香港現時的某些公知、高知、社運、某些勢力者，香港某些傳媒, 請你們在現在很得意地呼風換雨, 吹起魔笛的時候, 仔細去看看基本法, 你們現在的作為應該有一底綫, 千萬不要"害"香港人, 逼迫PRC做一些他們及香港人不願見到的事情, 麻煩這些得意忘形的人翻開第45頁, 第十八條! 看看寫的是什麼, 你們繼續玩下去, 抑或適可而止, 一念之間而已!!!
奉勸那些"樂極忘形"也好, "憤慨莫名"也好, "高登熱血"也好, 在掟石掟的非常過癮之中間, 停一停,想一想, 你究竟做的是積極還是負面。
老鬼不是恐嚇, 而是希望香港未來二十幾年平安渡過, 盼望當時PRC會自由歡樂國盛民阜。不希望香港有失控及沉淪及被迫放棄一國兩制的一日。
中華人民共和國憲法中華人民共和國香港特別行政區基本法第45頁
第十六條
香港特別行政區享有行政管理權，依照本法的有關規定自行處理香港特別行政區的行政事務。
第十七條 香港特別行政區享有立法權。 香港特別行政區的立法機關制定的法律須報全國人民代表大會常務委員會備案。備案不影響該法律的生效。
全國人民代表大會常務委員會在徵詢其所屬的香港特別行政區基本法委員會後，如認為香港特別行政區立法機關制定的任何 法律不符合本法關於中央管理的事務及中央和香港特別行政區的關係的條款，可將有關法律發回，但不作修改。經全國人民代表大會常務委員會發回的法律立即失效。該法律的失效，除香港特 別行政區的法律另有規定外，無溯及力。
第十八條 在香港特別行政區實行的法律為本法以及本法第 八條規定的香港原有法律和香港特別行政區立法機關制定的法 律。 全國性法律除列於本法附件三者外，不在香港特別行政區實 施。凡列於本法附件三之法律，由香港特別行政區在當地公布或 立法實施。 全國人民代表大會常務委員會在徵詢其所屬的香港特別行政 區基本法委員會和香港特別行政區政府的意見後，可對列於本法 附件三的法律作出增減，任何列入附件三的法律，限於有關國防、外交和其他按本法規定不屬於香港特別行政區自治範圍的法律。
#全國人民代表大會常務委員會決定宣布戰爭狀態或因香港特別行政區內發生香港特別行政區政府不能控制的危及國家統一或安全的動亂而決定香港特別行政區進入緊急狀態#，
#中央人民政府可發布命令將有關全國性法律在香港特別行政區實施。 #
9 則留言:
我怕今次的防暴警隊非香港土生土長的警察，而是駐港的中國兵，而且今次射出的子彈殺傷力非常強勁。祝福港人平安渡過。
哈哈, wei wei , 你的担心不存在, 你睇下, 班警察奀挑鬼命, 高矮不齊, 四眼仔多多, 同PLA的體型及强健, 差十萬八千里, 如果真係出PLA, 一小時已經通地靚仔瞓低, 已經清塲咯!
仲有, 香港的控暴比美國及英國文明好多咯, 尤其係美國, 真槍實强,一定死十零件。上月英國防暴警清塲, 拖屍咁拖, 打到骨離破碎, 香港差人對比, 鵪鶉而已, 而且行兩步又話受傷, 傷咗二十幾三十人, 咁嘅警隊, 有鬼用咩, 笑死的細路, 所以的細路都冇驚過。
所以, 係好無奈, 係要面對現實, 係要做有限度民主自由嘅"順民", 上街其實好無謂, 嘥聲壞氣又破壞生意。
你認為老鬼咁市儈講法啱唔啱, 我年輕時,跟幾個後生仔都想搞港獨, 諗來諗去冇計, 風涼的講, 我走路咯!嘈都無謂, 但係原來去到楓葉, 政府及世情一樣, 天下烏鴉一樣黑, 美國應該好唔到幾多, 我有幾次去實地睇過, 都係唔啱我!
仲有, 老鬼以前做過黑警, 對比港英政府, 家陣差人斯文人道過當年好多咯, 那個時候, 有冇聽個防暴警會有受傷?只有我打人, 邊會有人敢還拖! 哈哈, 我真驚咁落去, 老共真係會反面收番晒所有嘢, 所以忍一時, 天下海濶, 你啱晒都冇用!
老鬼唔理佢地邊個好打的, 不過, 担心老共發起老炆, 一個唔該, 屈你香港動亂收唔到科(事實又係好似真暴動噃)話收番一國兩制, 咁, 家鄉父老細路大人"唔衰攞來衰", 比家陣重大劑, 老共如祭出呢招, 聯合國都冇符, (支持老共的國家多於美英加澳紐)投票老共贏晒, 咁美國大統領"床破"會唔會出兵登陸香港…?英國佬會唔會派戰艦替香港人走路?(諗起, 佢戰艦只得幾隻, 唔夠用)
嗱, 我絶對反紅旗, 如果唔係唔會丟晒所有嘢海漂, (不過的仔已經一早回流,打死唔返加拿大,亦唔俾兩個孫返加拿大讀書,怕佢地上咗大麻癮),但係,今時今日, 如果唔理的"意識形態", 唔吹水民主, 生活唔錯噃!當然首決條件有樓!
新上一視頻, 請看誰是暴力, 可惜, 香港所有電視台都唔會放呢的不利暴徒視頻, 一面倒都是警方被迫採行動的警對民影像,新聞道德已經全無, 幸好有民間拍到, 否則,水洗都唔清!
多謝安哥詳細分析。
心痛呀!我大仔同新抱係都唔肯返加國, 兩個孫女都唔俾返來讀書, 家陣日日担心!
而家, 唔係追究邊個啱, 邊個唔啱, 個個都啱, 個個都唔啱, 好似一個視頻, 一個母親的講法, 大家唔好再搞啦!
我無言以對! 看見市民遊行時秩序良好，心感安慰；但見警察施放摧淚彈及向集結人仕開槍，我即淚水盈眶………..
以前的黑社會大佬，專門在打波地收0靚，利用嗰啲未成年嘅“細路仔”去做犯法勾當，被拉到都唔使坐監，刑罰不重。
*
現在外國勢力 CIA 插手搞亂香港，就係擺啲年青人上前線，有乜依郁都係警察唔啱! 這是他們的策略。
妳只看到他們被施放摧淚彈，及警察開槍的一面，妳看的頻道，沒有放出暴徒如何步步進逼! 全部示威者追上去掟頭盔、掟尖傘、掟磚頭的事實! 不理會警方所舉起的警告停止攻舉的牌子，衝破了警方的防線去掟物，和放了一些煙霧! 這是「先撩者賤! 掟磚等同謀殺! 若是妳給人掟磚頭，妳都嬲啦 !
發佈留言