From 澳至尊主席蔡志輝先生的Facebook發帖：
上星期，一位朋友的話令我十分驚訝！
他說：「香港根本無實行內地果套成功既動態清零制度，仲附和西方國家既立場，中國內地係唔會用限制方式去逼人打疫苗，反而一再禁止地方政府咁做，但香港跟足外國，用法例及限制令間接要市民打針。」
這是我一位從小移民外國的教會朋友，四十多歲專業人士，在一間跨國醫藥公司任職，過去幾年，精通中文的他被總公司派來亞洲區工作。
他說：「香港一直將動態清零掛在口邊，但似乎你地香港班官同專家根本唔知乜野係動態清零既核心，結果缺口開左，輸入之後爆發，間接抹黑埋「動態清零」呢個金漆招牌！」
上星期，我和他在網上聊天，他說：「你地香港既防疫方針係跟西方果一套，而唔係跟中國果套成功做法。」我說：「不是呀！香港政府表明採取動態清零政策。」他說：「你地政府表面話要動態清零，實際上係跟西方果套與病毒共存。」我問他：「你何以見得？」
他說：「香港對未打針的市民推出好多限制，甚至有d工作必須打針，否則要炒。另外又唔可以出去食飯、唔可以入商場之類，係嗎？呢種疫苗通行証就係好多西方國家所推行既。我係中國生活咁耐，中國完全無咁既事，唔會咁樣間接逼人打針。中國政府唔贊成呢種事，去年中就有一d地方政府做左類似既事，結果中央政府和衛健委都公開聲明要糾正呢種做法，強調唔可以用「限制」方式去令市民打針，打針要符合知情、自願和同意既原則。」
然後，他就發了多張有關中國政府官方網頁及多份新聞報道的截圖給我看。
他補充：「我算係比較早就去打針既，推行疫苗無可厚非，內地上年年中既時候，接種率仲唔算高，所以有d地方政府要達成目標，就用一d類似而家香港既方法間接逼人打針。中央及衛健委就禁止呢種事情。而家中國內地超過八成人口打左針，但還有超過一億人無打針，主要係小孩、孕婦、長期病患者、一d唔適合接種或擔心疫苗副作用既人。我自己都有d內地朋友，年紀同我差不多或者細我少少，佢地都係高學歷年青人，但過去兩年，生活及工作都完全沒有因為沒有打針而受到任何限制，也沒有受到任何壓力。內地比外國還自由，你地個政府點解同內地政府背道而馳，真係一國兩制，連防疫都係，唔怪得通唔到關啦！」
他說：「香港實行疫苗通行証呢個方向，就是跟住西方國家走，希望同西方國家通關，所以跟西方國家一樣，用各種手段直接或間接逼人打針，以呢d方式去令人打針，與中國的方針完全不同，中國政府嚴禁地方政府做既事，香港政府竟然全部照做，而且做得更激烈，反而真正有效既動態清零沒有做，令市民以為「清零」係無可能，結果大大打擊市民抗疫既信心，更用左兩年時間做左好多虛耗資源同人力物力既事，間接逼打針就做得好狠，但又多次堅持唔做「全民強制檢測」，講到底，就係唔肯虛心向內地政府同專家學習，我長期往返海外、香港和中國內地，接觸好多醫學專家及政府部門，你地香港有些「專家」自視好高，看不起海外專家，又看不起內地專家，在我看來，真的十分可笑。其實國內早已經在多方面好領先，如果連內地成功的經驗同實証都唔肯學習，真係搵幾百萬香港人來辛苦同冒險。」
「中國內地係以嚴格同精準既科學方式防疫，就係動態清零，重點唔係打疫苗，亦唔係追求零感染，而係當有感染個案出現，可以短時間內，有效做大規模檢測，用大數據分析追蹤源頭，用謹慎既隔離阻截擴散，再用中西醫藥結合治療患者，最後可以短時間內控制疫情，過去兩年，中國完美演譯呢個高效防控疫情系統，2020年6月後，中國基本上長期維持絕大部分地區清零，過去大半年，國內不同地區也有出現Delta及Omicron的個案，但同樣以「動態清零」策略，以幾天或幾個星期內，或最長一兩個月內，在短時間就已經有效控制疫情。其實有唔少外國頂級專家都盛讚中國動態清零政策，但外國政府因為能力，資源，政治因素等等做唔到同樣既事，就急急推行與病毒共存。有d國家就一半一半，半防疫半開放，有些國家就索性一味叫人打針，企圖盡快達致全民免疫就可以與病毒共存，咁只係搏一搏，睇睇有幾多人死，其實西方政府放棄救人，反正佢地覺得動態清零代價太大，倒不如俾一部分人感染死左，反正老人家佔比例較多，仲可以減輕政府福利同醫療負擔，其實係一種不負責任的做法。所以連人民日報，新華社同環球時報都出聲警告香港，現階段不要打算走與病毒共存既路，否則帶來既人命傷亡難以估算，而且無可能同內地通關。當然啦！內地一直守得咁好，香港竟然行外國果套，內地唔會搵人命來冒險！澳門嚴格使用內地那套防疫系統，與內地都通關超過一年半，中間就算爆發過，也因為使用動態清零這方式，一個多月就清左，搞掂晒！內地同澳門市民既生活，工作，娛樂消閒，一切如常！」
居住在內地這幾年，他常常跟我分享他親身見證中國之真正強大，不止在硬件，而是制度、效率、文化、科技、人民的生活及思維，都遠遠超越許多西方國家的人。他現在身處中國內地，常說在中國內地很安全，治安比外國好好多，人情味更濃，新一代的內地年青人充滿創意及活力，有國際視野，分析力強，在控制疫情方面，更遠勝絕大部分西方國家。他非常慨嘆香港有許多誤解及抹黑中國的人，鼓勵香港人應該回內地看看真實的中國面貌，而不是只聽一些媒體的刻意抹黑及以偏概全報道。
我跟他說：「現在中央政府已經出手相助，開始有點盼望！」好多問題，我都唔知點答佢，但這樣一位在中國工作的海外華人還那麼心水清，我十分驚訝！
希望香港盡快撥亂反正，唔好再陽奉陰違，唔好再盲目崇洋，用正確方法抗疫，希望政府及專家們高抬貴手，唔好搵我地香港市民來搞啦！真係俾佢地玩殘！
