Sunday, 18 October 2015

春花秋月何時了, 往事味多少 ‧ ‧ ‧ ‧ ‧一間碩果僅存的小冰室, 要小心保育! 尤其她座落中上環。

春花秋月何時了, 往時味多少?小樓舊日飲冰風,如今不堪回首貴租中!
奶茶多士應猶在,只是價錢改。此店能有幾年留?老鬼每次幫趁心中憂。

過去三個多星期, 走的多, 吃的多, 看的多, 感受也多.......
臨返楓葉前, 走去懷懷懷懷兒時 (幾歲大) 的舊, 老豆及顯叔常帶我去的小冰室, 裝潢有八成依舊, 傢具九成九, 風扇百分百, 只係門面由木變成鋁框。

照舊係紅豆冰, 再來一件老婆餅。

發現舊店有新猶,一是紅豆奶茶, 老伴大讚好嘢, 另一是公司鍋仔麵, 香煎蛋, 煙鴨胸, 香腸, 公仔麵, 老鬼攞咗一啲嚟食....正, 價錢合理到不合理, 四十三文!


嘩, 色香味俱全.....麵香,鴨胸惹味......

.一時唔記得影埋杯紅豆奶茶, 原來奶茶可以咁調配!

此店原稱冰室, 據稱今時今日一飲食名人是在此出身的, 不敢求証。這次又是坐回小孩時常坐的卡位.....

嗱, 乜嘢叫做紅豆冰, 不過其實都已經改咗啲咯, 往昔冰是有些色水的, 家陣可能過不了食物安全, 不能再有了。

 店中客人竟多是年輕人, 心中只能默默祈禱, 千萬要"保育", 這等五十年代冰室, 無乜咯!


我的董事長搶找數....唔俾個仔出錢喎...


此招牌不是原裝的, 原裝是..冰室, 啊, 有冇留意, 字還是從右橫排, 這才是中華文化!!!

6 comments:

  1. 有些店一經報紙吹吹, 人氣旺了就變質.
    這店連安哥也讚好的話, 證明她們真是很努力的去做.
    希望這種香港特色, 香港精神能一直保留.

    ReplyDelete
  2. 成間舖都是些亞姨打理,其實味道都是街坊平實,只不過"香港味(指的是舊時香港)"濃而已,而且座位不多,此部落訪客甚少,相信不會讓她們"紅火"起來。
    咱只當這兒是日記而已....

    ReplyDelete
    Replies
    1. 若無記錯,海安去年頭上過電視,也上過幾份雜誌和報紙上。
      女老板寧願拋棄高薪的寫字樓職位,也要把小店接下來,為的
      就是不想這種本土風味消失。

      Delete
    2. 去年十一月到西環訪友不遇,曾在西環到上環的一段路溜躂一陣,見到一些舊式茶室,本想進去嘆杯奶茶,但因身體不舒服,一見有巴士就急急回酒店休息。

      Delete
    3. 遺憾了,下次吧!

      Delete
    4. 下次不知是何年何日了....
      誠如安兄版頭首詞一樣 , [[此店能有幾年留?]],
      老式的茶室執下一間, 執下又一間, 真係唔知仲有幾多可以留....

      Delete