Saturday, 28 April 2018

無病呻吟二則

乜嘢叫做文化?
老安生性拗頸, 對乜嘢事都要噴下先至心息!
楓葉真係問題多多, 戇居嘢日日新鮮, 唔鬧唔抵得!
不過, 有兩樣嘢, 老安讚咗幾十年, 一就係"文化", 你一出一入機塲, 便不知不覺俾楓葉歷史、文化涮幾涮。
尤其第一次嚟楓葉溫哥華, 唔使同你講, 你已經到了北美!
你唔會諗到係去咗第二度!
其實好簡單, 幾碌木, 咁就令你感覺到到咗"大家拿"<
糟質番北上港, 你係呀, 見到好宏偉、好科技、好先進, 但係,,,,,係邊度呀, 只有一陣W40味道, 文化呢????

老安第二讚嘅就係建築工程同埋建築工人的自信、建築工人的驕傲、建築工人的尊嚴, 地盤的乾淨、整齊、安全及絲塵不染!
大國崛起唔係有高鐵, 有航母咁簡單, 直至建築工人能有楓葉的社會地位同尊嚴, 大國崛起, No Way, 糠稈都係, 什麼金融中心, 什麼思忽鬼都冇用, 看看糠稈人對建築工人的態度, 同河之北差不到幾多, 法治,文明, 自由,民主???No Way!!!



溫哥華尤其列治文, 整天被人咀咒、抺黑、恐嚇、遭質、嘲笑, 咁笨架, 走去大溫落腳, 仲要繼續長住, 你睇下, 又係地震帶, 又話會地沉, 又話大地震, 又話水浸, 又話會海嘯, 又的仲話隔離老米華盛頓州嘅火山爆嚟, 你地咁鬼近, 容乜易被溶岩活埋, 總之冇句好!

睇下, 大溫哥華係列治文嘅飛機塲, 個天想要點?

答: 個天冧落嚟咯!

嘩! 真係好似, 我都要"走佬"咯…………。

4 comments:

  1. [楓葉真係問題多多...] , 得你講啫 , 漁港的成千上萬居民都唔知幾想去. 如果門檻唔係咁高, 果d 漁民立馬扑到去!...想幾十年前, 如果那2位CBC妹妹唔係俾檸檬我食, 可能我都做咗加佬好耐, 仲有可能兒孫滿堂添, 唉......
    講開, 第一張相片個幾條木, 我呢度上機場條路都有, 在交匯迴旋處亦有個大大嘅原住民雕像.

    ReplyDelete
    Replies
    1. [尤其列治文, 整天被人咀咒...] 冇丫, 唔覺得. 踩個零鐘車就可去到世界一級強國, 沿途又風景如畫, 花香處處, 都唔知羨煞多少唐山阿伯阿姨.
      仲有呀 ,如果講埋俾人聽話每月有過千刀老人糧, 肯定恨死班漁民啦...(千幾刀換成港紙嘅話...嘩! 過萬呀 !好多錢呀!!!)唔...晚安. 等我都發下夢先.......

      Delete