大哥大姐呀, 香港絕不缺乏陽光而是陽光太多呀!
讀書要明理, 做事要貼地, 香港要的是擋陽擋雨, 你地種埋晒的棕櫚類, 好睇係好睇, 但係唔實際呀!
好彩, 唔知點解, 屯門碼頭的海濱公園的設計人, 梗係食錯咗藥, 竟然無厘頭咁同人唔同, 把廣州沙面搬咗嚟, 咁! 屯門人好彩過好彩, 忽然好似中咗六合彩咁, 享受到一個廣州沙面式的嶺南景色, 老鬼真係要恭喜你地!
每次返港, 例牌到一到, 睇下的榕樹又大了多少? 於今真的緑樹成蔭了, 可喜可賀!
樹蔭舖滿長廊, 一列花槽, 鴿兒、鳥兒隨風起舞,舉目花與草, 望出去, 有山有水, 有雲有影成美景, 只能讚一聲好!
此棚架內的詩, 老安胆大, 改一改:
觀音菩薩妙法酬, 清淨莊嚴佛法修, 滾滾紅塵宜放下, 灣灣秋月解爾愁;
瓶中甘露常遍灑, 手持楊枝慰凡憂, 千拜萬求皆細應, 慧海上有渡人舟。
青山,又是老安香港情之一, 想當年, 曾跟少年同學登青山頂兩次, 該同學怕高, 眾同學扶持而上, 又是幾十年了, 老安於是抄書:
《賀新郎》 辛棄疾
邑中園亭，僕皆為賦此詞。一日，獨坐停雲，水聲山色，競來相娛。意溪山欲援例者，遂作數語，庶幾仿佛淵明思親友之意雲。
甚矣吾衰矣。悵平生、交遊零落，只今餘幾！白發空垂三千丈，一笑人間萬事。問何物、能令公喜？我見青山多嫵媚，料青山見我應如是。情與貌，略相似。
一尊搔首東窗裏。想淵明《停雲》詩就，此時風味。江左沉酣求名者，豈識濁醪妙理。回首叫、雲飛風起。不恨古人吾不見，恨古人不見吾狂耳。知我者，二三子。
老安按: 此詞絕對是這次再看青山時切身感受, 腦中不其然流出辛Sir 這首詞!
老安按: 此詞絕對是這次再看青山時切身感受, 腦中不其然流出辛Sir 這首詞!
老安此時心情改之曰:
一針打落腹腔裏。血糖指數升不休，此時滋味。往昔人事疏狂者，如今還在夢理。回首叫、無悲欠喜。一生成就毫不見，恨己無才缺學耳。如我者，愧加恥。
不過, 唔想吹都要吹,這麼長的海濱公園, 公厠太少了, 而少部分人公徳心太差了,
尿味隨處皆聞, 敗家了!
老鬼這次忍了忍口, 不破口,原因, 真係公厠太少, 有些人, 好似老安咁, 糖尿及前列腺影響,
好多時忍無可忍, 被迫乜乜!
屯門海濱公園可以做到嶺南風格, 沙面情懷, 即係冇困難啦, 咁,香港九龍新界點解唔學屯門呢?
多業樹木、 有蓋涼亭 、公厠充足, 拜託搞公園設計嘅哥哥姐姐, 攞張地圖, 諗下綠色及本土天文、水文的特別之處, 要滿足本地實際需要吧, 香港永不會是歐洲, 永不會是北美! 不需咁鬼多陽光的!
