2014年9月30日星期二

唔跟潮流, 好易俾人醜, 執輸行頭, 慘過敗家, 家鄉個個摘緊茉莉花, 老鬼唔好咁唔化, 死人都要群埋大家! 老鬼一定要佔廣東道, 老鬼最鬼憎啲人懶有錢買名牌晒身家!

人人都去, 我唔去, 好鬼醜㗎, 第日見到面, 冇嘢講, 好鬼勾㗎, 咁! 好易俾啲“老友"排斥㗎, 再唔去, 俾人話係, Guang-Gan, 又話冇良心,唔關心家鄉。
所以又訂咗機票(好在家陣係特價!)返去佔,,,,,,!
死咯, 咁鬼多站頭, 都唔知佔邊度好,唉, 返到去先算, 寧為雞口, 莫為牛後, 要跟潮流先至唔會落後, 好似上兩個禮拜咁, 一早去排隊搶“挨瘋綠", 被啲後生話, 亞伯你好嘢, 幾咁開心。
好啦, 我起程咯, 朗豪坊見!炆煮必勝,思歪必敗!!!為有老鬼多壯志, 敢教後生冇走人,,,,咦,咁似一九六七嘅!拜拜, 金鐘見!
 

 歷史鏡頭經過若干年, 又會重現, 有如時鐘的刻格, 十二格後又是重新開始!

年青人一代又一代, 其實都冇乜改變, 熱情如火, 理想如行雲, 行動似超人, 這是人類進步的要素, 可惜有些時候, 熱情及理想, 都是虛幻, 並似一個不慎, 明珠暗投, 好事有時會成,,,事, 歷史上, 很多年青人的一腔熱血成為豬紅!

希望醜嘅唔靈好嘅靈, 鄉親父老兄弟姐妹,自求多福咯!
 
幾個老友,家陣震騰騰,月租二三十萬,一打開門口,正氣撲面而來, 人客總唔見佢地來, 咁!即係點? 佢話(唔係我講㗎!),你提名我都等唔切啦, 第日俾個官我做, 我都死夠咗(餓死咗)!
我唔爭佢㗎, 佢咁鬼市儈, 都唔為下一代或者千秋萬化著想, 正Guang-gan 同埋五毛, 我有係電話鬧佢地㗎!


3 則留言:

Liu 說...

想到近期的蘇格蘭公投……
當年這個天下第一大好人,點解唔先攪個咨詢同俾我地公投呢!?
直布羅陀,福島佢地都會尊重民意,但其他殖民地呢?
話走就走。
成日講平等,實際有幾多時候當有色的都是人???

Liu 說...

有個大作家貼了一張防暴警察持催淚彈槍戒備的照片,然後在網站上大字標題的說 :「警察開槍了!」…

Liu 說...

政治幻想小說 :

1986.
租約期滿了, 白鬼婆[ 胸有成竹]的上京談判.
在她心中, [ 我做得咁好, 你點都續約o下? 再講, 你地D 盲毛, 識乜管理學丫? ]
誰料那坐了幾年牢的三寸丁, 一點也不懵懂. :
[我全盤接收. 50年不變.]
…………………………………………………………………………..
白鬼婆嚇傻了, 一路出 [大觀園] ,一面心想:
[冇可能既冇可能既!!!班白痴冇可能咁蠢既…..]
想得太多了, 看不到下台階級 , 結果令自己摔了一交.
……………………………………………………………………………
[冇可能輸俾你班豬狗的……….]
白鬼婆回到寢宮就這樣想.
[計上心頭] , 也不理是零晨3 點了, 她還是叫了心腹相議:
[ 我要叫3 寸丁好看………….]
…………………………………………………………………………………

[哪, 俾返你都得, 不過你要俾我班農民 [ 豐衣足食] , [想乜有乜] 喎…….
同時你唔能夠點點點喎…………]
三寸釘說:
[ No problem . After all this is my problem. None of your concern.]
.........
雙方簽字.

………………………………………………………………………………………..

那6百萬農民還是[ 懵性性] :
[老板娘唔會咁衰丫? …..]
[老闆娘唔會唔理我地吓 ?
……………………………………………………………………………….
他們絕對想不到老闆娘前腳一走, 後門早就關了.
而3 寸丁也算不到, 那些[ 唔得駛] 的條文 ,
不出幾年, 竟然成了超級[定時炸彈].

………………………………………………………………….


2014.10.01 天涯醉客於四壁居