Monday, 19 December 2016

讀秋葉阿姨的最新博有感, 年晚及晚年的唏噓!

引言:
"秋葉阿姨

記得佔中時期,有女孩子在旺角的火車站外擺地攤,在地上放了一張標語,大字書寫著:「民不聊生」! 當時我問一位社工好友:「這句子表示什麼? 比較起抗日時期,當時有人挖草根,吃樹皮,才配上這樣的一句話。」  香港政府為青少年攪「展翅」計劃,一向有發放失業援助的綜援金,還不至於要吃草根,挖樹皮吧? "

老鬼想起兒時及童年,香港光復後, 百事待興, 英帝國已經無力照顧其國民,徨論香江小漁村, 當然不會太理會, 什麼福利免提!

父及母日佔時, 周遭避難求生, 從新會、東莞、廣州, 輾轉來港, 人生路不熟, 求職難於天,千方百計,也難溫飽,一家三口只居於伊利近街舊樓近厨房一床位,一層樓分為騎樓房, 頭房, 中間房, 尾房,床位, 現在的人沒有可能想像到當年的惡劣環境, 比今時今日的劏房更惡劣, 整層舊樓只得一厨房, 厠所欠奉, 厨房就是浴室、厠所, 就因如此, 一層多戶人, 就因此不和及衝突無日無之。

當年沒有水厠, 大小二物皆以塘瓷痰盂盛之, 設一馬桶於厨, 大物置於此, 半夜政府市政"夜香婦"拍門收集。

家窮甚,買米只能買米碌(即雜碎米), 餸菜簡單至極, 紅衫魚(當年熟下價魚,窮人所食,不知如何,七十年代突然身價百倍,變了上等魚,奇!),鯖魚仔, 燘豬肉為大菜, 用全肥肉炸出豬油為食油, 所餘豬油渣炒菜為上品, 腐乳、欖豉、鹹蛋黃為助食, 有些時候, 母親去罐頭廠買用來做鯪魚罐頭切下來的魚頭,回家炸之,又是一味菜。

早餐, 樓下大排檔做多士切出來的麫包皮加白糖, 老豆糧頭時, 較好一些, 油炸鬼白粥!

居住環境直至房屋委員會的西環新村落成, 千求萬求, 求到入住, 才脱離比劏房更差的窘局。

小學畢業, 中一未及一學期, 父親被"騙", 本來生活及經濟都不佳, 更陷絶路, 無法之下, 輟學當學徒, 當年要當學徒也不容易, 要有鋪頭擔保, 幸得堂舅出頭, 左求右求, 才能上路!

朝六晚十, 一年幾乎無休, 為何如此? 入行最遲, 師弟之師弟, 難得的年三十,要收鋪才怱怱返家見父母, 年初一中午前要回鋪睇鋪也!

幾年學徒, 辛酸難言!

老鬼今日言之, 乃感今時今日的香江, 是否如"某些"人所講的不堪,民不聊生???無民主無自由無人權????

海漂二十餘年, 海漂原因乃當年工作壓力已不能承受, 又希望天空海濶一些, 這些年的體驗, 老外月亮並不比中港台亮, 又因當年把香港的蝸牛售了才夠資金海漂, 到想回頭時,  已未有能力在香江重置蝸牛了, 如此這般, 有些"君子"郤"義憤填乜的""嘲諷惡口"的口水亂噴,帽子亂飛, 你咁乜乜,點解唔"爛返"嚟家鄉, 你咁物物,點解唔掉咗本楓葉護照, 你有乜資格"關心"香港,講香港!
老鬼對這些公知、高知、修仙修佛的君子真的無言以對, 無可辯!

可是這些君子及他們支持的組織及團體又為什麼前赴後繼的到我等海漂地吸金, 籌款? 又為什麼向海漂人吸水吸金時又鬼咁親切地向海漂者講,香港係你地有份架,你地一定要支持,一定並肩要向"紅色惡勢力"斗憎! 大家係自己人架!!!到收咗水後, 又翻臉鬧海漂者係人渣, 無權講香港事, 真係出奇! 咁,佢地的原則、標準係乜呢???

夠了, 秋葉阿姨的感想, 引起老鬼發噏風, 窗外又飄雪…月份牌最後一頁, 轉眼又一年, 百感交雜!
兒時的"家"如此如此而已! 劏房也不如!

