圖書館- 香江VS温哥華

秋葉阿姨講起香江中央圖書館, 這圖書館花錢不少, 設備亦是非常不錯, 可惜, 外表係老鬼眼中, 係有的嘥咗, 配合唔到裡面嘅優秀。

不妨晒一晒温哥華中央圖書館俾阿姨, 睇下係唔係有的………。

其實温哥華中央圖書館同香港中央圖書館面積差唔係好多咋, 好似香港果間仲大的, 不過建築的美感, 好似………。

(圖片全來自互聯網)

左腳趾公屈曲時會痛, 右腳踭位也會痛……痛風兼骨剌。

年紀大,機器壞,這是人間定律, 很少人、其實係冇人會逃得過這定律,只是遲或早的問題。

老友訴說情況, 老鬼這個黃六遙遠斷症, 痛風及骨刺也! 無乜嘢可以醫到根治噃。只可以忍下痛,注意下飲食,係老外地方,用叻係整幾片TYLENOL,係咁多噃,老外醫生好多時唔多願意開處方藥,除非你同佢好鬼熟同埋真係好鬼痛,不過佢會千叮萬囑,唔係食咁多,副作用喎。

什麼是痛風症？

痛風是血液中的尿酸含量高（生產太多或排出太少），引致凝成結精體，以致關節發炎及突然劇痛。尤其是腳的大母趾、腳跟、肘...。有時結精在外耳，腎引至腎病。

痛風是由單鈉尿酸鹽（MSU）沉積所致的晶體相關性關節病，與嘌呤代謝紊亂和（或）尿酸排泄減少所致的高尿酸血症直接相關，特指急性特徵性關節炎和慢性痛風石疾病，主要包括急性發作性關節炎、痛風石形成、痛風石性慢性關節炎、 尿酸鹽腎病和尿酸性尿路結石，重者可出現關節殘疾和腎功能不全。

痛風常伴腹型肥胖、高脂血症、高血壓、2型糖尿病及心血管病等表現。

痛風依病因不同可分為原發性和繼發性兩大類。原發性痛風指在排除其他疾病的基礎上，由於先天性嘌呤代謝紊亂和（或）尿酸排泄障礙所引起；繼發性痛風指繼發於腎臟疾病或某些藥物所致尿酸排泄減少、骨髓增生性疾病及腫瘤化療所致尿酸生成增多等。

英文名称gout 

由於它影響的關節沒有固定，謂之風。跟吹風無關，中醫的風並不是跟物理現象的風同絕對的相等意思, 只是形容病情及病癥的一種情况, 很多病的病癥是來去如風, 感覺上又是飄飄渺渺的, 所以以風來形容, 跟天氣亦無直接關係。

一般人時常把痛風混淆風濕、其他關節炎。 

如果未能立刻看醫生，可用冰敷暫時舒緩痛楚，跌打酒對減輕痛楚沒有什麼作用。

為甚麼會有尿酸高，或痛風症？

尿酸高的原因很多，主要分兩大類：

一、身體產生的尿酸太多：

二、 原發性的尿酸過高

食物中嘌呤太多，如內臟、肉類...,運動、飲酒、肥胖、各類的酵素缺乏症

、溶血或其他骨髓中新陳代謝增加、牛皮癬。
 

身體排洩的尿酸太少, 原發性的尿酸過高、各種腎病、尿崩症、血壓高、血酸中毒、鉛中毒、副甲狀腺素過高、甲狀腺素過低。

藥物：如利尿藥、酒、柏金遜病藥、....
 

如何處理痛風症？

臥床休息，抬高患肢，冷敷，疼痛緩解72小時後方可恢復活動。儘早治療，防止遷延不愈。應及早、足量使用以下藥物，見效後逐漸減停。

（1）非甾類抗炎藥（NSAIDs）

（2）秋水仙堿

（3）糖皮質激素

驗血以測知血液中的尿酸含量，也可能安排患者接受X射線檢查。

用抗炎藥物，助關節消炎止痛。患者在每次發作時服藥後，在二十四至三十六小時之內，徵狀應可緩解。

經常覆發或血中尿酸過多的人，可能要長期服食藥物以保持尿酸含量接近正常。 

保持健康、不要過重、避免吃某些食物如各種內臟、戒酒，及不要做可能引發此病的活動等。 

由於尿酸太高可影響腎功能，須服食降尿酸藥。亦不應自行配藥，不適當地服降尿酸藥，亦會影響腎功能。 

(老鬼按:以上由(1)開始,講咗等如無講,老外西醫知道點醫,點開方,不過抄書又抄埋咋。)

如何預防痛風症复發？痛風病人應如何注意飲食?

