香港("糠稈"或"骯趕", (某些控制住不少傳媒的名咀及名男女主持的香港音)前身)簡史［1841-1997］殖民地時期
1840年6月，英國人義律帶住16艘軍艦、4艘武裝輪船、28艦運輸艦、4,000陸軍，到廣州海面，第一次鴉片戰爭爆發，之後清朝政府喺呢次戰爭中俾大英帝國打敗。
1841年1月25日，英國人義律同清朝欽差大臣琦善私擬訂定《穿鼻草約》。
 |
| 匹夫無罪, 懷璧有罪! 1842年至1997年一百五十五年來香港被屈辱地 (有人會認為是光榮!)侵占, 成因之一就是這瀑布, 大英為什麼選擇這漁村小島? 就是為了食水, 東印度公司, 其實是海盜, 大英法律的普通法就是縁自海盜原則, 你捉到我, 我唔認, 扭橫折曲的你唔係親眼睇到我搶, 唔係睇住我搶我就無罪!當年大英船隻遠航之後, 要找補充水源, 香港薄扶林村下來的瀑布的水至為乾淨甘甜, 於是大英海盜就野心的要英王朝向大清強搶香港。 這是香港若禍主要原因!此繪圖創作日子為1819年! |
 |
| 這是今天的薄扶林瀑布, 位置是數碼港! |
1841年1月26日，英國遠東艦隊支隊嚟到香港，舉行升英國國旗儀式，宣示主權，而且喺海面鳴炮，表示正式佔領香港。佢哋喺水坑口登陸，又將嗰處命名為［Possession Point］，意思係［佔領角］或［佔領點］。
 |
| 水坑口, 香港人(現在香港人已經不同), 中華人最屈辱、恥辱的地方, 是大英海盜集團侵占(某些現在香港人認為是解放, 各有各觀點)香港的第一登陸地方! 富隆已經在七十年代、八十年代拆卸。 |
1841年，英國開始統治香港後，英國駐華司法院就由廣州搬嚟香港，由第一任香港總督砵甸乍同副總督德忌立兼任裁判官，以英國軍法審理案件。
 |
| 大英海盜的最初登陸地方, 亦是香港正式開埠的地方, 可是, 今天, 已經全無香港人知道及留意, 亦無人提起! 港英時如此, 回歸後更澈底忘記! |
 |
| 這是1942年大英海盜集團強搶香港初期, 英軍軍營所在, 這照片是1960年中期未拆掉時攝, 今日荷里活道, 東華醫院對開之處。 大笪地飯店前身是叫經濟飯店, 香港重光後, 香港政府津貼某戰時一大胆商人, 以廉價租金及米粮, 俾他能以極低價錢供應草根、低端階級人飲食之食肆,除大 |
 |
| 水坑口街, 已經是矇矓一片, 過往中華香港人的血、淚、屈辱、恥辱亦已經對焦模糊, 從無人留意! |
1841年11月，皇家香港郵政啟用。
1842年3月17日，第一份報刊《華友西報》The Friend Of China創刊。
1842年8月29日，清庭同英國簽訂《南京條約》，將香港島連同附近嘅鴨脷洲正式割讓畀英國，開始建設維多利亞城。
1843年，英國頒佈《英皇制誥》同《皇室訓令》，建立香港殖民地；定例局［立法局前身］同議政局［香港行政會議前身］成立。
1844年1月11日，定例局舉行第一次會議。
1844年，香港高等法院成立，由倫敦委派一名司法官接掌，司法官到埠後公佈高等法院條例，廢止軍法，改組英國駐華司法院交由司法官主持。
1844年5月1日，香港警務處成立。
1844年11月，香港政府通過新法規定鴉片零售商須要持牌，牌照由港督核發。
1845年2月，香港政府又通過《零星包賣鴉片細則》，詳細規定煙館地點、營業時間同交易方式，至此鴉片喺香港就成為合法商品。
1845年，《德臣西報》China Mail創刊，由鴉片商渣甸支持，立場親英商利益為主。
1846年1月，香港政府設立上訴機制，任何對最高法院裁判唔滿意嘅人士，可以向英國樞密院上訴。
1847年，香港政府推行公立學校教育制度，補助中文學校經費。
