Tuesday, 13 February 2018

流感大範圍蔓延, 小心!!!

全美共有4064人死於流感和肺炎!!!

美國大陸各州基本上都出現了流感大範圍蔓延的情況。

美國疾病預防控制中心(CDC)最新數據顯示,單是2018年第三周,全美共有4064人死於流感和肺炎,占同期死亡總數的約10%,由於流感疫情仍在持續上升,預計死亡人數還會升高。到目前為止,這個流感季已經導致至少63名兒童死亡。

CDC數據顯示,發生在2009和2010年的豬流感共導致6080萬美國人感染,27.4萬人住院,死亡近1.25萬人,而2017/2018流感季的死亡人數可能遠超過這一數字。

  一般而言,在流感爆發比較溫和的年份,美國約有12000人死於流感;嚴重的年份死亡人數會達到56000人,其中80%為老年人,或者之前已經有心髒病、肺病、糖尿病等病史的中年人。令人警覺的是,今年除了高危人群,還有一些平時看起來健康強壯的年輕人也因流感而死亡。

講起感冒, 老安, 老伴及細仔都中咗招, 我雖然打咗流感針, 依然避唔到。

家陣的感冒病毒勁過以往多好多, 而且症狀之辛苦,不比以往, 以前,唔係好耐嘅以前, 一有感冒,先來甘和茶, 再整包杬葱茶, 多數搞掂,而家乜茶都無用。

仲有, 以前係"康趕", 好唔掂走去西醫, 三餸一湯, 四日之內, 一定好番。 現在,海漂之地,睇西醫只係嘥時間, 第一要"覓阿傍文",三四天, 等到嚟蚊瞓, 第二, 就算見到"番物利.度他", 望聞問"撤"", "度他"只會咁講:
嗱"密斯特晏"返去多休息, 飲多的水, 唔好出街, 好辛苦時食粒"太那羅"("康趕"叫必理痛), 嘥聲壞氣!好多"高知"成日話香港西醫濫用藥, 但係海漂地完全唔用藥, 二者何為正確, 以病家而言, 梗係快的藥到病除好啦。

眾兄弟姐妹鄉親父老, 保重, 千萬要穿足夠衣物, 擅掌休息時間, 我搞咗成個禮拜, 家陣按鍵時仲係咳, 無奈!

保重,保重。

3 comments:

  1. 安兄保重!今年的流感針藥備受爭議,先有謝安琪,後有黎明,質疑流感針藥的效用。
    祝兄台,安嫂,安仔快快好起來吧! 貴境現在幾多度呀? 有冇落雪呀?

    ReplyDelete
  2. 去年落雪落埋今年, 所以今年只係雨。
    家陣"康趕"人文化, 乜都要鬧一餐, 乜嘢都要攞個手機亂影, 乜都要指三罵四, 郤從沒有客觀及"理性"去思量事和物。
    流感病毒千萬種, 變異又快, 但是總有幾種會是發病多數, 疫苗"絕對"無可能"完全"覆蓋所有病毒, 這是最白痴的人都應該明白, 但是, 打現有的疫苗, 始終能防治某些流感病毒, 有好過冇, 唔使人講啦!
    當醫護人員忙到透唔過氣, 這些人不單不同佢地打氣,仲要製造噪音, 只有"康趕"今天的"垃圾"傳媒引致的劣文化才有此荒唐事!

    ReplyDelete
  3. 不下雪似乎冇噉凍喎! 現在的人係時興乜都影一餐架啦!
    有病積極治療就是了,隨逍而安吧。近數年來我已經不再訂閱報紙了。電視和電腦大把資訊供應。

    ReplyDelete