 |
| 五十年不變? 香港這一邊的確如中英聯合聲明不變, 一樣是棚屋, 一樣是"丁屋", 一樣是滿地水漬, 一樣是"簡樸(本想用簡陋這詞, 怕被人拍磚, 不敢!), 可是一抬頭, 看看"紅風"所在的后海, 啊! 呀! 嘩! 真的很討厭, 為什麼這樣"不環保", 滿滿都是英泥高厦, 阻風阻水, 又"難看", 又"土"!諒居住的都是貪官土豪! 可惡!!!! |
 |
| 看看香港, 都是多麽保育, 一片淺沼, 幾許多生物, 包括乜乜物物野生動物海產, 香港人多麼文明大氣, 人住劏房犧牲自己去保持"原生地", 比較起來, 比海對岸大氣多了! |
大佬所思何事, 所想何物, 所做何事? 千萬不要睇唔開,跳落去游過對岸, 棄"明"投"暗"!
 |
| 嘩! 兒時"賤"物的花膠魚肚, 今時今日原來貴過黃金!!!啍, 都是對岸那些皇松土霸貪歡的靠害及大錯, 食貴晒的嘢!可恨!可怕!可憎! |
 |
| 流浮山的黃昏, 真的像黄金, 果晚, 老表請食海鮮, 佢埋單, 老鬼一看, 嚇了一跳, 論斤兩論葱油, 忡貴過去彌敦道乜大福,乜生生,乜瑞麟買金, 老表呀, 老鬼今生為奴都無辦法報此一飯之恩!!!! |
 |
| 漁舟唱晚, 店家好唔得閒, 食家冇得揀, 而且荷包一定殘, 原來香港人使錢使到咁鬼棧! |
 |
| 條條水喉射住"村民",個個發到唔恨! |
 |
| 一家大細又食又玩又跳又影, 齊歡唱,齊快樂,呀!點解老鬼係楓葉睇香港電視, 果的大學生又喊又叫, 又跪又燒, 又吊又曉話香港係"亂世", "民不聊生",唔通我去錯地方?????? |
 |
| 凡事不要看表面,照片所呈現的, 在今時今日不可盡信, 美麗嗎? 當然美麗, 呵呵, 當你在真正現塲時, 另一景象, 往昔的蠔田沒有了, 可是往昔隨地隨灘的垃圾, 五十年不變, 只有多,沒有少! |
當年流浮山並無今天的"混亂", 去流浮山的途中都是農田,景色怡人,跟現時竹的沿途都是"棕地"的醜陋形象不可同日而語,今不勝昔,噢,香港!
 |
| 不欲抹黑, 不想强調, 只有心痛! |
前年,到"紅色大地"的舟山, 只見他們在漁港的沿濱"大牌檔"乾淨簡潔, 衛生悅目, 檔檔老年咁大個電視瑩光幕, 彩色圖文並茂, 加上清清楚楚明碼實價, 這是鐵一般事實, 為何"先進而文明"的香港, 一個極高消費塲所反而還是如"阿三"一樣!
其實, 如果能把所有條件都弄好, 遊客一定會大增, 以流浮山的景色, 一定吸引過希臘, 商戶的收入及前途一定會翻不知多少翻, 香港聲譽聲勢一定如火箭般上升, 一國兩制的香港一制不用說大大大大蓋過"紅州低文化", 何樂不為, 只是有無有心人為之…?
鄉親父老, 老鬼絕對不是長"討厭而紅色"的志氣, 而是愛本土深切,恨鐵不成鋼!!!!
要為錢途, 要為本土聲譽, 一些有心人應該做下工作, 把流浮山建設成"希臘"漁村漁港呀!!!
老鬼當晚食的真不開心, 錢是老表花了不少, 可是老鬼食咗都無味及無奈, 何也, 所選食肆, 當天有一班"大佬大姐"包了閣樓, 不知是慶祝何事, 一開始各人便擘盡喉頭, 大叫大嗌, 大吵大鬧, 從頭至尾, 吵聲可達超音速戰鬥機的"超音音爆", "數萬分貝!!!
老鬼心想, 以千千千港幣做單位以兩計的深海魚、鮑魚、海珍, 其鮮味、美味, 不是用來細細品嚐其鮮味的麽?
如此用一枝又枝的啤酒, 你猜我打的懟酒, 你鬧、我吊、他媽的叫喊, 那些海鮮美食用來作什麼?不止是暴殄天物, 簡直係煮鶴焚琴, 鮮花插落牛糞等等、等等。
不如大杯酒, 大塊肉還爽! 南乳豬手, 紅燒肉仲好過, 錢花要花在刀口上, 如此這般糟蹋魚珍海寶海鮮, 老鬼替那些漁物的犧牲不值!而且老鬼整晚都被轟得頭昏腦漲兼眼花耳鳴!
有錢便土豪, 香港人整天駡"河之北紅綢"皇松人士, 郤自己不也如是???十步笑百步乎!
此文一定被人拍磚兼吐口水, 不過, 成世戇居, 多一次無妨!