1847年，清朝政府擴建［官富寨］成為［九龍寨城］，同對岸嘅維多利亞城遙望對峙。到咗1899年5月，寨城成為英屬香港境內一座無政府狀態嘅圍城。
1851年，太平天國起事，南中國商人逃嚟香港。楊秀清、蕭朝貴、曾天養、石達開等人喺廣西金田村組織團營舉事之後建國，叫做［太平天國］。太平天國帶嚟香港史上第一次逃港潮，香港華人由15,000人增至70,000人。
1853年，第一份華文報《遐邇貫珍》創刊，內容傳揚基督教為主，又向華人讀者介紹西方歷史、地理、科學、文學、政治、宗教各方面嘅知識同報導中西新聞。
1854年，皇家香港軍團［義勇軍］成立。係一支基本由志願兼職嘅香港市民組成嘅部隊，維持香港安定同提高市民歸屬感。軍團喺1995年9月解散。
1858年，《華友西報》因報道咗讉責高官嘅消息而一度被迫停刊。
1858年，香港第一份全中文報《中外新報》創刊。
1860年，清廷界英法聯軍打敗，又簽咗《北京條約》，將九龍半島南部連同附近昂船洲一齊割讓畀英國。
1861年1月，英軍佔領九龍半島，4月將香港島同九龍半島之間嘅海港，以當時在位嘅維多利亞女皇命名為［維多利亞港］。
1861年3月7日，洪秀全曾實行［改政］，將［太平天國］國號改為［上帝天國］。規定璽印文字同各種文書內統要改為［上帝天國］。
1861年3月27日，洪秀全改變主意再度實行［改政］，將［上帝天國］改稱［天父天兄天王太平天國］，規定文書、印文都要上加［天父天兄天王］六字。
1861年5月29日，外國商人喺香港成立［香港商會］。
1861年，香港中華煤氣成立，為香港島提供煤氣。
1862年，第一間官立學校中央書院［皇仁書院前身］開辦。
1863年，香港第一個水塘，薄扶林水塘落成。
1863年1月，灣仔第一座木製新頭頭建成，長250英呎。
1863年4月，香港第一次發行港幣，由英國倫敦訂鑄1毫銀幣同1仙、1文銅幣。
1865年3月3日，香港上海滙豐銀行正式成立。
1865年，英國政府修訂對香港總督嘅訓令，規定［任何法例若對亞非裔人士有所禁制，而歐籍人士則不受其限者，總督均不得批准施行］，確保法律面前人人平等。
1866年5月，政府喺香港銅鑼灣成立香港鑄幣廠，自己鑄做1圓、5毫、2毫同1毫銀幣重有1仙、1文銅幣。
1867年5月，香港立法局決議賭博合法化，7月1日起賭禁撤銷，賭館須領牌重要喺登記官監督下經營。
1871年，英商保羅遮打同凱福曉士喺灣仔創立［香港碼頭及貨倉公司］，成為第一間公共貨倉。
1871年，第一條海底電報電纜鋪設。
1872年，最早建立嘅華人醫院［東華醫院］創立。
1874年，西營盤醫院［政府公立醫院］成立，係香港第一間非軍用嘅政府醫院。
1874年，香港出現第一份中國人辦嘅報章《循環日報》。
1875年，香港政府訂立《公眾假期條例》，訂明公眾假期同銀行假期，所以公眾假期又俗稱［銀行假期］。
1878年，委任伍廷芳為第一位華人太平紳士。
1880年，委任伍廷芳為定例局首位華人議員。
1882年，香港第一部電話使用。
1882年，殖民地部翟維克報告發表，對香港住屋衛生同供水情況作批評。
1883年，香港天文臺成立。
1883年，潔淨局成立［市政局前身］，到1936年改組做市政局。
1884年，聖約翰救傷會喺香港成立。
1884年，香港水警總部喺九龍尖沙咀建立，負責看管港內船隻。
1887年，香港西醫書院成立［香港大學醫學院前身］，革命領袖孫中山係第一屆學生。
1888年，山頂纜車啟用。
1889年，香港電燈成立。
1890年，香港電燈為香港島開始供應電力。
1894年，上環太平山街一帶嘅華人集中聚居嘅地區爆發鼠疫，每日死亡人數最多有成100人。
