Saturday, 7 April 2018

除衭搞手, 乜你冇講過咩?


老安拔牙, 因為糖尿病引發牙周炎,上腭所有牙齒都蛀了及發炎, 被迫要全部脫去, 成為無齒之徒, 圖中是老安在牙科診所"被"治療時留影!(耶穌基督金句, 信者得救!)






脫牙悲吟
拔牙挖齒診所間,千金耗盡唔好玩。
兩邊乳香聞未盡,老鬼已暈痛幾番。

海漂地,國民保健的醫療保險並不銜括牙科治療, 一切都"自由市塲", 成為牙醫, 十年不為功, 所以牙醫收費有如"張保仔(大海盜), 這次大出血, 幾千加刀, 肉赤至甚。



剥完牙, 睇下故鄉新聞!又偶見下圖, 幾有趣,供之眾友, 一樂也!



除衭搞手, 乜你冇講過咩?
成日抬亭, 乜你係發夢亂噏嘢咩?
啊! 啱噃, 夢話係渴睡飲豉油!
嘻嘻, 唧!唧!唧! 你真好夠可愛!!!



手痕痕, 又去摷嘢, 又一張靚相, 新娘甚美, 於是, 嘆曰:



媳婦穿金又戴銀,
睇上嚟幾十公斤,
婚姻原來段兩計,
無錢無水咪去恨。
憎人富貴嫌人貧,
老鬼心胸窄兼狠,
人地有錢你屁事,
快的死去搵覺瞓。

老鬼, 關你七事, 幾十歳都唔夠化!

4 comments:

  1. 嘩哈哈~~~~笑到我棚假牙跌落泥添....我未夠[登陸] 都冇 [口齒] 啦, 大佬都仲可以咬多十幾年骨頭 , 怨乜鬼?!不過 , 講真個句, 日日食無肉, 真係[痛不欲生] , 所以各位仁兄仁姐, 唔好怪我成日講[不文] , [啞仔食黃蓮] , 有時候要[ 炒蝦拆蟹] , 免不了, 如果唔係咁 , 分分鐘谷X上腦.....嘩哈哈, 飲杯, [尊尼走路].....

    ReplyDelete
  2. 我在賓館識得好多楓葉國房友, 好多每年都返故鄉攞[著數] , 因為故鄉有[醫療卷] 呀 , 食得唔好嘥 . 千祈唔好等冇牙先返去, 好似細佬咁 , 年齡唔夠就冇哂牙......乜都冇 , 連2蚊搭車都唔得.

    ReplyDelete
  3. 第1張同最後一張, 評語係: [老鬼, 關你七事, 幾十歳都唔夠化!].
    第1張試得多, 咁又點? 靚妹見到[異常]情況 , 玩玩你, 好似德斯汀荷夫曼套[馬拉松人]咁 , 鑽牙鑽到你死就慘啦. 至於[穿金戴銀], 我從來唔睇 , [俗不可耐] , 怕佢[污染].

    ReplyDelete
  4. 冇哂牙啦? 食多啲豆腐啦, 特別是如圖1的金毛賣的. 不然, 飲多一點[老威] , 蘇格蘭佬的, 飲完仲要緊識得[尊尼走路]...

    ReplyDelete