Thursday, 26 October 2017

香港已是亂世? 香港真是"亂世"乎? (人人揹背囊)

回"鄉(港)"側記之一 : 香港已是亂世? 香港真是"亂世"乎?

這次逗留較長,周圍走較多, "忽然"發現一現象, 有趣!

何事乎哉? 就係"全港九新界"嘅人, 不論老中青少兒, 都係個個揹著大大的背囊,或者大大的掮包, 再加腰包, 有些是二者或三者都掮上, 看起來真的像"亂世"逃難!

學童背包重如故, 老中青十中有十一二都好似去走難或去打仗,快步兼負重, 有一次在巴士更被一後生仔之背包擊中, 痛入心肺, 大叫, 呵呵, 該青年不獨一聲"鎖你"都無, 反而怒目而視, 想殺老鬼咁款, 老伴馬上捉實老鬼猛叫老鬼唔好多事!


行色怱怱, 乃香江固有現象, 可是這次所見, 更是利害, 老安這次回港在地鐵被"調"被"曉"多次,嫌棄我阻路, 原因是約了人, 要搵出口而已,根本阻不了他們, 只是稍微舉頭望一下指示牌, 唔夠二十秒, 已經成為佢地嘅殺父仇人, 猶其係青春靚女, 嘩, 佢地粗口仲勁過老鬼我! 香江又一現象!


                                                        咁樣, 你話係唔係有型???
                                                  咁樣, 孫大砲使乜鬼搞革命推翻滿清?


還有, 不知如何, 香港興起咁嘅髮型潮流, 都係頭兩側或整圈都剃光,獨留頭上一縲, "怪型怪狀", 剃此等髮型者且多是中年男士,奇,雖說如今世界每人有每人的自身衣著服飾自由,不由他人置喙, 不過, 都要自己研究下, 究竟適合不適合自己,不能隨便跟風,說起來, 真係好似曾志乜果個節目里曾志乜的髮型, 老鬼又係無嘢講, 只係覺得好乜乜而已!



唉!,大佬,大姐, 細佬, 阿妹, 阿叔阿伯阿嬸阿姨,睇少陣手機係唔係會死架? 係都唔好企晒係到閘果度,係嗎?

好嘞! 就算企係大閘前,到站, 縮一縮俾人上落車呀嗎?
原來係冇架, 係冇人會係開閘時騰一騰俾人地上落架!!!
"喂!俾我落車好唔好,睇少陣得唔得!!!!"


最後都係嘥口水, 所以,在港最後個幾禮拜, 一於搭巴士, 唔使勞氣, 冇眼睇!


在逗留期間, 乘搭地鐵不少次, 上面所講, 男女老幼大人細路仔哥哥姐姐師奶亞叔齊齊塞住車廂閘門都唔係算"大"問題, 最得人驚係好多次遇到"痴男怨女"係車廂門閘前表演"慾海痴魂"艷情片, 男女互相擁抱愛撫吮咀!!!不止旁若無人, 而係想叫人睇佢地嘅肉緊!!!我曉!!!!

此次港九新界都逛過八八九九, 又係忽然發現, 好似老鬼咁上下, 或者比老鬼年長的隨處可見, 到處都見, 不論塲所都見, "長者數目"可以用震驚二字, 相信照顧長者的社褔及醫療護理費用應是超天文數字。

其中坐輪椅的數目亦可觀, 老安雖然亦是"老人", 應該對老人尊重, 不過,都想呼籲一下, 坐輪椅或是行動非常不方便的, 出門活動時間可否晚一點, 設在上班下班以外時間呢? 老安觀察到, "不少"是在繁忙時間出動, 這樣對己對人都不應該是好事, 你話呢?


                                                   每次返港,總是有些塲面令老安"火滾"!

唔知點解, 香港回歸後, 這些現象越來越嚴重, 何事也?

就係對緊急車輛毫不讓路!!! 尤其是對救護車, 對警車較為有所讓, 消防車及救護車, 郤是絶不相讓, 任你怎樣響警號, 閃燈, 一樣寸步不讓, 前年在觀塘更有平治大房車跟出勤消防車爭路, 又有送貨彎仔抽頭越過響著警號消防車!

今次, 在路上又見多次救護車被困車行列, 其實只要前面車輛每部略作移位, 救護車便可輕鬆馳騁! 老安真真真真不明白, 那些開車的人的心態!!! 老安清楚講清楚, 我係親見,無一次會有前面車輛願意移動一下, 驣出路給響著急救警號的救護車, 可能我唔好彩, 見唔到香港的"公義"吧!

1 comment:

  1. 坐輪椅在日間出行,好可能是去醫院,或者有重要的事去幹。
    一架輪椅出遠行,多數要配合一人來推動照顧,不是隨隨便便貪玩就出外吧?

    ReplyDelete