1898年，天星小輪成立。
1898年，英國同清廷簽訂《展拓香港界址專條》同埋其他一系列租借條約，租借九龍半島北部、新界同附近嘅兩百幾個離島，租期99年至到1997年止。而九龍寨城就仍然係清政府嘅據地。
1899年4月，香港新界發生一場英國軍隊同新界原居民間嘅戰爭［新界六日戰］。原因係英國接管新界地區，新界原居民認為前景唔清楚而恐慌。元朗屏山鄧氏為首嘅新界原居民各大氏族，決定反抗英國嘅接收行動。
1899年，四大寇之一陳少白喺香港創辦《中國日報》。
1900年，八國聯軍攻入北京。
1904年，香港電車啟用。係香港歷史悠久嘅機動公共交通工具之一，僅次於香港纜車同天星小輪。
1905年，興中會、華興會同光復會等喺日本東京合併組成中國同盟會。
1905年，清政府成立大清戶部銀行［中國銀行前身］。
1907年，理民府成立［政務處前身］，係英國接收香港新界租借地之後，最早設立嘅新界管治中心。。
1908年，英京輪遇颱風沉船事故，421死42生還，係香港最多人死嘅海難。
1910年，九港鐵路啟用。
1911年，九廣鐵路華段落成啟用，全線九廣鐵路正式貫通。
1911年3月，香港大學正式成立，又通過《1911年大學條例》。
1911年，廣華醫院開幕啟用。
1911年10月10日，武昌起義，辛亥革命爆發。
1912年1月1日，中華民國咴南京宣告成立。
1912年，香港大學成立，為香港培養技術人材。
1913年，黎民偉編演嘅第一部港產片《莊子試妻》。
1915年12月12日，時任中華民國大總統袁世凱成立一個君主立憲制政權名為［中華帝國］，至1916年3月22日失敗收場。
1917年，張勳復辟失敗。孫中山南下廣州成立中華民國軍政府。
1918年，跑馬地馬場發生大火，約600死400傷，係香港最多人死嘅火災。
1919年7月，香港爆發咗一場〔搶米風潮〕暴亂，重持續攪到去8月尾。
1921年，九龍汽車成立［九龍巴士前身］。
1922年1月，香港兩大英資渣甸同太古嘅船務工人要求加人工，僱主拒絕而引發［海員大罷工］事件。
1922年3月3號，喺沙田地區發生〔英籍軍警開槍〕事件。
1923年，刑事偵緝處［CID］成立，隸屬香港警察隊，負責刑事偵緝，由偵緝處處長領導。喺1973年解散。
1923年，孫中山發表孫越宣言，推行聯俄容共、扶助農工等政策。國共第一次合作。
1924年，中華巴士成立。
1924年，廣州黃埔軍校成立。
1925年1月24日，啟德機場啟用，係香港一座民用機場，位置喺九龍城區。
1925年，上環普慶坊發生香港最多人死嘅山泥傾瀉，75死20傷，死者包括定例局議員兼商人周少岐太平紳士同佢部份家人。
1925年，香港啟德機場啟用。
1925年，香港同廣州發生一場大規模、長時間嘅〔省港大罷工〕。
1926年，第一位華人非官守成員周壽臣加入行政局。
1926年，第一間官立中文中學成立［金文泰中學前身］。
1927年，國民黨清共，部份共產黨員逃亡香港秘密集會、辦報支持共產黨運動。香港政府曾經同國民黨合作，將到港嘅共產黨遣返中國。
1927年，第一次國共內戰爆發。由中國國民黨領導嘅國民政府同中國共產黨領導嘅地方性政權之間嘅戰爭。
1928年，GOW電台啟播［香港電台前身］。
1931年，九一八事變爆發。
1932年3月1日，日本帝國主義侵佔中國東北後製造一個傀儡政權［滿洲帝國］。
1933年，英國政府實施專利權制度，作為殖民地嘅香港隨即跟隨。
1933年，恒生銀號［恒生銀行前身］成立開業。
1933年，九龍巴士成立，主要經營九龍同新界嘅專利巴士服務。
1935年，香港全面禁娼。
1936年，市政局成立。
