2015年12月14日星期一

背影 - 自古美人如戰將,不許人間見白頭…。


背影

自古美人如戰將,不許人間見白頭,
我妻背影漸龍鍾,猶憶當年羗山遊。
少女清純似夏夢,巧笑倩兮髮香幽,
死追爛纒終得婦,如今伴我夠漏油。

今天,是今冬難得半日日出,偕老伴河邊散步,睹其背影,感嘆佢嫁錯人咯……。

在河邊散步,老伴疲而找木椅安坐稍憩,見她坐而尋思,少見也,因而……。

阿媽何所思?阿媽何所憶?
 晚境如何度,細仔幾時有新抱。
阿媽何所思?阿媽何所憶?
 餸菜貴到無譜,車錢起到火都冒!
阿媽何所思?阿媽何所憶?
 老公無鬼用,老公懵到唔認得路!
阿媽何所思?阿媽何所憶?
 兩個孫女係香江返緊學,功課難唔難做?
阿媽何所思?阿媽何所憶?
 舊底家鄉人多夠晒嘈,而家日日落雨悶到發毛。

 



今年的冬季,雨下個不停,愁雲慘淡,一如世情。

不過,點都好過白雪紛飛,人,千萬要積福,掉過來,要感恩,不用有霧霾,不用雪堵家門,雨,也對種植東西,大有益處,一於聽雨啖茶。