2017年10月18日星期三

還港行之異鄉客、本土情. 遍尋昔日影。

 還港行之異鄉客、本土情。


          曾經生活較久的北角, 本土風光特別濃, 春秧街味道依然, 看這肉檔, 就是本土!


這次在港逗留較長, 發現一現象, 就是如我年齡或更年長的越來越多, 大街小巷隨處可見,
反之, 年輕人不多, 可能都是上班或御宅。上圖是北角偶拍, 動人!

執子之手,與子偕老, 踽踽而行, 款款我心。

《詩經》“邶風”裏的《擊鼓》篇
擊鼓其鏜,踴躍用兵。
土國城漕,我獨南行。
從孫子仲,平陳與宋。
不我以歸,憂心有忡。
爰居爰處?爰喪其馬?
於以求之?於林之下。
死生契闊,與子成說。
執子之手,與子偕老。
於嗟闊兮,不我活兮。
於嗟洵兮,不我信兮。

這句話原本是戰士之間的約定,現代成語多運用執手偕老,形容愛情的永恆。而在種種承諾面前,愛情的承諾應是最動人心魄的了,平凡而真誠的諾言最為感人。
     看看這大哥, 不用多說, 生活、生活、生活!!! 臉上表情及縐紋, 都顯示生活的重擔及壓力。

                            生活的担子, 二十二世紀咯, 對這"婆子"而言, 還是1945!

                                                              孤身我獨行, 不必相送。

                                                          大智者如他大隱於市, 冷眼看人間,
                                                          戇居人似我總衰多口, 賤咀駡通街!

                         "畢地"情, 姐妹愛,  同味要分甘, 辛苦無謂呻, 三餐算係掂, 四時還似錦!
                                              呢間連鎖快餐店, 員工福利算係咁咯!

此次回港見到怪現象, 就係好能多中年男人嘅髮型好能唔似樣, 怪模怪樣, 我曉!曾志偉式的三十年代唧都唔笑爛喼及怪模怪樣竟然在2017IT超科技年代橫掃香江,還有咁多人去學去追隨去模仿, 香江不死, 難矣!

                                        原來仲有好多民國時期樓宇未拆, 要好好保育咯!

 嘩, 呢間絕對係寶, 實際呢間才值保留, 永利街…? 係被人搵笨, 老早要拆, 邊有保留價值? 係俾某的人吹水而己!


 哈, 上海街又有一間要保育, 呢間仲更加有特式。

 北角皇都戲院後面, 天宮臺, 六七十年代, 名作家及有良心的傳媒人同埋好多如今傳媒人師傅的文藝播導者孫大姐(農婦)孫淡寧大姐就是曾居於此, 某人有幸曾在此受教, 此列樓宇還原汁原味存在於今時今日, 又是傳奇, 不知孫大姐如今何在, 在港還是美國?

 香港五十年不變的典型地方, 蘇絲黃傳人還是五十年前一樣的迎送生涯, 米字旗,乜旗物旗仍然是炎日下高高掛, 啤酒及威士忌的香味還是那樣濃!

                                                此民國時期唐樓在灣仔是否死剩種?
                                             香港空氣污染係有原因, 基建到處皆是也!

                                信我者得坐監, 一個人坐過監才算完整人生!!!信者得……。
不過, 陳教授、戴講師以及朱牧師, 點夠解你地唔叫你地的子女、子姪去搞搞震,掟
下磚, 然後去受下靶, 入下冊去完善人生呢, 尤其陳教授同戴講師!!!



                     宗教本叫人向善, 包容寛恕眼向前, 如今牧者多惡鬦? 耶穌在天哭掩面!



亂七八糟吹水, 夠了, 好了, 好似 Mei 妹話齋, 無謂咁勞氣, 老安貼完在港一的街頭獵影。記下係香港遇到的好嘢。

呢次返港, 最啱胃口, 最"筷樂", 最滿足係食到碗老鬼"細路囝"時味道嘅"正式古典地道本土港人港味"嘅"正宗"雲吞麫!

阿姐攞碗雲吞麪上來, 一聞其湯底, 馬上好似見番走咗幾十年嘅老媽子, 當年她就是拖我去大牌檔食細蓉時的老式湯味道, 一陣烙過火左口魚及蝦殼豬骨香味, 再食麫, 剛柔並濟, 鴨蛋味香!
乜奀記,物沾記完全唔係果皮!

再咬雲吞! 細佬! 乜嘢叫雲吞, 蝦大蝦多果的唔係雲吞,係叫搵笨, 雲吞全係雲吞, 不如唔使包啦! 成隻蝦對落去好過! 呢次食到"真"雲吞咯,枚頭,左口魚味, 蝦肉勻稱, 老表, 早知有咁地方, 你唔好嘥錢帶我去流浮山啦!

老表,其實當時老表哥食完呢碗,想當眾惜你一啖, 多謝你帶回我童年!!!



我的老友講起我地舊時細個食雲吞麪的回憶, 更記起當年外賣的人對雲吞麫食的尊重, 外賣時,麫還麫,湯還湯, 而且雲吞一定在底, 麫上面一定有韮黃, 外賣的麫湯一定用銅壼便利保溫,後來才同不鏽鋼(出現不鏽鋼水壼冇幾耐,冇咗咁嘅外賣啦)。

                             食雲吞麫, 又惹起無限回憶, 今不勝昔又一好例子!


           後語: 香江本是吾家鄉,  根深蒂故無得講,  愛之甚深情更切, 誠心求天勿加傷!

香港還是天堂, 效率政情依然比某些所謂乜乜地方好很多, 物阜民豐事事實實存在,社會福利强差人意, 不比某些乜乜地方差, 唔知點解總是有些人, 不去比較下, 郤成日吱吱咗咗搞意識形態鬦爭, 當然要更乜乜係理想, 但係唔係乜都要打爛, 打破, 毀滅咁先至叫炆煮, 果的只係火燒而已, 乜都燒晒再從頭, 咁點會叫做"理想"…?

不個, 老安講嘢冇人會同意, "車, 你思夠忽鬼, 風涼兼涼薄, 係人地度享受西方文明民主福利, 係度隔岸觀火, 返嚟咁能多嘰嘰喳喳, 你咁能叻, 放棄三等公民身分, 走返嚟去攞綜援啦, 死老坑……臭加燦, 三等假難民, 去死啦你!!!!咁多人死你唔死! 炆主萬歲, 我要珍寶船!!! 唔同意黃色嘅都係賊, 係人渣!!!"

老鬼惟有, 係呢度收口!!!走頭!!!