1937年7月7日，［七七盧溝橋事變］導致抗日戰爭正式爆發，除咗有大量難民湧入香港，同時亦代表日軍嘅威脅更接近一步。
1937年9月2日，丁丑風災正面吹襲港澳，造成約1萬1千人死，88受傷。
1937年，瑪麗醫院啟用。
1940年9月，東江縱隊港九大隊，簡稱［港九大隊］建立。
1941年12月8日，由酒井隆指揮嘅日軍由寶安進攻香港。
1941年12月25日，港督楊慕琦代表英國殖民地官員向日軍投降，香港人叫呢一日做［黑色聖誕節］。香港就經歷三年零八個月嘅［日本佔領時期］。
1941年12月26日，日本宣佈以軍票取代香港本地貨幣。港幣變為不合法貨幣，擁有港元嘅人會被施以重罰。
1942年1月，香港警察被徵召成為憲兵。日本憲兵將警區分為5區，東香港、西香港、九龍、新界及水警。
1942年1月，港幣同軍票嘅兌換率為2兌1。到7月24日起兌換率變為4兌1，使到香港人喺交易後變得貧窮。
1942年2月20日，［香港占領地政府］正式成立，由日軍磯谷廉介中將出任香港總督。政府總部設喺香港島中環嘅香港滙豐總行大廈，半島酒店就做咗軍方總部。
1942年2月，東江縱隊港九大隊正式成立，係一隊由香港新界原居民子弟喺中國共產黨屬下廣東人民抗日游擊隊東江縱隊（原廣東人民抗日游擊隊）領導下組成的游擊隊。
1943年6月1日，日圓軍票正式成為香港唯一法定貨幣，日用品價格必須以日圓作為單位。
1944年，因為糧食缺少，日方定額配給制度取消，改以自由買賣，但更多市民因為付擔唔起食物價格瘋狂通貨膨脹而餓死。
1944年10月9日，喺敦巴頓橡樹園會議之後，蘇聯、美國、英國、中國［民國］同時公佈《關於建立普遍的國際安全組織的建議》，又叫做《聯合國組織草案》。
1945年8月15日，日本宣佈無條件投降，香港重光。
1945年8月24日，中華民國［國民政府］主席蔣中正簽署《聯合國憲章》批准書。
1945年8月30日，日本投降之後，英國宣佈恢復行使香港主權。
1946年，香港總督楊慕琦提出推動政制發展，計劃香港會建立市議會，重縮減立法局中官守議員人數，不過後來計劃失敗。
1947年，第二次國共內戰爆發。係中國共產黨領導嘅人民解放軍，為咗推翻中國國民黨統治而進行嘅國內戰爭。
1948年，社會福利署成立。
1949年10月1日，中國共產黨建立［中華人民共和國］。
1949年12月，蔣中正下令國民政府退守［臺灣］地區。
1949年，胡鵬開創《黃飛鴻》電影，連拍60個幾部，成為世界史上最長壽嘅系列電影。
1949年，第一個商營廣播電台［麗的呼聲］啟播。
1950年，英國承認嗚大陸嘅［中華人民共和國］政府，係蘇聯之後第一個承認新政權嘅歐美國家。
1952年3月，香港發生咗一件叫〔粵穗慰問團事件〕嘅騷亂。當時中共政府由廣州市派遣一隊［粵穗慰問團］嚟香港慰問九龍城東頭村木屋區大火嘅災民。
1952年，東頭村大火致15,000人無家可歸。
1952年，大陸開展［三反、五反］運動。
1952年，英女皇伊莉莎白二世登基。
1953年12月24日，喺石硤尾木屋區發生嘅一場大火災，當時導致有成五萬幾個災民無家可歸。
1955年，香港政府喺石硤尾設立第一個居民徙置區。
1956年10月10日，［中華民國］國慶日，支持中華民國政府嘅人士（右派）工會策動大規模搗亂香港親共人士（左派）機構，其間有人四處搶掠，事件導致300人死傷，史稱［雙十暴動］，港督葛量洪派遣軍警搜捕暴徒之後先至平息。而台灣嘅情報人員由呢日起就被禁止入嚟香港。
1957年，香港第一間有線電視台麗的映聲［亞洲電視前身］啟播，係全球華人地區第一間電視台。
