2015年7月23日星期四

幾十年都未見過的怪現象! 口中法治, 講親係民主, 可是......差人變咗鹹牛治!!!

幾十年都未見過的怪現象!

其一"各位兄弟姐妹, 我地係XX警察, 多謝你地俾個機會嚟觀賞你地嘅偉大運動, 多謝你地只係掟我地膠樽...哎吔...痛, 多謝老細俾面.....哎吔....多謝咁多位老細,惜住我地,拮唔到咁痛.....哎吔!!!各位老細, 你地反夠未呢, 玩夠味呢, 攰唔攰呢?如果攰,可唔可以就咁返屋企呢?多謝咁多位老細, 我同的靚向你地鞠躬, 多謝捧塲...哎吔...又中招...騎騎!多謝老細掟蕉,多謝,多謝, 躬請各位回府休息,,,聽日再見, 多謝....。
係唔係咁嘅做法, 某的人先至滿意?????



老鬼有感而發, 我的仔女好反對我啲維園意見, 但係,我係吳志森口誅筆伐嘅"冇讀個大學,冇學歷嘅社會癈人, 又係理工大學果位高知精英口中所講嘅"食枉米,咗住地球轉嘅死老鬼", 但係因為你地成日講民主,咁我講嘅係唔係可以呢............
荒謬的時間,荒唐的地方!


其二:

 "大Sir, 咁點做呀, 用水槍都話暴力, 用烏蝇拍都話過份警力, 家陣仲話要我地馬上走噃!"
"唉! 2845, 我仲有一個禮拜就咬糧咯,法官又係佢地黃絲帶個會嘅, 亞頭又係只識側側膊...唉...."
"大Sir,個妓協同埋靚仔話手機我哋個樣去人肉喎, 我怕老婆仔女被Bulling, 大Sir, 睇住我哋,好噃,散水好唔好?"
"大Sir, 如果佢地影咗我, 咁, 邊處有人同我做婚紗, 大Sir, 嗚嗚嗚..."
"Sarah, 孖7 孖4, 無計咯, 家陣係亂世, 警不聊生, 我都唔想無啦啦為咁嘅無法無天嚟唔見咗份長糧, 好啦, 2845, Sara, 孖7 孖4, 同埋其他伙記, 散水......."

14 則留言:

秋葉 說...

視警為敵,無法無天!

四零後 說...

多謝亞姨,其实細佬並無正字粉絲,不過咁搞真係唔得。

四零後 說...

多謝亞姨,其实細佬並無正字粉絲,不過咁搞真係唔得。

Liu 說...

大佬功夫真的沒話說,第二圖的幾位大人物活靈活現,特別是四眼仔。
故鄉的律政酒鬼冇眼睇,睇親火滾。十月圍城攪破壞的,個個無罪,那位警司呢,就要叩頭認罪,真係令人心淡。
老實講,換轉在西方,在這樣的情況,打到你老母都認得都係平常,都係你抵死!

Liu 說...

世上很多東西的發明原意都是好的…………………
一旦[濫用] , 卻變了[壞事] :
手機照相 , 本是方便用家,
[法援] , [社福] , 原是想幫助[真正有需要的人……
可惜……………………..給[醒目的人] , [ 濫用] 了.
…………………………………………………..

Liu 說...

造成[濫用] , 是因為某些人的[縱容].
某些人的[縱容] , 是因為[做好人講好話] , 永遠有[有著數].
永遠的[順耳]……所以[神愛世人] , [信徒滿天下]…….
(不過 , 不過…….兄弟姊妹 , 千萬不要忘記 [十/一奉獻]喎…)
…………………………………………………

Liu 說...

又到周末.
唔係飲大, 我真係唔想多講.
故鄉出了這麼多[異人] , 請唔好下下怨阿爺,
真係[有種], 故鄉人絕對可選擇應該走的路.
攪到如斯田地 , 除了[無知] , 更多的是[縱容].
就算真係俾個權你, 你耳仔軟, 一樣會問: [ 醫生 , D 藥惦唔惦架…..
[醫生 ….醫生….你保唔保證一定醫好我架….]……
酒鬼脾氣唔係幾好. 客家佬本性, [咁X蠢, 死左好過啦PK !.]

Liu 說...

去年圍城, 我算[適逢其會].
真心講句, 多得呢班契細佬唔少.......
維護正義的, 打個睏都俾人[影相投訴],
[食浪米] 呢, 在馬路中央 [ 天為被地為床] , [ 合皮又合皮]......
如果呢個真係[人的世界] , 酒鬼情願早走好過......
可惜......天冇眼!!!

Liu 說...

唔好話酒鬼口賤, 更唔好話酒鬼人賤........
畫到D 警花咁靚 , 又唔怪得班合家富貴[意亂心迷].....
成日想問候問候..........................
嘩哈哈~~~~~~~~~~~~

Liu 說...

酒鬼不喜戴面具 , 更不懂戴面具.
真懂戴面具 , 酒鬼不會得本地僑社的[最臭脾氣獎].
真懂戴面具 , 每次回鄉, 或許還能跟波樓仔談談書法講講藝術…………….
可惜…………….平生肝膽 , 因人常熱.
看得太真, 看得太清, 得來的是[ 落魄終生].
……………………………………
[點解你要飲….]小王子問.
[為了忘記…………..], 酒鬼說.

四零後 說...

太祖金句....牢騷太盛防腸繼, 剛被書法大師贈了小弟, 如今轉贈予Liu Sir。

Liu 說...

不想活了..................

四零後 說...

Sunrise, Sunset; Sunrise - Sunset, 當你看見夕陽, 當你目睹太陽東升, 雲彩飄飄, 人間一切恩怨都不是什麼回事。
當你看見彩虹, 我曾看過同一時間, 同一天空, 出現三條彩虹, 忽然醒悟, 人生是多幸運....那年, 十一二年之前, 你細佬我一年之內連開六次刀, 主要因在工作上踏中地雷, 一生最後一擊的事業頓時灰飛煙滅, 因而"逃亡"回加後積鬱成疾, 大溫醫院去齊, 最後一次開刀後, 稍為精神, 去某超市, 是雨後, 就在停車場, 忽然抬頭, 三條彩虹就在頭之頂, 又是忽然發覺, 雖事業及最後的前途都已失去, 不過, 世間還是有"情", 是大自然的情! 更覺留戀了。
生平最危險的一次是, 當值時因前途暗淡, 無法有其他較佳出路, 一時感觸,竟在某大厦洗手間,拔出架生, 指向太陽穴, 最後一刻, 留戀了剛出生的兒子,一瞬之間,打開彈輪, 跌下XX, 因此事件, 不久,不幹了!
生命短暫, 一百也只是宇宙一剎, 春花秋月,雨霧煙霞, 花開花落,都是免費的, 好好享受吧!始終有東西是值得留戀的!

大夫行傳 說...

太陽東升彩雲飄
人間恩怨夕陽時
積鬱成疾刀六次
三條彩虹出生兒