2017年7月31日星期一

老中醫延年益壽歌仔

一日之計在於晨,一年之計在於春,
祝各位幸福快樂,平安健康每一天!

老中醫延年益壽歌仔

“朝早起身咪忙狼,
伸伸懶腰莫離床,
坐係床邊憩一憩,
分零鐘後始出房。”

幾十歳人要小心, 一瞓醒唔好即刻"矻"起身, 好容易領嘢…中風!

“暖滾水半杯先飲,
血脈暢通有可能,
大小二事馬上做,
體內百毒去無痕。”

“靿頭搓耳捽魂面,
頭腦清醒馬上掂。
洗鼻揉眼迎香穴,
傷風眼花你無緣。”

靿頭捽面拍後枕, 做完寧鬼啥精神!

有用穴位,捽下啦!



“叩齒頻頻脷常轉,
護牙方法係咁癲,
拍手拍腳磨丹田,
摩身摩勢實延年。”

 “早餐要食唔好慳,
油膩盡少食隻蛋,
伸手伸腳轉下身,
運動適度咪死撐!”

“急腳咁行遊花園,
略加小跑係咁先,
萬步轉眼唔多覺,
堅持落去效果見!”

“煙仔米攪酒沾點,
放開胸襟望下天,
晏晝瞌下搵周公,
至緊唔好自作賤。”

“夜晚個餐係咁意,
半飽益胃最相宜,
放低筷子行一行,
寛心寛肺瞓得易。”


滾水淥腳,成身鬆晒,發夢都快!

晚晚捽下, 百病不侵!

“上床前熱水浸腳,
捽下湧泉勝食藥,
晚間新聞唔好睇,
寛心一如閑雲鶴。”

“四維八德一世學,
人生到老要淡泊,
春天不再係事實,
頤養天年靠自覺。”

閒事莫理, 眾地勿企, 正字勿問, 報紙勿買, 新聞勿睇, 電台勿聽, 電視只睇美食遊記, 兒孫勿念, 老伴勿駁, 肥膩勿食, 甜品勿掂, 斯可以延年矣!


按: 以上一歌仔系老鬼用煲冬瓜原料,加以土方法製作成廣東話, 希望好記的, 的煲冬瓜又拗口, 又冇韻冇調,好鬼難記!

9 則留言:

Liu 說...

長不長壽不重要 , 無病冇痛就好. 很多長壽秘訣,很多人也知道, 問題是不是人人能做去做可以做. 人之不同,各如其臉, 基因/出生環境/個性...開心樂天, 誰不想? 可惜世上有一種殺人不見血的病...抑鬱症.

Liu 說...

延年益壽昂能溝
日日門前學揸兜.
老而不死實屬慘
阮囊羞澀幾世羞



Liu 說...



延年益壽性不收
日日門前等女溝
一分幾毫照樣殺
好過市府去揸兜.



Liu 說...

延年益壽有能用?
身無長物令人羞.
柴米油鹽乜都冇
一生煩擾死未休

四零後 說...

唔好咁負面啦,哈哈😄!

Liu 說...

朝早起身勿匆忙,
伸伸懶腰莫離床,
坐係床邊抖一抖,
分零鐘後始出房。

秋葉 說...

看到這個“憩”字,粵普同樣讀“氣”,當然在發音上不同。
普= qi (4聲); 粵= hei (2聲)
*
不過,如今人港人都用3聲,就讀“氣”字音。 甚至錯讀成“忝、舔”音。
*
近年港人流行說的“hea 一 hea”即是懶一懶的意思,就和這個“憩”字好相近。

四零後 說...

"近年港人流行說的“hea 一 hea”即是懶一懶的意思,就和這個“憩”字好相近。"阿姨講得啱,其實就係呢個字!!!

秋葉 說...

原來這個“hea一hea”的 hea字,也真是來自“憩”字。那麼我也沒有估錯了,哈哈! 謝謝您的認同!