2016年8月26日星期五

偈曰: 蠄蟧下海福氣盡, 妖針插脈禍患來, 佛曰: 自求多福! 九月迷城!

偈曰: 蠄蟧下海福氣盡, 妖針插脈禍患來, 佛曰: 自求多福!

(古老相傳, 七十、八十、九十後應該唔知咯, 山頂的蠄蟧石一定要用鐵練鎖住,唔好俾佢入海,否則香江冇運行, 點知大英心地唔好,係都唔俾黑頭髮安樂, 就係灣仔起咗個好似蠄蟧嘅乜乜中心,從落成起,香江就未好過! 回歸後,唔知邊個港奸風水大師, 慌死香江唔死, 特登係香港龍脈嘅起點,龍頭位置,插咗枝穿心針,百幾層嘅乜乜中心摩天大厦, 呢次仲杰, 一起好,乜乜掟蕉拉布上街,出齊!慘!)


蠄蟧下海會陸沉;

毒針一插瓜老襯!龍頭龍脈插枝棍,唔知邊個乜整蠱,香港從此被愁困!

 天后、候王、車公、譚公啟示, 九月到咗時, 自己諗清諗楚去乜乜咯! 自殺抑或自救, 一念之間也!

詩曰

平靜客觀看世界
社會千奇又百怪
親朋戚友和各界
四撕五裂分黨派
議會議事靠聲大
民生議題慢慢排
不務正業享優差
推波助瀾把布拉
從前把戲擲皮鞋
如今激烈掟磚塊
暴動說成是表態
真理統統變成歪
妖獸都市成常態
瘋言瘋語說新派
潮流盲目去崇拜
不分老嫩站滿街
是非黑白無分界
只要勢兇夾聲大
那管他人說好歹
也有粉絲來跪拜
禮義廉恥已拜拜
是誰渲染孩子壞
粗鄙暴戾大聲嗌
年少輕狂就大晒
原本校園清純帶
惡毒思潮竟助大
莘莘學子話咁快
書未讀成腦已壞
風氣愈來愈敗壞
人性愈來愈醜怪
煩請良心不再埋
九月四日齊表態


無掩雞籠無運行, 煩你唔死一身痕, 邊條友仔靠夠害, 破港風水毒似砷!!!
官府本應起得隱, 滴水不漏至精神, 如今風來雨有滲, 乜嘢都攞苦嚟辛!!!

13 則留言:

Liu 說...

給一個讚.一個星期就見真章.不過有先前兩辦可睇 , 似乎好多人仲未醒~~~就算睇咗奧運場女子接力大戲都冇用, 得個睇字.

Liu 說...

睇真個支毒針相又幾個癮, 成隻中指咁 , 又似客家佬所謂 : 成條哉.

Liu 說...

條哉又好似對住獅子山........

四零後 說...

你我都在"民主國家"生活數十年,尤其老弟你漂流幾國,又在"民主先鋒","民主之母"的超民主國家學習及生活,應該深刻感受"一人一嫖"的制度,其實是有極度惡劣問題,多黨輪替執政又是"骗子"行為,這邊大學有一位名政治經濟教授曾指出,"好人不會從攻,只有爛人才會從政"的沉痛之言。

四零後 說...

不要誤解,以為老鬼反對民主,支持"獨裁",剛好相反,老鬼這二十多年的體驗,如今"世方"行民主一人一嫖的國家其實是反民主的, 這制度漏洞及水份實在太多太深,所以不應"simple and sometime naive" 的盲目迷信!
况且,英加澳其實跟香港某些人口中,心中的"絕對民主""無篩選的提名"是完全兩回事,用他她們的講法,是極不"民主",為什麼香港的學者"絕口不提"?????

四零後 說...

老鬼以上講話,是希望有智者再動腦,深思及提出"更實質"民主選舉,民主施政方法。
彭定康這"奸人", 很多人對他盲目崇拜,亦有許多人對他咒罵,説他反共反中,老鬼郤從他對香港定下的"民主"方法郤有贊同,彭定康對華人性格看的很通,他針對這方面,英明神武的搞出個"功能組別",這是很聰明的"濫民主"的平衡石,"雖然"這制度被某些人大肆攻擊,這十多年,實實際際對香港這條船的航行安全作了很大貢獻,又雖然,這制度還不完美,完善!這制度另"絕對民粹"有著平衡的作用!令那些"選民騙棍"難以作出更大惡行!

四零後 說...

民主的最終目的是什麼?不是意識形態,也不是紙上空談,紙上理論,而是實實際際令人民幸福,生存及發展,這就是"民主"的最終目的,其間手段只是手段,而這手段可行的,就是好的民主方法,什麼什麼"選擇、選舉"方法應以此為目標,又是那句,不能"迷信"

四零後 說...

老鬼深刻體驗,所謂多黨輪替,其實是表面幻象,實際是"另類獨裁",原因,政客就是政客,對政府行政,運用都是"不會、不能、不可能""完全"掌握,清楚,理解!故此這些所謂"政治問責"及"一人一嫖"吹水出來的乜長,物長,往往受制於"官僚"手上,這麼多年,不論市,省,聯邦都出現了"官"控"問責部長"的實例,不論任何"黨"上台執政,如果政策影響"官僚"利益或工作方法,一定出現極大問題,什至"倒台","醜聞"!
香港的行政體系實實際際比任何國家地方為佳,為優,原因是"香港的官僚"至今尚不懂"官僚"之道!這是香江父老兄弟姐妹之幸,又係果句, 惜福呀!!!

Liu 說...

剛在午睡半夢半醒中聽到 RFI 法國國家電台的一個政談節目 , 講[貪污 Corruption], 講到邊個國家冇 ? 仲講到自己國家咪一樣有, 貪官仲唔駛坐, 因為一場官師打個十頭八年, 打打下冇人記得乜事.......轉頭買完餸返來再去佢地網站睇睇詳情.

秋葉 說...

人家獅城行的是家長制,在互信之中努力向前行,社會和諧邁進,都超前好景了。
反觀這裡成為亂局,真是可悲!

四零後 說...

又是一句,父老鄉親自求多福吧!

秋葉 說...

可能真是風水給破壞了。只能自求多福。

大夫行傳 說...

元朗塔聳
青馬輪通
回龍歸祖
地運西移