Tuesday, 17 October 2017

觸目驚心滿風屏, 清空活氣點能成, 地產建築狂掠水, 懶理熱到頭擰擰!

老鬼還港行之熱到頭擰擰!

觸目驚心滿風屏,  
清空活氣點能成,  
地產建築狂掠水
懶理熱到頭擰擰!

這次回港是歷年來最酷熱、悶熱、高熱的。雖說以往幾十年在港搵食都是外勤工作, 對香港夏天的酷熱有深厚經驗, 也曾在上海工作, 上海夏天的熱又是驚人的, 不過, 今年這九月份, 香港的熱真係頂唔順。

妻弟及細姪都是居住在將軍澳, 都請老鬼食飯, 將軍澳在老鬼海漂前建設剛起步,都是公屋, 這是二十多年後再去, 一出地鐵,舉眼四望, 哦, 高樓環繞, 商塲熱鬧過太古城, 再留心一看, "賣葛", 九月圍城, 所有高層建築密密實實的如四方城, 大樓跟大樓之間, "完全"無一空隙, 如此這般, 怎會有"生風除來", 怎會有空氣調節, 怎不積熱成火山呢!

想一想, 這麼多單位的冷氣機所產生, 所發出的散熱及熱霧, 竟毫無泄外途徑及空檔, 都會走去那???圍城之內的空間, 的街上咯, 咁, 有乜辦法係街唔會高溫酷熱?

將軍澳是新發展區, 圖則任劃, 都搞到咁樣, 原因只有 - (一)發展商,地產霸權,貪得無厭, 連骨頭都吮埋! (二)政府無作為, 不負責, 心中無民, 任幾家族胡天胡帝! (三)建築師垃圾, 無良心, 無責任, 無人性!

作為有良心, 有理想的建築師, 雖說要聽老闆話, 盡量利用地積許可, 但是你可否用專業, 用點心思, 把各大樓之間, 這邊移, 那邊動, 每幢換一方向角度, 死都要死出一通風間隙嗎!!! 老鬼唔係則師, 都諗到各座各轉一下, 都可預出空間, 點解佢地唔用腦做下???


這種屏風, 點能生風?

 真係使唔使用到咁盡呀, 李鄭郭李等等家族, 你地身家十世都用唔晒, 唔好做人做到咁絕啦,俾的空氣香港人啦!


 據親友講, 家陣呢的"豪宅", 間間都過千萬港銀, 噢! 又係果句," 賣葛"!!!

 
 呢度的商塲又係, 位置古靈精怪,八陣圖咁, 喂, 你收人咁多錢, 整歸一的, 方便的得唔得呀!

前幾篇文字都向香江的建築師掟磚, 再掟多幾塊!又一城又好, 東涌又好, 乜乜城都好, 果的冇腦建築師照抄外國, 搞的天窗引陽光, 我曉! 結果是開足冷氣, 一樣冇夠用,  一樣熱到入去, 咁, 你話要光, 少用燈來環保, 結果仲大鑊, 冷氣開到爆機, 咁燒能係唔係多過燈胆千萬倍????

玻璃窗頂不止不把酷熱引進大堂更把高熱困死,開幾大冷氣都冇用,呢班建築佬有冇諗過呢個問題? 老鬼話,梗係唔會諗啦,要好睇嗎, 要光嗎!

香港的問題, 就係咁簡單, 盲目追求同學西方東西, 郤不深究人地咁做係乜原因, 自己本土又適唔適合, 又係可唔可以照搬照抄? 本土而家需要係乜? 的所謂精英一味匿起精英象牙塔, 完全離地, 郤又思忽話去幫基層,事實佢地連基層係點嘅都唔夠知, 咁, 唔係死實咯!
香港九龍新界各大商塲的引光大天窗設計就是香港如今困局嘅實際縮影, 人地開天窗係冇辦法見多的陽光, 你唔理三七二十一又去抄, Poor Guy 啦, 家陣幾唔環保, 狂開冷氣!
香港有班所謂精英, 學人搞正字, 一係係偽宗教神棍, 一就係滿身名牌女訟棍, 或英文都講唔掂嘅所謂律師, 另外係傳媒"拉之"及"妓者", 還有係搗亂人間嘅唔係社工嘅社工, 成日話搞"炆煮",
要將人地西餐嘅方法煮成九大鬼, 咁,人地西餐食材同調味料係好唔同, 點煮呀!
人地唔願食呢的摩登雜碎,咁就要掟磚,
咁使乜炆煮,直接BBQ啦!

 
呢的公眾涼亭,用嚟做乜????????遮唔到熾熱陽光,
擋唔到微風細雨,
用來吊頸又高過頭,
攞嚟晾衫又挂唔到,
喂喂,
可敬嘅建築師哥哥姐姐,
你話俾我知,
咁,
起嚟用乜!
好可惜, 幾十年都冇人投訴過,
嘈過,
鬧過, 老鬼可能係第一個!
又可惜, 呢的怪物, 分佈全港九新界公園, 又係奇跡!!!

公共屋村又係屏風過屏風, 傳統壞習慣, 香港唔熱幾難!

                        某日在油麻地, 果欄附近, 中午後不久, 天氣熱到手機鏡頭都出煙!!!

有心唔怕遲, 娥姐上塲成日話好打得, 諗下搞條法例, 樓與樓之間一定要有若干空隙, 救救香港空氣!

No comments:

Post a Comment