Wednesday, 31 May 2017

六一兒童節隨想、追想、懷想!

慶祝六一兒童節!
懷念那個不太遠又好遠的兒童時候!
拍公仔紙,糟公仔紙,換公仔紙已是其樂無窮!
彈波子,老鬼彈親都輸,弱視兼弱智!
祝今時今日的囝囝囡囡兒童節快樂,你妳地真係好好彩!!!!!!老鬼嫉妒呢!!!!!!

                                                                   拍公仔紙

斗金絲貓

慶祝兒童節, 懷念老鬼竹兒童時候!
老鬼大佬講起捉蝌蚪,好好玩, 忽然諗起讀小學時, 跟同學"打交"往事,打的不是本人, 而是……。
那時有時會走上港大校園一池堂捉蝌蚪,又那個時候水街多細路仔嘢賣, 又又那時,袋中無銀,日日得個"睇"字同"恨"字!
最恨"有錢人"!!!點解其他同學都有零用可以買這買那! 有錢人真罪惡!!!

又恨老豆, 點解我阿爸唔係周壽臣???

所以,少年開始已是"左仔"!

兒童節, 又懷念舅母了,她一定有玩具送俾我!!!

7 comments:

  1. 圖上的波子畫得好神似,竟然因此想起童年的一幕......一早起來,見到床邊的枱上, 一個鋼兜上,放著一大堆五顏六色的波子,很驚喜!
    原來是爸爸和姐姐買給我的玩意。現在想起來,才明白這是獎勵我當時做家務事。

    ReplyDelete
  2. 第二張圖的打波子,畫埋街邊渠蓋就好了。我記得其中一種玩法,是將別人的波子射出渠蓋就贏。無渠蓋邊作框界,波子滾到無雷公咁遠,點玩落去呢。

    ReplyDelete
    Replies
    1. 在學校的沙地沒有渠蓋,打是用不同方式及玩法,不過你的提議不錯,因在街頭就是咁打法,謝謝捧場!

      Delete
    2. 不是「提議」,我是將我見的事實相告。
      話時話,安大哥的博名〈四零後〉,似指「四十年代」出生一族,若大哥是戰後嬰兒潮那代,則你的童年主要在五十年代初至尾,六十年代你該至少是十七八歲的大牛龜了,理應不會玩拍公仔紙、踎低打波子、跳橡筋繩之類遊戲。那五十年代安大哥到底玩乜呢?

      P.S. 我發覺極少人談論戰後四五十年代的兒童遊戲或玩具,而是跳到六十年代講起,彷彿四五六十年代出生的孩子的童年全都擠在六十年代才發生似的。

      P.P.S. 嘩,安大哥補畫了打波子用的渠蓋!好真實!啲feel返晒來了。好感動,謝謝!

      Delete
    3. 拍公仔紙背景是五十年代的伊利近街,打波子係係母校大球塲後面沙地,又係五十年代,哈哈!

      Delete
  3. 以前都有聽過人捉金絲貓玩,但原來個樣係咁嘅。

    ReplyDelete