Saturday, 1 October 2016

老餅聽老歌,大鄉里出城記!

老餅聽老歌,大鄉里出城記!

兩個老鬼大鄉里出城, 已經不知年月日係晚上走到溫市市中心咯,發覺竟然十分熱鬧, 大部分舖頭招牌改鬼晒,果的十幾廿年前的"名店"大部分消失了,條條馬路俾果條ngongou市長改到古靈精怪,車有路開不得,所謂單車路,那天晚上由七點至十點我地係室外見的...一架都冇! 唉,左膠政棍害人不淺!

有人送咗兩張蔡琴演唱會飛, 有便宜, 咪使頸, 雖然山長水遠,都去著數一下, 唔敢揸車, 城中泊車超貴,貴到無人性, 於是巴士, 天車,行路,簡直十萬八千里長征咁,(香港人真真真真幸福,交通真真真真方便又舒適,唔知的人成日話香港亂世,尤其果的靚仔靚女,我二字批評,黐綫!)

https://www.youtube.com/watch?v=2-gZVA79E_k

恰似你的溫柔 - 蔡琴
(老鬼懷疑呢首係B貨)

 https://www.youtube.com/watch?v=iTnGwFvb1KI

蔡琴◎恰似你的溫柔◎原聲


 https://www.youtube.com/watch?v=7kUZmS48GDc

蔡琴 - 明天你是否依然愛我 


谷歌網上照片

https://www.youtube.com/watch?v=Wrtk5x-OGKw

把悲傷留給自己 - 蔡琴

"千辛萬苦"到了下城, 未到開塲,走去搵快餐食, 一間小日本便當舖,吸引, 二老叫了牛肉"當", 七文五毛加刀, 貴! "當"到了, 一看, 二老叫"抵"大半碗牛肉,自己買都唔得,近日本省本市生活用品,尤其食品,食品之中肉類, 日日起價, 加價以十巴仙,一倍,二倍咁升法, 老鬼攞綜援, 一分一毛都冇加到, 又冇人上街, 得一字曰"慘"。

入塲, 主角遲大到,等咗七八個字先開塲, 環顧全塲左右前後,發覺只有我二老係講粵語!!! 咁,你地明啦,邊個唔"泥奇"香江受北風影响,又唔想見煲冬瓜人類,想移民外地的, 留意啦, 溫哥華,你會唔會選呢?烈治文都係, 都係煲冬瓜架!

中國人包括香港人的演唱會, 有一特點,係傳統嚟, 全塲一就係一面聽歌, 一面閒話家常, 二就係演者唱,佢又唱, 三係音响大到令你耳聾, 四係細路仔中間會加插"友情大喊"而父母唔會把大喊子女送到廳外, 四係全程你前面果的人係人都舉起隻手,揸住部"note 7"或者"note 9"或者生果"屁唉屎"6或"屁唉屎"7!又影又錄!

嗱! 唔好又頼晒北風人呀!

老鬼未移民前,  的老友請我睇徐小鳯等等演唱會,就同今時今日一模一樣, 冇分別!

香港最離奇係,  逢音樂會、演奏會、舞台劇等等, 香江父老兄弟姐妹, 尤其好有"文化"果的才俊, 咳嗽特別多, 不論大會堂, 文化演奏廳, 唔論你係乜大師, 乜歌唱家, 都要忍受台下"才俊精英文化人、知識分子、智識分子、左膠右膠"佢地嘅身體特徵, 肺水腫, 不論第九交响樂又好, 室樂又好, 全塲咳嗽不斷, 到一段演奏完了,過塲時, 嘩, 音樂廳上下左右前後, 有如律敦治醫院, 咳,咳咳,咳咳咳, 所以老鬼當年想扮文藝青年失敗原因, 被咳聲嚇怕! 不再學人高尚了, 所以,唔好乜都話北風人乜乜,香江人不遑多讓, 甚或過之, 尤其"知識份子"類!

全晚都是老歌, 全塲雜聲太多, 不過老鬼聽唔到"音樂"! 心散耳散, 一味想散塲!

蔡琴本是所喜, 不過真係想聽歌,係屋企上網吧!

散塲, 二老鬼浪漫散步去天車站, 十點多, 吓人! 沿途"遍地" 露天春夢者, 男女老少,五步一攤, 十步一舖, 天尚未太冷, 真正冬天到了,他她們如何???又係果句, 香江青少年中坑,有冇想清楚,你地想點呀!

身在楓葉,心在漁港, 兩地常比較, 只能嘆息, 果的香江正君及靚仔靚女, 好做唔做,


街頭賣唱者



到最後, 老友都學人,
高舉牛機,
影、影、 影片

何必呢,何必呢! 去睇清楚外面世界吧, 要旅行, 唔係旅遊! 

7 comments:

  1. 安兄有老伴同行共樂真不錯!甘苦與共好商量。
    秋也不常去大會堂去聽演唱,那麼多年來,只去過看舞蹈比賽和表演,每次都十分精彩! 金曲或粵曲的演唱會聽過兩次。
    來港的陝西漢唐歌舞表演更難得一見!林克漢領導及指揮及演奏當然是一流。
    上月聽過一場大型箏曲吹笙會演,數十年來不過十回八回,不多。倒沒有聽到什麼咳嗽頻頻的場面,好好彩!

    倒是沒有聽過前後咳嗽、

    ReplyDelete
    Replies
    1. This comment has been removed by the author.

      Delete
    2. 上面第一個留言的最後一句是多餘的。敬祝安康!

      Delete
    3. 看運氣吧,當然也有很安静的場數的。老鬼我講得太盡了,不太恰當,明白,明白。

      Delete
    4. 看運氣吧,當然也有很安静的場數的。老鬼我講得太盡了,不太恰當,明白,明白。

      Delete
    5. 蔡琴在錄音室錄的歌,有很優美的音樂編曲配合,這在演唱會的音樂是沒法比擬的。不過,參加藝人的演唱會是出於走進現實和捧場,就要預了是一個熱熱鬧鬧的場面。我從來沒有去紅館看藝人表演,覺得在家看電視方便得多。

      Delete
  2. 七文五毛加刀, 大半碗牛肉,自己買都唔得,"抵"!

    ReplyDelete