2018年1月27日星期六

原來我們日常生活中很多產品都只有這麼少的選擇甚至沒有選擇, 正常嗎…?

原來我們日常生活都逃不掉圖中企業手掌, 這正常嗎?

又, 我們除了幫趁這些企業產品, 還有沒有其他選擇, 其他同大類產品, 你妳會買嗎?

究竟成功的企業算不算是市塲壟斷者, 尤其在貿易自由國家, 自由貿易市塲的國家。

他們產品的成功是不是如一些高知, 一些左膠所認為是錯的, 他們是魔鬼, 他們是壟斷者?

好像某些人常說乜佳, 乜康是罪大惡極及貪婪的企業, 逼迫小販,小商鋪, 讓他們冇啖好食。

問一聲, 批評者你好平常購物在那裡,買菜買肉在那裡?

你妳們有沒有幫趁乜佳、乜康…, 有的, 為什麼, 為什麼你妳不去幫趁你好所說的弱勢者?

經營成功者有什麼罪?



 圖表轉自網易新聞

9 則留言:

秋葉 說...

大集團和小商販各有好處,兩者並存,才是消費者之福。

四零後 說...

家陣真係好怕果的"高知"、"時事評論人"、"社工"、"鶴者"、"環保佬同環保乸"、"網台"同"傳媒妓者及騙者", 他她們一咬上邊個, 邊個唔好彩, 黑白顛倒, 含沙射影,指鹿為馬, 乜都齊, 當你妳有少少成就, 一唔好彩, 俾佢地睇中, 死梗!
人地產品及服務,受到大眾歡迎梗有理由, 你就正面嘅唔理,死摷爛碟出負面,係人都中招啦!

秋葉 說...

安兄,咩嘢叫做「死摷爛碟」呀? 小妹有啲唔多明解喎?

四零後 說...

鍵誤. "應為死摷爛摷的負面嘢出嚟", 例如, 價錢方面, 有時供應商會因應不同公司的取貨量而作出不同批貨價, 有些零售連鎖店的零售價會個別不同, 咁,某些社工,社運,環保份子不理三七廿一無限上綱去攻擊, 老安認為不公公, 因為香港是"自由"市塲,而且各大零售商都是完全明碼實價,消費者亦應有責任去"市塲調查",貴者唔係唔幫佢買咯, 點解又要大擂大鼓去話人地奸商,話人地無良……。

秋葉 說...

這個很有同感!雖然是說小商販有人情味,有傾有講;但亦見過當客人看過不買之後,背後把那人罵個狗血淋頭!
但在超布,買或不胃,都冇人干涉。這就是~自由。

四零後 說...

我外父外母都係乾貨小販, 我亦曾做過賣花小販,世上當然有好人同壞人, 但係某些小販真係唔係人咁品, 在旺角區做黑敬時, 收市見的賣菜小販哂爛晒的賣剩果菜,唔益人的"無良"行為, 好鬼乜乜, 點解唔收市前平賣,或益下"低端"人士或送去乜乜慈善中心…?又見好多小販惡死驣驣對客仔, 有時又古靈精怪乜都出齊, 所以,對某些小販冇乜好感, 另外, 好多小販尤其果菜小販,好鬼有錢,並唔係葉鍚恩之流想像係"低端", 仲有, 佢地唔會納稅…………。

秋葉 說...

記得細時北河街好熱鬧!由北河戲院門口開始,攤檔之外沿途都是小商販,天天鬧哄哄! 賣花布,賣冬菇......媽媽買了一包冬菇回來,變了一包冬菇腳!
由這條街一路直落長沙灣道中間的安全地帶,有賣武賣跌打藥的,有紥營招喚途人入內參觀的。真是好熱鬧! 後來搬了去旺角居住,就跟母親去廣東道的街市買餸菜。
那時的廣東道由旺角道尾開始,一大段路中央都是菜販,她們只用一擔竹籬箕,放滿了時令的菜,任人選購。道路的兩邊有其他的菜檔或雜貨檔。橫街有熟食大牌檔。右面是黑色金字頂的市政局街市大屋,豬肉和魚檔都在這裡。
那時三天兩天媽媽就抱著我看電影,常常帶著我去買菜。很難忘的日子。

四零後 說...

舊年返港特登去旺角大街市打咗個轉,懷舊。

秋葉 說...

現在郎豪坊那邊的橫街,魚店很興旺,店外放滿魚產品,任揀任買。喜歡吃魚的人,真是看得高興極了。可惜我住得遠,若是買多了,會拿得辛苦。
聽說元朗的合益街市比大橋街市又會平些。
舍下附近改建了新式的冷氣街市,地方大令人如入八陣圖。有本地魚和本地豬店,真好!