Saturday, 31 March 2018

引頸就戮, 無奈, 無言!

大溫人民又要準備要俾人加稅咯!!!班敗家仔又有嘢要敗啦!

公車局又有搞作。

首先介紹卑詩省大溫交通公車局”運聯" TransLink,,省華人稱之為”混亂”, 經費來自大溫納稅人?無王管的公共事業大賊及敗家仔!加價要加就加, 仲有, 一唔夠錢亂花, 馬上在地稅, 汽油稅加到佢地話夠, 服務九流過十九流, 整個機構唔民又唔官, 四不象, 冇人及機關可以監管, 但係錢就來自人民, 絕對係畸形兒, 每年此機構之購買員工咖啡用品, 可以近百萬加紙, 冇佢收! 機構是註冊民營, 但係股東係英皇企業, 資金來自稅收, 上面無任何機構可以有權監管, 奇之又奇, 董事全是官方委派, 全是政黨顧問或落選黨員,黨棍, 或不同利益人士, 如工會佬, 如社工, 訟棍等等, 什少有公共運輸專才,

公車局經過近十年的計劃、討論、試駕, 這個那個這星期公佈已”决定(見到車才可相信)”在2019年引入32輛大英帝國阿歷山大.丹尼斯Enviro 500 R1009型雙層客車(巴士)加入服務。

此型號雙層客車(巴士)可容納80至86名乘客,其總載客量比舊的公路客車增加了83%,增加了接近一倍。

除了額外的座位外,客車(巴士)上層甲板可看到的全景景觀,攀登上層甲皮的樓梯有燈光充足及安全扶手,下層置一螢幕可以讓乘客看到上層有沒有空位。上下巴士有低臺階、平地板和坡道供登機。

這輛客車(巴士)的售價約為每輛100萬美元(650萬港元),TransLink”運聯"(省華人稱之為”混亂”)承認這車型比一輛典型的柴油巴士要貴得多。香港只需港元不超過五百五十萬已經可以購置這型號的油電混能版, 其中水深以楓葉”老”公民來說, 見怪不怪!

在落實計劃及客車到達後, 雙層客車會行走南素里, 白石,蘭利和茨瓦森渡輪碼頭至溫市來回。

Image may contain: outdoor
卑詩省大溫運聯早在2004年啟動引進雙層巴士服務研究, 2008年大英丹尼士車廠已經無償運送數部巴士俾大溫公車局試用, 不過總沒有辦法見到他們在市民眼中出現!
十多年後, 到今天才說有可能明年行走! Oh! Canada!

Image may contain: sky and outdoor
此型號巴士實際係香港運行多年, 而車箱設計,座位比大溫想引入的"豪華"的多, 起碼"絲絨"座位, 型號亦更新多次, 奇怪的是, 香港的購置成本五百萬左右港元, 如要油電混能,只需五百五十萬港元而已!

大溫運聯所公報的購車成本為600萬美元, 又係果句, Oh! Canada! (加拿大冇ICAC)公車局的賬目已經混亂好多年, 係大溫有留意時事的都知道!不過好多港移民"息魔麻舞釣遊食買"人士,都是與世無爭, 一味話炆煮, 鴕鳥者還係話楓葉係天堂!

Image may contain: one or more people, people sitting and indoor
車身比香港的低矮, 原因係配合"馬斯"菲沙河過海隧道高度。

Image may contain: bus, sky and outdoor
單車佬大夠晒, 巴士頭係單車架!

又係奇怪, 大英帝國倫敦市基本已全部改用紅旗車廠BYD電動雙層巴士, 丹尼士已經失去本土市塲, 可是出口還是咁勁,包括最主要客戶, 糠稈!
港人一見係紅旗出品,誓死不用, 就算試用期中, 一定問題古靈精怪, 唔壞都要整到佢壞!其實用嘢講實際, 唔使乜都要"正字正涸"掛!

10 comments:

  1. [又唔關我事噃, 我係楓葉都無後代咯, 點還都冇我份, 關我屁事!].....
    ???
    這正如故鄉的事, 因為有個大仔同孫女, 所以大佬...(是的, 我永遠尊你為大佬!)日X 夜X.
    這其實不太好, 因為加插了太多的個人因素.
    大佬真正的目的是甚麼呢? 告訴故鄉的人"外國月亮不一定圓" ???
    真係法國餐! 原全不知道故鄉人不到"死到臨頭" 都不知道死是甚麼一回事.
    .......
    網上朋友 , 有很多我欣賞他們的[造藝] , 如那做新聞的.
    而大佬 , 我也欣賞那苦學不斷的精神 , 可惜一方面只懂強調自己外族身份 , 卻一直保守那"中華文化"...傳宗接代 , 光宗耀祖.
    我寄住的地方 , 要日X 夜X的地方多的是, 但是我開不了口, 因為是我自己選的. 正如一些選擇留在小漁港的人一樣. 既然選了留下來 , [認命罷].
    可惜有太多像大佬一樣, 留了下來卻又想更好的, 於是那班[合家富貴] 的, 明知[走投無路] , 卻又[ 高票當選] 一樣.

    世界原就是[如此這般] 的on line queue.沒有對與錯. 只有站在看風景的立場.

    ReplyDelete
  2. on line Q Q 又一週
    長假無聊玩賓周
    世事變幻原本有
    何須傷春又悲秋?

