2016年11月10日星期四

人即是鬼, 鬼即是人, 人鬼冇得分, 加燦發 "馳騰"! 寧鬼舍乞人憎!

其實呢幾年, 某些人嘅行為,算唔算係欺凌呢?一個從少努力,勤奮拚博的窮小子成為行業强人,再想服務鄕人,郤落得如此環境, 是否有點……………? 他欠了誰? 欠了你? 欠了你的什麼???????
希望這窮孩子想一想, 不要再做了, 前機管局主席, 陳先生金句, 不值得替乜乜服務, 退下來吧!


有人Yesterday at 8:29am轉來香江第一才子陶傑的陶傑 Channel俾老鬼

 內容如下:

杜林普上台,梁振英竟然發電「道賀」,又令人覺得幾好笑。

美國總統當選,道賀者只會是各國元首,包括中國國家主席習近平。

廣州市長有資格和規格道賀嗎?除非廣州獨立成國。

記得當年香港遊客在菲律賓被屠殺,特首曾蔭權致電菲律賓總統阿基諾三世,遭到香港愛國陣營破口大罵:區區特首,有何資格致電賓總?搞「次主權」,是不是提倡港獨?

據說世上有兩種邏輯:一是邏輯,另一是中國人的邏輯。不要污辱了邏輯這個由蘇格拉底傳下來的名詞。

老鬼睇完, 忽然反胃, 嘔吐大作, 中咗招, 感冒也。

老鬼係"費事卜"裡面按

哈哈! 夠了,本人都不喜689, 但係乜嘢都抽佢水,東南西北上下右右中, 乜嘢都噴佢,抹黑佢,丑化佢,最初都覺得好過癮,好能爽心, 幾年了,繼續"曾志偉", 已經變得眼痛了,漸漸覺得有的"同情",你地會唔會覺得呢的噴口水式"侮辱"好鬼煩啦,反而變咗幼稚?

某的人成日話要民主,世界上乜人都有權去祝賀某人,聯合國有邊條法例係指定只有國家元首先至有權祝賀某某當選,紅星紅旗"無法無天"的人大,黨紀等,有邊一條法及規唔俾一國兩制"特獸"去賀美當選大統領?

真的夠了, 689係樣衰,但係佢有冇替香港人做過"好事",上任貪曾七年,一事無成, 首任老慒懂連新機塲啟動都一塌"糊塗"(係邊個女高官兼乜乜女神做事不力之過呀,諗番下!),689係某些人心中人渣,點解呀?佢害過你家散人亡,妻離子散, 害過你開唔到飯?(細心諗下邊的人真真被佢害咗?地產商)

再申明,不挺佢,不喜佢,唔理佢過去點叻,但係做"特獸,真係唔叻,無大將之風,好學唔學學老慒懂,得過勤力二字,唔夠勇氣,唔夠狠,唔夠毒! 但係有冇咁需要嘥時間日日夜夜時時分分秒秒"di…ao"?真的夠了!

這陶才子,自從689話要參選已經開始利用689嚟搵真銀,其人才高十九斗,智商十七樓,講嘢好似個口溜過油,逢乜乜都噴,噴到荷包爆到一舊舊,好鬼奇怪,佢出身竟然係紅星紅布嘅官二代,再者當年是邊個供佢去英國讀書? 識者心中有數, 無謂説咯? 初期都覺竹得佢好嘢,不過越睇越攰,搞到自己走火入魔了。


哈哈,有高人回老鬼,把政治經濟學教科書裡面名句全部抄咗俾老鬼,叫老鬼學嘢。現錄如右: Chan Shui 其實一個掌權公權力的政治人物,甚至公衆人物,係常時会遭第三權力監督,政治对手攻擊,甚至污名化, 你只可靠你的表現政绩和親和力去争取支持,一個無民授權的首長巳经是先天不足再加上佢後天的性格和語言偽術,大部份港人既不能改变政治現實,又無力港獨,又冇力掟磚更壓倦了上街的,就惟有噴下口水,宣示下不滿!做政首,只有做過好事,肯定係5夠既,何况呢個論述都有爭議呢


老鬼得閒, 又手痕,又回貼如下:

你書讀得多,你啱!老鬼不識"理論",唔知乜嘢叫做"意識形態",亦不會去爭佢, 只是一個字""再加另一字"",你唔厭,我厭,香江社會係唔係"完全"好似你咁鬼有理論,有見識,乜都書院派,乜都正字正确咁就可以日日搵"做嘢"嘅人出氣,咁就可以天下無敵, 唔使做都有得食, 上街可以人人發達天天鮑翅席?


我完全讚同你嘅理論思想行為道德,撐你架!

不過,十九年了日日鬧老董,日日鬧老曾,家陣,689未上台已經被人糟蹋,連老母扎腳都被留學英國嘅紅色官富二代才子侮蔑,咁又幾年啦,的大哥大姐用佢嚟出人工攞稿費都唔少,轉下新鮮的啦, 唔好咁夠懶,好唔好!
真係好煩好厭,污染太過啦!

再申明,你係啱晒架!你全對,全正确,只係老鬼普通人,覺得好厭,同埋好似吳志森所講,我教育低,無腦,無文化, 唔知點解有的可憐同"的的"同情689!我錯架,因為好似理工乜水鄭講師所講,阻住地球轉! 我由討厭佢變咗有的同情,你地用唔政治正确諗下點解!

講開又講,家陣果的話爭取民主又話物的高知,公知,好似吳志森,鄭講師,曹才子,蕭公子,毛姑姑等對基層咁鬼"乜乜"咁鬼睇唔起! 係唔係"民主"只係你地讀過大學嘅先至有資格,只要係黃色先係民主嘅做法,係唔係將來大權在手, 我等要攞去填海,(我唔係維園阿伯,不過都係阿伯,,即係應該收聲自盡果的)……我蠢,唔明!

老鬼患咗抑鬱症好多年, 成日疑神疑鬼, 好鬼懷疑今時今日,冒出好多"高手"不斷向北風吹, 向北風噴, 叫香江同胞向三江三海倒灌維港井水, 勢要把未瞓醒,或已瞓醒郤忙於數銀紙嘅河北大中小"他觀糊脷"惹佢地攞喼過來銅鑼灣行下, 不作不死, 係要搵北大人將"群帶路"阿嬸打死, 咁樣話先至話係夠味豉油,同本土腊腸!!!

最積極煽惑鴨脷洲青少年作引人把鳥籠摧毀嘅,
 
竟然大部份係食紅旗飯, 飲紅布水, 讀紅星書嘅曾經紅色人噃, 而香江人又信又拜又仰又慕噃, 奇!

呢幾位哥哥粉絲特多, 如"嘈澀",如"離異",如"流夫子"等等, 過去仲有個"思桃嘩", 你話香江人聰明還是……。


 始終一日, 你際我唔際, 係自己惹返嚟嘅, 到時唔好呼天搶地!


互聯網照片