火唔燒到肉就唔知痛

火唔燒到肉就唔知痛

老豆：阿仔，我想問下你對罷課‪同佔領街道‬嘅睇法。

仔：梗係支持啦！死人都撐啦!正義呀嗎! 為咗香港未來呀嗎!

老豆：你地點解唔佔維園呀，香港公園呀，海濱長廊呀呢D唔影響民生嘅地方？又點解唔佔領粉領同深水灣、清水灣高球會, 又唔佔領匯豐銀行大堂、福乜門酒樓呢, 果的先至係你地應該針對對象呀嗎?

仔：因為香港好多人都係針唔拮到肉唔知痛，去乜園物園根本就唔會有人理，我地咁做就係要喚醒呢班唔見棺材唔流眼淚嘅人！去果的高球會,交通唔方便呀嗎! 去搞福乜門, 容乜易俾啹家地打死!冇咁笨, 佔匯豐銀行, 咁,我地點出糧?

老豆：但係我同你呀媽咁辛苦供你讀大學你就罷課，佔據道路影響市民生活同生計又會唔會過份左呢？

仔：老豆，做人唔可以咁自私，我地做緊嘅嘢係為左全香港嘅人做，我個人嘅成敗得失唔緊要，今年畢唔到業咪讀多一年囉！仲有果的話被影響嘅市民都係香港人，今日犧牲少少都嘈生晒係佢地自私！我地有屋企都唔番要瞓街呀！我地冇犧牲咩！禽日我都俾黑警鋤咗幾棍，索咗幾啖催淚彈， 不過你個仔都冇蝕底，我捅咗條同我咁上下年紀嘅黑警一矛，老豆，好剌激同好卵興奮，睇住佢件衫標血，老豆你唔好比人洗腦呀，唔支持我地果的人係收左西環錢架！

老豆：呀仔，你真係大個喇，本來有的野老豆唔知點開口同你講，但你頭先咁大義凜然，老豆覺得你真係明白事理嘅，咁我就直言啦！下期你大學學費你自己搞掂喇，仲有下個月開始你自己搬出去自己搵地方住。

仔：點解呀？就係因為你反對我地爭取民主、爭取正義、爭取反送終，所以你要經濟封鎖我？

老豆：仔，你誤會喇，我從來都冇反對你地爭取民主、爭取乜乜物物，你唔願做人，講清楚的，你唔願做中國人，都唔關我事，至於你地用嘅方法我就唔評論喇。🤭

仔：咁點解你要經濟封鎖我？唔解要我搬出去?

老豆：你聽我講完先啦。因為你地班正義友，日日封鎖道路、地鐵、機塲，呢個社區、果個環頭， 生意冇得做，一落萬丈，老細蝕到爬街，所以要裁員，你老豆年紀最大，人工最高，貢獻最少，梗係被裁嘅其中一個首選，下個月你老豆唔使返工啦，要靠谷種啦。 我同你呀媽計過條數，為左留筆錢比你細佬妹讀大學，依家住緊間樓住唔起喇，要賣啦，加上你咁大個，聽講你地上街都有錢攞嘅，咁, 你都二十個外啦，都係時候自力更生喇。

仔：好唔公平喎！細佬妹要讀書，我就唔使呀？細佬妹要住我就唔使呀？

老豆：我有供你讀大學喎，你家陣大三啦，隔離九叔個女素嫻同你咁大，又係讀緊大學，不過冇上街正義正義之嗎，都已經同幾個人補習，搵咗幾年錢啦，仲有錢俾番九叔、九嬸。嗱，正話你咁口響，咁鬼民主正義，你又成日唔返屋企瞓，你又話你個人嘅成敗得失唔緊要，要做義士，咁, 即係你有獨立本事啦! 再唔使黐屋企，食爺飯，著乸衣啦!

仔：三個都係你仔女，點解剩係要犧牲我呀？

老豆：屌那星呀！你唔問呢句我都冇咁火！你有書唔讀，有屋企唔番，走去霸撚住條路影響左我公司，依家我份工被犧牲左我都未撚出聲，你阿媽又係俾你地害，公司兩個幾月，一個旅遊團都冇，蝕到阿媽都唔認得，你阿媽下個月又係唔使返啦，屋企食乜呀…?你個仆街仔嘈乜撚野呀？要犧牲又係你話嘅，要你犧牲你又阿支阿咗！咁你係咪自鳩私呀？你咪又係針唔乜拮到肉唔卵知痛！

仔：老豆.....我........

老豆：我，我，我，我乜@#*^嘢呀？犧牲人地你就唔計，犧牲自己你就唔制！你好快撚的同我執嘢搬出去，或者死番去番學呀！丟! 諗諗下，番乜鬼筟，的教授邊能處係教學…教作反係真，嘥聲壞氣，學再上，跟教授出去打打殺殺，始終撞版入册更生十年八載。走啦! 你唔走，我掟晒你的架生出街，自己執生啦扑街仔！我同亚媽當冇生咗你嚿酸緖义燒算夠數，當放咗個屁。