1958年，時任中國總理周恩來反對［讓香港成為一個像新加坡一樣自治的地區］對英國聲明，任何推動香港自治嘅舉動都將被認為係［非常不友好的舉動］，唔希望香港嘅殖民地位［發生任何改變］。
1959年，商業電台成立。
1962年，颱風溫黛正面吹襲香港，造成廣泛破壞，引致183死388傷。
1962年，香港大會堂開幕。
1963年，伊利沙伯醫院啟用。
1963年，香港中文大學成立。
1965年，美軍運輸機墜海事故，59死12傷，係香港最多人死亡嘅空難。
1965年，香港開始引入東江水以紓緩食水短缺問題。
1965年，洋紫荊花［紫荊花］獲定為香港市花，後來《基本法》草議過程中獲選為香港區旗同香港區徽嘅設計藍本。
1966年4月，發生咗一次大規模嘅〔天星小輪加價事件〕嘅騷亂，英國人叫呢次做〔九龍騷動〕，件事係由天星小輪加價豆零引起。
1966年，香港連場暴雨，引發六一二雨災，112死29傷。
1966年，大陸發生文化大革命，紅衛兵意圖越過粵港邊境。
1966年，香港爆發［六六暴動］，源自天星小輪加價事件。
1967年，香港左派公會暴亂，又叫［六七暴動］，喺一場勞資糾紛而演化成罷工同示威，後來有罷工工人被警察打傷打死，示威者之後又有暗殺、放炸彈同製造槍戰嚟報復。
1967年，獅子山隧道通車。
1967年，香港第一間無線電視台電視廣播有限公司啟播，電視廣播進入免費年代。
1969年，香港正式訂立婚姻［一夫一妻］制。
1971年，聯合國大會通過《聯合國大會2758號決議》，將中華人民共和國政府視為［中國］合法代表。
1971年，中文成為另一種法定語文。根據《香港法例》208第5章《法定語文條例》，兩種語文擁有平等地位。
1971年，颱風露絲正面襲港，110死286傷。
1971年，麥理浩出任香港總督。
1971年，釣魚臺主權爭議引起［保釣運動］。
1971年，實施六年免費教育。
1972年6月18日，因為暴雨而導致山泥傾瀉嚴重災難事故［六一八雨災］。九龍觀塘區翠屏道木屋區同香港島半山區旭龢大廈先後發生山泥傾瀉同大廈坍塌慘劇，造成共156死、117傷。
1972年8月2日，香港海底隧道通車。
1972年，港元與英鎊脫勾，改與美元掛勾。
1973年7月20日，功夫明星李小龍逝世。
1973年，恆生指數大幅暴瀉，最高跌幅達九成
1973年，受到石油危機影響，香港經歷咗一次經濟大衰退。
1974年2月15日，根據《總督特派廉政專員公署條例》成立香港［廉政公署］ICAC。
1974年，消費者委員會成立。
1974年，中文成為法定語言。
1975年5月4日，英女皇訪問香港。
1975年，第三間免費商營電視台［佳藝電視］開台，但喺1978年宣佈因為財政困境而停業。
1975年5月4日，丹麥註冊貨輪［長春號］到香港，第一批進入香港嘅難民有3,743人，佢咃全數獲得收容，之後幾年都有難民到港。
1975年10月15日，樂安排海水化淡廠啟用。
1976年，香港實施居者有其屋計劃。
1976年，政府開售六合彩彩票取代原先嘅多重彩。
1976年，香港《郊野公園條例》生效，自然生態開始受法例保護
1976年，大陸唐山大地震，廿四萬幾人罹難。
1976年，毛澤東逝世，四人幫被捕，文化大革命結束。
1977年，海洋公園開幕。
1977年10月28日，警廉衝突。成千警務人員同家屬遊行去香港警察總部舉行聚會，請求時任警務處處長施禮榮向香港政府反映問題。部份警務人員衝去金鐘夏愨道和記大廈嘅廉政公署執行處搗亂同發生打鬥。
1978年，香港實施九年免費教育。
1978年，屯門公路第一期建成通車，係當年香港最長嘅高速公路。
1978年，沙田馬場落成啟用。
1979年7月，英國政府喺日內瓦簽署一項關於處理越南難民問題嘅國際公約，其中內容包括將香港列為［第一收容港］。
