Wei-Wei 姐講開番薯, 不禁追思往時情!

 Wei-Wei 姐講開番薯, 不禁追思往時情!

五六十年代, 街邊小販還是多, 大排檔亦然, 其實小販同埋大排檔係平稳社會安定的有用因素,有正面及積極的一面。

街頭街尾都容易見到小販, 賣番薯的當然, 那個時代, 小販(賣焗番薯的多是外江佬,"撈鬆(老兄)", 佢地搵個汽油筒, 裝個炭爐,幾近番薯, 就搵到兩餐, 天寒地凍的冬天, 那個年代香港的冬天是非常冷的, 跟今天的冬天如在秋夏, 不可同日而語。

經過, 買一"條"熱辣辣，香噴噴番薯, 人都當堂暖咗!

潮州夾餅又係, 燙手嘅, 皮脆肉嫩, 饀香(花生、砂糖、芝麻、有的小販豪的會有些少椰絲。)
又係食的過癮, 今天的所謂披沙, 以老鬼講, 行埋一邊! 好懷疑係鬼子佬炒潮州佬嘅!

次次返香港, 周圍搵, 都搵唔到, 當年又是美食之一, 佢地的糖夾餅酥脆香, 唔知乜嘢做咯。

唔知點解, 家陣好多韓國、日本的栗子出售, 但係始終冇當年, 的小販用枝長艇掌,係個大鑊炒下炒下咁香, 今天冇人咁做法咯, 同埋今時的栗子味道同當年的完全唔同, 唔明。

牛雜, 街邊食物必然, 但係今天好似冇咗以前你買幾多, 佢剪幾多, 有都冇咗舊底果的小販的手勢及江湖味, 佢地剪一兩嘢, 就把較剪眨下眨下, 發出聲響, 然後又剪過, 仲有佢地果的鹵水一定滾下滾下, 而且顏色比家陣的污糟好多, 香好多, 味道好好多, 搵唔番咯, 今日都唔俾佢地推車仔賣啦!

潮州血腸, 又是充滿回憶, 家陣邊度有呢?