當年的地址, 伊利近街!

16 comments:

  1. 同班食浪米講呢D, 佢地以為天方夜譚, 除咗冇心裝, 另外以佢地所知和人生經驗, 在大英之下, 根本冇可能出現咁嘅事.我諗現在都冇人讀狄更斯D書啦.

    ReplyDelete
    Replies
    1. 帶頭攪個班, 老嗰D個個出身半山九龍塘. 中嗰D一早俾美英兩兄弟養到肥肥白白,聽教聽話.到青呢班,食得好著得好,日日俾班高知填鴨, 更加離地啦....

      Delete
    2. 同呢班食浪米講三年零八個月? 佢地只會話喺你地自己攞來衰啫,兩兄弟鬼打鬼...同班食X痾飯D熱血青年講道理, 真係要熄哂火先至可以....

      Delete
    3. 那個年代,對面海半山的某高尚學府,真是神聖地方,入得去的,個個明德格物, 家下?貞子的英文嚇死人,想[隊冧人]的某學生會長的行為更加得人驚...

      Delete
    4. [咁,佢地的原則、標準係乜呢???]...咪就係佢地的[原則同標準]囉.人家個個上電視上[時代],幾威,你班草民,識條毛咩, 梗喺要聽佢講啦,信者得救呀

      Delete
    5. 另一事例,大英從"大"请道光開始迫害中華過百年,殺華民不少,搶姦燒不少,港英治時,殺本土民不少,至战後到回歸,一人独大,幾許冤情惡行,至今從沒說过一句"抱歉",不要説道歉及賠償,何解那些乜乜人士,卻絶不學对付二二二加一一一一事件一樣死缠爛打追問責任?尤其那些當年生長的如今高知,在其回忆同年時亦有呻吟談及,如今卻挺獅龍旗,大肆煽風噴火,奇?
      老鬼從博開始,從未撑兔公,一句都冇提兔公點好,可是五毛呀,"爱国" 呀帽子亂飛,二奇?國不等同"典當", 當舖不等於國,為什麼不能愛國?某些人的霸道行為又是奇?今天漁村,奇上加奇,你我都係望天看海好了,你我都" 冇" 資格談中論港,收聲免被"包容及海納百川"了!干杯,明年你我更醉!

      Delete
    6. 嘩哈哈~~~對那些食浪米的[有為青年]來說, 外國一切都是好的, 事頭娑打個屁都是香的.油胃精子所講的一切都是對的,因為人家是大明星,日日見報上電視...

      Delete
    7. 孤魂野鬼, 孤家寡人, 不知今夕何夕.Anyway, 也祝[冬至快樂!]

      Delete
  2. 班食浪米成日話人打壓打壓, 咁佢地知唔知佢老細肥佬後面個老細當年又點打壓班[異見份子]?佢又知唔知道咁能蚊住豉油的國度,簽證時會問妳係唔係[嗰D人] ?

    ReplyDelete
    Replies
    1. 哦?原來金髮碧眼講嘅做嘅都是絕對有理,妳老母的都是錯的.咁嘅邏輯真係要鐘要停先講得通.明的假物, you are damned right.

      Delete
    2. 那班傳梅毒的合家富妓者,特別是那個妓協阿頭,咁能有新聞道德操守,點解唔一直追訪小黃蜂?時代人物喎,未來特獸喎,點解一下子[人間蒸發]?冇哂價值?

      Delete
    3. 講到尾都喺我一直嗰句:[抵爾..],唔喺佢地老豆老母縱壞教壞,會有今日?學吓法國佬啦,1968一次打到班友老豆都唔認得, 從此靜哂.

      Delete
    4. 我發覺身邊班60~60後, 雖然受過高等教育, 但就食肥佬D爛生果成長 , 中哂毒,以為爛生果的都是真理事實,講多兩句都嫌哂氣,啋佢都傻.

      Delete
  3. This comment has been removed by the author.

    ReplyDelete
  4. 感謝安兄的和應!龍之國一直被他國覬覬覦與破壞,只要大灑金錢,找到一班急功近利的人,配以堂而皇之的命題,香江即時天翻地覆,無日安寧了!
    年青人基本上沒有經歷過怎樣艱難苦困的環境,所以不懂得要保住這個家園的安寧,真真令人惋惜!

    ReplyDelete