2018年5月13日星期日

瘋癲、瘋狂、荒唐、荒謬的時裝世界, 腦殘, 腦缺的如今某些女人,及某些男人!

喂!大佬, 咁又叫做時裝???仲要係"名牌", 而且賣得好鬼貴!!!

"懊!賣葛!!!搵陸人笨漆都唔好咁鬼懶啦, 用番少少心機好唔好?

攞條牛仔短褲掉個底出嚟, 咁就交貨, 係唔係咁離譜呀?

唉, 老安真係落晒後兼冇文化, 唔識乜嘢叫"媽屐亭"同埋"炫耀"、"炫富", 今時今日, 益晒的所謂名牌, 係裡面做嘅"時裝設計師", 其實唔乜使點究樣去設計, 是但, 求其拿起手乜嘢爛衫、爛褲, 釘個招牌上去, 咁就大把"碌民富二代、小二、小三, 廣場大媽仆到進貢, 著上身"炫褲"咯! 唉, 呢個世界唔係老安玩咯!

                                                              咁樣叫做時裝設計喎!

 呢間品牌服裝真係搵"賓三加四", 求其攞條衭反轉就收錢, "噢!買葛"!

嗱!老安係咁意嘅所謂設計, 咁, 又賣唔賣到出去?(版權所有, 名牌如採用,請賜版權費)

 



嗱!老安起碼都做過下思考嘅所謂設計, "姑厘"(苦力)牛頭衭, 咁, 又賣唔賣到出去?(版權所有, 名牌如採用,請賜版權費)

                    家陣, 冇人會講下Cutting , 講下圖案, 講下藝術, 講下工匠精神, 講下布料!

 老安很多時對如今的明星、名媛、小二、小三等的審美眼光及服飾的品味,何以越來越"遲妾(cheap),  一味追求所謂名牌, 不理這些所謂名牌的"明顯"搵笨手法, 他們的作品唯一是盡量作出不雅、不美甚至滑突的設計, 老安最不明白那位不是明星的富二代新抱, 四年生三個, 夫家財富幾千億的那位名太, 她這優厚的家底, 需不需要成日企出嚟, 秀那些"穿上去睇來睇去都係小三、上海交際花、黑社會情婦, 未上到一流的三流明星走康城紅地毯"的味道! 真係奇及有點荒誕, 以從前, 民國及戰後初期的貴婦及一流演員如林黛、白燕等一早已有自己服裝設計專人(當年是叫"栽縫")替自己"做"衫, 第一一定少有機會撞衫, 二是有自己品味及特色, 三是隨自己所好, 時移日異的改到合潮流, 四是合自己身份, 如那位千億新抱的名媛, 真係文化欠缺, 最要命就係一般"傳霉""妓者"及"騙者"一有時間就猛咁擦鞋, 拍馬屁, 吹捧, 老安一見馬上要去厠所,嘔!
佢咁鬼有錢,養一三個時裝設計師不難, 何以蹧質自己"變"做"雞"呢? 拗晒老安頭!她跟出不需要用名牌襯托自己, 真係難明!



看看紅旗的第一夫人, 她有文化得多, 亦聰明得多, 每次出來都驚豔!(申報利益,老安是反"貢"份子!不扯紅旗!)。

再看看另一位名門新抱, 每次出現, 令人視覺舒服, 不同塲合, 所穿衣服, 適而其度, 富貴塲所所穿不愠不燥, 大方雅致, 普通塲合, 舒暢可人, 這就是文化素養! 老安講嘅係前跳水皇后!


舊日老安事頭婆嘅大英帝國, 爛船點只三斤釘, 人地真係有文化、有氣質、有藝術、有品味, 你中港有的是"錢"而已,過千億嘅人家都係咁"Cheap", 幾千億身家,使唔使成日露肉, 露事業綫呀!唔好怪平常百姓家咯, 係老安唔夠化!唔係社會嘅錯, 係老安自己錯!

名牌, 以前, 不久以前, 四五十年以前, 為什麼叫名牌? 主要是設計可人, 有文化、有美感、有藝術品味, 有手工、有衣料、有質感! 如今, 是但攞的PVC, 是但攞件爛衫, 隨便釘個嘜頭, 咁就收的土豪惡妹小三情婦高妓幾千, 幾萬!老安最難過的是不少陸民女性為咗個名牌標誌, 不理三七二十一出賣靈魂、肉體、女性尊嚴, 犧牲老公或男朋友前途, 瘋癲、瘋狂進貢這些奸商而自炫自樂, 人間何世?


無語!

無言!

    咁嘅衭, 老安諗來諗去, 點著呢?吓? 美金五十以上, 如果我孫女話買, 我………!!!!!!

什麼叫美? 如今世情以爛以破為美, 恐怖!!!看看圖中美人, 她才算美吧,  老安的心想。
今時今日, 何謂美? 已經沒有了標準, 世情只是追求"字母"做成的"無厘頭炫耀追風銅臭惡腐"的所謂"品牌", 再者, 這些"名牌"的logo的設計亦是簡單到幼稚園學生都做到的, 何有文化, 何有工匠精神。     



這是看上去令人有攬去惜佢一啖嘅有性有情有品有味的衣著, 有氣質的姑娘, 如今恐龍了, 世情的悲劇! 想起來, 老安真係"歐"咗, 一如女神的逐漸老去………。

有老同學話,  呢的無厘頭時裝, 正是實實際際反影今時今日世情, 佢認為係"典型後現代社會的正常現象, 是反傳統、反"偽"理性、反"偽"邏輯思維, 想做就去做的社會進步現象", 老安沉思後, 同意! 

1 則留言:

秋葉 說...

一看這些標奇立異的服飾,真是忍不住笑起來! 咁都得?
真是充分反影了現今叛逆的一代,就是標奇立異,但求出位,吸引旁人的目光。以不正常作為正常。