吾日三省吾身, 不明不白笑死人, 漢文亂用真攪笑, 師爺設計確奇新!

有的人成日話學中文難,
尤其漢字筆劃夠晒麻煩,
不過洋人攞嚟印上件衫,
好睇得來確係又幾鬼盞!


吾日三省吾之身,
小妹最怕做肥人,
曾子係乜唔知噃,
布質至要冇身痕。

妹係雞來哥是鴨,
為展身材衫要窄,
醒目引人最緊要,
中文係由我選擇!

又痕又痛夠晒煩,
醫極唔好點樣辦?
擺明車馬求人救,
細佬有痔真係慘!

黄金萬両呢件衫,
我嘅身材啱唔啱?
有心追我要開聲,
不如一齊走去玩。


人窮真係好夠慘,
麵粉袋攞嚟造衫,
睇落有形又有款,
竟然新潮兼搶眼!

成日嘈喧兼巴閉,
想嚟投資要搵米,
如今混亂真閉翳.
唯有走頭冇眼睇!