飲食應低熱量、低嘌呤、低蛋白、低鹽低脂能量飲食，，減少尿酸攝入、增加排出。曾引起發作的食物、酒類或活動，都要避免。保持合理體重，戒酒，多飲水，每日飲水2000ml以上。避免暴食、酗酒、受涼受潮、過度疲勞和精神緊張，穿舒適鞋，防止關節損傷，慎用影響尿酸排泄的藥物如某些利尿劑和小劑量阿司匹林等。

戒食嘌呤含量高的食物, 任何動物的任何內臟, 尤其是肝、腎、胰、腦。

紅肉如牛肉、牛舌、牛仔肉、羊肉、鷓鴣、豬肉、乳鴿。

海產, 尤其是魚仔、魚頭、沙甸魚、鰽魚、鯉魚、鱸魚。

如有必要，長期服食藥物，使尿酸含量降低。服降尿酸藥的初期，可能還會急性發作。 

長期服藥和治療，可以預防嚴重的併發病。

老鬼對痛風有過方法,當佢隱隱發作時,馬上走去買幾枝大SODA CLUB水,即係較酒同雞尾酒或菓汁飲品果的 Soda水, 應該好鬼平架, 然後切二三片檸檬, 檸檬搵少少大熱滾水淥一淥,攤番冷,然後檸檬連涷咗啲少少檸檬水溝埋Soda水飲,早一杯8安士杯,午一杯,晚一杯, 有好轉就減為早晚,再好的,一日一杯。

另外,真係要戒酒,尤其啤酒,戒食牛雜,豬膶。

中醫方面,痛風屬於"痹証"範圍,多由嗜食肥甘,濕熱痹阻,氣血不暢,肝腎虧虛云云。
方劑不少,不過中醫治病,不同西醫,要因人而異,冇乜可能一方治萬人,所以不能千里電波問診兼處方,况且老鬼無牌無證無証,唔敢亂噏。

不過,所知道,又自己體驗過,煲下苡米水飲下, 都有的幫助,苡米,老外也用,隨時買到,試下冇乜大碍,一飯碗苡米,煲一公升水,滾後中火九個字收火當汽水飲, 如果有菓皮,整一片落去。

凡有唐嘅地方,就有藥材舖,唔知你果便有冇咯,如果有,買隻成藥叫六味地黃丸,平時用吓都有防治作用,主要係滋補肝腎為主。

酒就真係要飲少的,仲有,如果戒唔到嘅,咁就要買"靚酒"、"好酒",唔好飲土炮, 好似十八年嘅Chivas等等。啤酒就真係最好唔飲, 要飲就反而要飲土炮,唔好飲進口,越新鮮越好,不過千勿過量,去鬼削腎架。

腳踭方面,唔使講, 骨刺也! 又係因為肝腎俱虚引至, 中醫之所謂腎虚,並不簡單的話係個腎,而係綜觀全個生育及泌尿及乜乜物物,是人的體質極為有關嘅防治對象, 男士如果防空部隊訓練過多, 尤其中年以後,的而且确,确而且的對對痛風呀,骨刺呀等等牵涉肝腎的有不良影響。

如要補腎,好多傳統方及食療方,當地藥材舖大哥大姐都會執。

另外,有一方法,不過要好有耐心,就係食完晚飯,將近上床,揾個洗衣盤,或水桶,可以浸隻腳落下過腳眼,倒的你自己可以忍受到嘅熱度嘅熱水落去,再加大號潄口水蛊熱嘅白醋,又係自己試啱水温,夠熱但係唔盪傷自己嘅,將隻腳浸落去,稍涼又加番一的熱嘅,三個字到半個鐘,晚晚如是,試佢半個月,睇下有冇改善,有嘅繼續,直至好晒。

另外,睇下果邊唐人超市或藥材舖有冇隻香港黃乜益活絡油,有就買翻嚟,搽患處腳踭,然後用個吹頭風筒向患處慢慢用熱風吹,又係小心唔好太埋太熱辣到自己傷晒,老鬼唔賠架!

如果冇果隻牌子,其他乜乜活絡油都可以試下,效果唔知, 不果始終都能舒緩下, 其實乜乜物物油成分都係大同小異,當然係有少少唔同,乃係秘密也!

痛風及骨刺,老鬼所推薦都唔係值錢同難揾,尤其侵腳,係好有益,同好催眠,保健好方法之一。

浸醋,買老外醋,切勿買祖國醋,因為唔知內容係乜!食用嘅更加唔好!