https://www.youtube.com/watch?v=Tq7hOczsZ4Y
《破陣子》 嘆思歪
四十年為家國，五載不斷風波。空有壯志齊魯漢，豪門訟棍妓者多，不停動干戈？
寸步難行徒勞，壯腰灰鬢消磨。最是倉皇辭廟日，治港理念空唱歌，垂淚歎奈何。
有人話:
佢撕裂香港,
問一問,佢點撕裂?
未上塲已經千踹萬踩,
未宣誓傳媒已經又字又咪掟磚,
未入異會,異員已經拉東拉西拉布拉杯!
邊個一開始就撕裂???公道的,得唔得!
有人話佢U乜乜貪瀆,冇報案:
大佬呀,係佢賣咗自己股份去做呢分工,上市公司,全部公開,各地稅局收晒税,而且係登位前搞掂,點違法呀?
所謂泛民里面的會計師,律師,你地有冇專業知識同操守呀?
PARTNER 離職,
再作出酬庸係"國際"一般做法,並且是承諾多少年不涉同一範疇生意的"普遍"做法,你地點讀會計同法律?
有人話,唔俾老廉阿乜姐坐正,係佢干涉?
你俾證據好唔好,你地成日話要核心價值,要法治,要乜要物,咁!普通法係乜呀?證據!!!唔係生果報導吹水?有實質證據,告佢!
果的係老廉未過試用的乜乜,政府公務員運作係點,知幾多?
Acting 係乜? 署任係點解? 唔係一acting,一處任就一定上梗!
你做開個位係好掂,但到另一位置,未必掂,咁,點俾你坐正!
以前港英一神深,李洛夫,好嘢,好人,好拚,好掂,但係冇法再上一級,咁又係乜乜喎,係唔係?
煲呔曾,好人一個,對所謂"炆煮"人士,又呵又惜,對地產佬又呵又護,結果係點?
一樣俾人撕裂,出賣同煽佢果個竟然係佢條"針", 咁又點?
七年未起過屋,未搵過地, 致令香江樓房一塌糊塗, 地產霸權賺到笑,普通人激到跳!
好啦,隻狼出嚟做嘢咯,搵地, 呵呵,呢度唔得,果度唔俾,又話環保,又話泥香,又話唔淮掂棵草,連食緊政府錢嘅大專大學,係都要覇埋唔係佢嘅地!咁,你地想點???
老人福利, 曾Sir 陳太咁多年有冇做過功夫? 你問良心呀?
怪人需有理,反"公"要用"理",用"腦", "用正字", 唔係用自己搬石頭打自己手法!
思歪,一寒門子弟,憑自己努力向上, 勤懇上位,本應受尊重, 係草根的示範, 可是, 如何被如此對待? 紅色是否如此就是原罪???佢係唔係真紅色, 抑或係橙色?睇清楚了嗎?
他走了,淒涼寂寞的走了,老鬼不是同情他, 食得鹹魚抵得渴, 無怨, 不過人間有理, 人在做,天在看!是人是鬼, 每人心中一把秤!
他走了,老鬼出下聲, 作為心中疑問, 他是是否如此不堪?????????????????
