Monday, 6 October 2014

九月異常炎熱之日重遊大嶼山大澳, 再拾少年情!



        返到家鄉, 度度都可以唔去, 但係大嶼山一定要去, 大澳更加點都要去! 三十五六度, 大汗滴細汗, 仲勁過桑那浴, 不過好滿足, 大澳鄉情大慨都算依舊, 交通方便好多咯, 昂平就變了, 佛門竟成橫店, 不過另一方面, 真係普渡眾生呢!
        在佛堂竟碰到二十多年前舊同事, 做咗佛門居士幹事, 緣也!可惜,時間所限, 不能重遊羗山之紫竹林禪堂, 那裡有我一生最好回憶, 也在那渡過不少浪漫(色即是空, 空即是色, 其實無色!)的日子,下次一定要上去了!戒超師應往生了, 如果不是, 一百多歲, 她的慈祥, 佛也, 單姑的少林輕功, 如今再沒有了, 她肩挑百斤, 走山路比我地成班後生快, 點追都追佢唔到!
         悟園,今次又係去唔到, 不過事實係唔敢去, 唔敢面對佢嘅殘破!




可否改為: 清茶啖飯天天過, 粗衣麻布年復年, 橫批則為"無求是福"?

燒柴? 乜嘢叫柴呀, 亞爺?


有冇人叫要保育呀? 當然冇啦, 又冇人係度拍過Movie, 不過我永利街個老友就慘咯, 諗住收一筆過埋下半生嘅, 家陣,,,,一套Movie 玩死咗!唉!

都係後生仔唔怕熱!!!


一生人最難忘就係有幾個中秋夜係大澳遊涌嘗月!

當年那位紅粉知己不知如今生活如何?

我雖然唔喜歡你嘅守舊同落後, 但我誓死保衛你的存在和年月的價值!

雖然是殘垣敗瓦, 我依然可以提供你地生長嘅土壤!

我不是釘子戶, 不過我要保留過去的傳統價值, 後生仔, 一磚一瓦係果陣時唔係咁容易搵番嚟㗎,有血有汗㗎, 唔好咁敗家, 郁啲話拆咗佢!

啍! 凡富梗係不仁, 凡商一定奸, 呢度咁鬼豪嘅, 嘿嘿!!!

有邊個知我過去?

哎呀, 咁大舊烏雲湧過嚟, 我頂唔到個噃!!!諗唔到有乜辦法化咗呢舊黑雲, 點算?

饒夫子, 你發功洞咗心經係度, 點解冇乜人嚟睇下嘅?

家陣發生嘅嘢係唔係空相呢?

唔通真係要搵食條路死盡先至收科? 唔好卦! 喃嘸阿彌陀佛!

呢次又係冇機會去龍仔悟園,想當年, 悟園真的十分幽雅閒適, 曲橋綠水, 花香鳥語, 心壙神怡之遊園勝地,家陣唔知點咯!

13 comments:

  1. 喔! 安哥已身在香江? 回港做和事老? 見到堂主請代問候。

    ReplyDelete
  2. 哦, 不是, 只是把上月返港逗留時部份照片供諸老友而已, 在港曾跟堂主茶聚數次,又到過大芬,堂主君子也,淡泊人生,典型舊式書生,只欠漢服而已!老鬼市儈老粗,高下立見也!

    ReplyDelete
    Replies
    1. 因為你在9月30日話: 訂咗機票 番去佔。

      Delete
    2. 哈哈,你估我係"思挨翳"咩!如果係我"早織",點會咁笨搬起石頭掟自己腳!"炆煮"要講材料、火候、同醬料!唔係一定要先炸(走油)後炆同煮㗎嗎?炸親自己又傷及"冇股",先出水(吹水)後焗(焗茜彎)才是炆煮正道!嘿嘿,如今進亦難,退亦難,笑死西環!正字唔係咁容易寫㗎,人地"稀生"咗成千上萬男女老幼,先至今日可以唱"葱菜!牛肉剁爛,分開兩餐",成班有熱情冇老根嘅哥哥仔,邊處咁容易叫人"洗頭就飯"呀!尤其係馬欄最多嘅旺角露營,唔係邊個邊個叫山口出嚟,佢地都自動出嚟維持秩序,錢嚟㗎,舖頭冇生意,點俾"創可貼"保護膠布?又點可以有"聖膠液"嘅佣金?家陣生果監硬俾隻死貓差人食,信佢果個,一定白痴!好咯,返回正經,真係祈求上蒼保祐我家鄉!

      Delete
    3. 安哥: 太深奧了......................
      對你唔住, 一時口爽......................
      冇我呢個PK , 可能你會安靜點.......................
      社會有幾多層面我唔知,
      但每個層面不同, 我知..................
      再一次謝罪.
      AU REVOIR.

      Delete
    4. 聽講顏色小子亞娘是生果副編, 安兄大概已知一二。

      Delete
  3. 千呼萬喚始出來!

    悟園那張令我勾起了一點回憶。
    那是1976年的事了。
    那時候的假日,遊人還是挺多的。
    也只去過那裏一次,過了一年多就離開故鄉了。

    ReplyDelete
    Replies
    1. 闖禍了..............
      真的像前兩天看的[ 大鬧天宮],
      ................................
      怕麻煩 , 只好先回去[閉關面壁]了............
      安可諒我.

      Delete
    2. 行走網絡十多年, 很想向你大佬講聲:
      [對唔住! ]
      馬騮即是馬騮 :
      冇人性.
      有真性.

      Delete
    3. 鄭重推薦 : [ 大鬧天宮]
      我想那是最好最真的孫悟空演繹了,
      特別是開首他辭別太上老君的一幕.........................

      Delete
  4. 安兄的照片雖然只放上幾張,感覺很豐富多姿。中間那舊屋就像一枝獨”瘦”,能堅持,很難得!安哥近日頻頻亮相,益街坊呀!
    這幾天看天涯你們的對話,得知你們茶聚很熱鬧,還有美女相伴,真不賴!是哪位網友在被邀之列?可否一述?

    ReplyDelete
  5. 共百二三歲而已,主要走去大芬油畫村轉一轉!談文說藝吧!

    ReplyDelete