熱血勇武而被黑警唔知點解的活捉了的青年人的自白

被拉曱甴的自白，那些“好心腸”的大狀，那些“慈悲”的教徒，那些充满正義的“知識份子”除咗把口外, 你地有冇諗過點幫佢地! 捐錢吧!!!捐多的拉!!！

熱血勇武而被黑警唔知點解的活捉了的青年人的自白

【各位手足，《香城online》我要quit game】

由6月9開始打機，幾乎乜任都做過。

上個月不幸陣亡，之後一直喺荔枝角坐，上星期先保釋到出嚟，點死法就唔講咁多，總之而家就一大愀保釋條件，嚟緊睇怕和理非活動都出唔到去

而家嗰堆控罪，律師話冇乜機會打得甩，認罪減刑睇怕都要受2、3碌。如果再加控罪，真係隨時有機會坐10年。喺入面坐咗大半個月，講真，2星期都難捱到仆街，2年真係唔知點過。

我本身大學畢業，有份正當職業，如果安份守紀做落去絕對餓我唔死。

而家咁搞法，有個案底之後條路都唔知點行，不過比起香港大局，我嘅個人得失就無謂提。

喺荔枝角入面好多懲教都問我同一個問題：「你做呢啲有冇錢收？」,而我嘅回答往往都係：「跌錢出嚟就有」。的確，呢幾個月，我用咗大部分人工同積蓄嚟課金，之前出去都會帶多套裝，見到啲細路冇裝都分套比佢家陣恐怕要停一停了，因為未來有2、3年做唔到嘢，要儲定錢以便出返嚟時用，希望大家見諒。同時，喺入面我都見過不下十幾個手足，我哋半講笑咁話：「估唔到未喺煲底相認之前，我哋要喺倉底相認」。

出返嚟之後聽到有人吹風話，政府可能會特赦部份示威者。但我知道，就算特赦，最多都只係特赦告非法集結嗰批，我呢啲「情節特別嚴重」嘅「極端暴力份子」係唔會有份，不過冇所謂啦，梁天琦都坐咗咁耐，我呢啲算乜嘢。

而家覺得最慘嘅係冇得再同咁多位手足一齊打機，望住你哋比人打出唔到力，真係好Sad。

我認，我廢，而家再比人拉就要還押到2046，我唔想咁快入返去雖然一定要受，但都想拖得就拖，搞好哂啲身後事再坐。其實我仲有好多嘢想做咖，例如話去多幾次旅行啦、轉份好啲嘅工、或者溝番條女，而家恐怕全部落空囉。

唔知大家對於「光復香港，時代革命」呢8個字有乜睇法，但對我嚟講，從此我嘅人生就因為呢8個字而返唔到轉頭。

對唔住咁多位，我行到呢步要停，變返一個只係睇直播嘅冷氣軍師。

未來嘅路，希望大家代我行。(死不悔悟)