1979年10月1日，地下鐵路啟用［石硤尾至觀塘通車］。
1980年，香港取消抵壘政策，對中國內地嘅非法入境者採取即捕即解政策。
1980年，廣東省深圳、珠海、汕頭同福建省嘅廈門設置經濟特區。
1981年12月25號，發生一場〔聖誕騷動〕，原因係中環發生一單交通意外，引起睇到嘅年青群眾不滿而演變成為騷亂。
1982年1月1號，香港亦爆發過一場好細規模嘅〔青少年騷動〕。件事使到香港政府意識到香港青少年問題喺當時正係日益嚴重。
1982年9月22日，英國首相戴卓爾夫人到北京提出方針，打算延續對香港管治，惟時任中國最高領導人鄧小平拒絕讓步，但表示可以畀香港人享有［高度自治、港人治港］。
1982年，區議會設立同舉行第一屆區議會選舉，香港政府將全港劃分為18個區議會。
1982年，第一年農曆年舉辦香港賀歲煙花匯演。
1983年，香港陷入港元危機，為挽救香港金融體系，香港政府公佈聯繫匯率制度。
1983年，紅磡香港體育館開幕啟用。
1984年1月11號，爆發一場〔香港的士罷駛〕事件，又叫〔的士騷亂〕。原因係運輸司向立法局提出批准香港的士加價17%，同時又增加的士牌照費同首次登記稅項各17%。
1984年，香港出現第一浪移民潮。《代議政制綠皮書》推出。
1984年12月19日，中國國務院總理趙紫陽同英國首相戴卓爾夫人分別成為中英雙方代表，喺中共中央軍委主席鄧小平同中國國家主席李先念等見證下，喺北京人民大會堂簽訂《中英聯合聲明》。
1985年，立法局首次推行間接選舉。
1985年，廢除初中成績評核試。
1985年，香港政府接管海外信託銀行。
1986年，區域市政局設立。
1989年6月4日，北京發生［六四事件］，香港絕大部分人反對鎮壓，除咗發起過百萬人大遊行之外，亦引發新一浪嘅香港移民潮。
1989年6月5日，喺旺角地區發生一場細規模嘅〔反北京鎮壓學生遊行〕騷動。原因係喺3號晚解放軍喺北京鎮壓學生同示威者，引致香港人心不安。
1989年，東區海底隧道通車。
1990年4月4日，《香港特別行政區基本法》經全國人民代表大會正式通過，即由中國國家主席楊尚昆簽署主席令發佈，表示主權移交後嘅小憲法落實。
1991年，立法局第一次直接選舉舉行。
1991年，推行［有秩序遣返計劃］，遣返越南船民。
1991年，醫院管理局正式運作。
1992年2月，香港新界石崗船民中心騷動。
1992年7月，彭定康被委派為最後一位香港總督。
1992年，赤鱲角香港國際機場正式動工
1993年1月1日，喺中環蘭桂坊同德己立街發生［蘭桂坊人踩人］事件，有21死63傷。
1993年，香港金融管理局成立。
1994年4月，香港白石船民中心騷動。
1994年，大亞灣核電站落成同向香港輸電。
1995年，香港政府發佈［香港增補字符集］，現時能夠喺電腦中輸入絕大部分［粵語字］。同時Unicode亦支援粵語字。
1995年，殖民地時代最後一次立法局選舉。
1996年，李麗珊憑滑浪風帆奪得香港第一面奧運金牌。
1996年，臨時立法會成立。
1997年7月1日，英國將香港嘅主權同治權轉移畀中華人民共和國。
資料：東講西讀／維基百科
無聊通識科。廣東話資料館
大英第四任港督, 此人罪惡滿盈, 大奸大惡, 人渣強盜兼垃圾, 在位時期, 挑起第二次鴉片戰爭, 而且在港亦政積惡劣, 寃案、貪污腐敗。
還有今天香港有一家人, 女的是俗稱毛姑姑的異員怪雞, 男的是傳媒乜乜, 子亦是上街人物, 是寶靈的後代, 就不置評了, 廣東佬俗語:"臭X出X草"最佳註腳!
不過, 又有今天某些"糠稈人"却封他們為偶像! 你呢!
照片來自互聯網
