 諸位, 人要貼地現實, 錢才真正係香嘅,唔係香港果位環保塔利班"何以來之"大姐所講, 所做, 係廢田度嗱揸泥作狀聞下, 大聲吹水, 話:的泥係香嘅! 咁,點解佢唔日日食泥?

啋,大吉利是, 年初二講"泥", 吐口水講過!

啊哈, 好啦, 願家鄉眾人豬年行諸種大運, 龍馬精神!!!