    ReplyDelete
  3. 老弟講的真啱,本來老鬼已經想好似觀音頭咁去修行, 可惜又係拜錯師, 越修越騎泥, 仲要想咒人, 不過我冇咁毒, 咒人去仙遊, 係度住咗二十幾年, 真係心淡兼心死, 只係貪佢好天氣, 不過呢幾年, 三級政府的政棍越來越離夠譜, 荒夠謬, 完全離地, 所做之事無腦都抬舉佢地!
    好多左膠或者識的唔識的嘅思忽鬼, 最金句係, 佢唔好, 下次唔選佢咯!老鬼夠知我有阿媽生咯, 目下乜黨物黨班政客, 來來去去都係個班垃圾,多數係無能訟棍, 狀師, 左膠到唔食人問煙火嘅社工, 乜夠嘢都話環保嘅偽環保人渣, 工棍!或者係事業不成的小商人,好似溫市的羅品信, 做咗十年, 剩係地皮,佢搵唔少, 有冇好人去做政客?冇!因為佢如果係好嘅, 佢地係事業上已有成就, 冇你咁得閒, 最大問題, 政黨其實被某些利益集團操縱, 唔係我砌生豬肉, 三千萬國民都清清楚楚知道, 除咗係糠稈攞住大舊錢過嚟日日息魔釣跳遊個班嫉乜如仇的人, 成日話有豉油, 有空氣, 楓葉係點,唔知!
    四月一日開始, 乜都加, 電費, 碳稅,乜費物費, 仲有好多騎泥怪力亂神的稅,講極都唔明係乜嘅稅!但係老人金, 綜援等等就一仙都冇得加, 連我市間就冧,就冧嘅醫院, 一樣唔好要佢出錢重建, 要建你自己諗掂!
    又開始大麻合法, 又開始派海洛英, 又開始唔俾叫先生, 叫女士的左膠男女中異性別歧視喎, 咁, 想唔慶都幾難!

    至於係唔係想叫人唔好移民過嚟, 答案係係, 我在上海幾個朋友, 高薪厚職, 又車又樓, 前途大片光明, 忽然話要移民過嚟, 老鬼真心唔希望佢地好似我咁乜乜, 同佢地講, 諗清諗楚, 佢地個個一句話頂過來, 佢地大大聲咁話, 我地為咗下一代呀嗎! 無言!

    老弟, 若果係你, 點做?

    ReplyDelete
    Replies
    1. 冇眼睇. 買支紅牌威加包開心果, 聽下雀仔唱歌仲好過. 以前我都去投票架, 呢十零年就冇囉, 太多牛鬼蛇神啦, 台上如是台下如是, 個個都係大老倌.

      Delete
  4. 老鬼認命架,無人搵知槍迫我嚟, 係自己揀, 等如包咗個小三同居咗二十幾年, 除咗頭幾年, 儍下儍下霧裡看花, 到幾年後發覺好似李敖咁, 睇清楚美人痾屎, 原來仲丑怪, 馬上離婚, 老鬼好心, 話要了解多的, 咁拖下拖下二十多年, 唔通家陣臨老至離婚?

    呢兩日好燥, 原因係"大抬亭"係寶島亂吹亂噴, 仲要同條倀雞卿老西唱雙簧要食毒食辣, 真係火都嚟埋!

    啊呀,一俾娥姐話, 呢條"大枱亭"竟然縮杠, 咁先至再吹漲! 係唔係書讀得多嘅人多數冇思忽???

    ReplyDelete
    Replies
    1. 個條[大]教授真係冇思忽架, 同埋嗰班都係, 敢做唔敢認, 燒咗本乜乜法又話唔係, 成班縮頭鬼. 不過咁賤嘅貨色都有人buy , 吹咩!

      Delete
  5. 關於[傳宗接代] 我有一點想法 , 那是經過老同志的[ 實踐是檢驗真理的唯一標準]得來的:

    你說啊, 你去[倫敦] , 出盡[九牛二虎之力] 來個[天人合一] , [ 陰陽互補] , 出了一身汗得來的幾秒快感 , 值得嗎? 還要[售後保養] 18 年呢, 倒不如找5姑娘的爽快 , 乾乾淨淨 , 永無後顧之憂 , 還加送你那段時間的[消魂幻想] 呢….

    別小看那[售後保養] , 那可是要你[嘔心瀝血] 的, 更不能保證到期後你會得到[相對的回報] . 再說啊, 就算那小子能[ 光宗耀祖] , 到時你都 6 feet under [瓜老襯]好耐啦, 知條鐵咩…..

    唔好意思 , 又講多咗. 嘩哈哈~~~~

    ReplyDelete
    Replies
    1. 為咗打冷震, 一世做煩人, 都係寡人好,唔使咁頭痕。

      Delete
  6. [Into the era of A.I.] by Roger A. Liao

    如果幾十年前睇完" star war " , " E.T." 之後 , 特別是那複製羊之後 , 我會咁寫, 可能我會.....

    幾十種可能. 如果真係睇得通透, QQ老母上市, 買佢區區一萬股, 今日已經[飛機火燭]....[銷魂] , [長嘆].

    沒有多少人睇得通, 但你必須明白 , 潮流是這樣的走. 幾十年前已經有[試管嬰兒] , 近代亦有[AI寵物]. 用上科技 , 甚麼都可[造] 出來 , 包括你的[下一代].

    法國人正在努力的追趕 , 因為在A.I. 方面 , 真的落後很多國家........

    沒有再說下去的必要了. 不過作為 [傳宗接代] 這題目 , 似乎可以作為一點[補注].

    ReplyDelete
  7. 法文會唔係技術追上的障碍, 因為科技主要係用英文,要譯過去法文。
    法文又難學好多, 果的陰性, 陽性, 中性及時態等等真係唔容易, 老弟學法文時有冇認為"好難"呢?

    ReplyDelete