Thursday, 23 March 2017

今時今日的七十二家房客…


今時今日的七十二家房客…

哼!我揸過槍, 管過鎖匙,打過劍, 你話我唔得?
仲有……仲有…我最大優點你地睇唔到咩?
缷膊, 縮骨, 你地仲唔知咩!
嗱! 我最打得, 你見我幾時唔係好好打!
車, 你打得? 冇錯, 不過鋪鋪唔係詐糊, 就係出充, 最叻係食雞火糊, 俾人地一嚇,叫緊六八九糊都唔敢食, 咁,點靠妳呀!
喂! 我做咗幾十年官,最叻係寫判辭, 最叻係噏! 最熟係生草藥, 專醫私獵! 喂,你六八九最KT, 你女乜其實係女禍! 你把鬚係假嘅,你係最衰嘅,嗱,你乜乜,你物物………
喂喂,糊官,你有話專補私裂,咁,你家陣周圍鬧人, 咁, 仲大鑊過竹私獵, 簡真係撕裂噃!!!
嗱, 香江最緊要係要搵人補鑊,要搵人補綫, 你胡鬚佬剩係識打劍, 又唔識揸針綫, 點做呀! 收檔啦!
嗱, 阿官, 你剩係識作嘢, 手無二兩力,又唔識擦鞋,又唔識又溝又通, 不如返去法庭再坐一會!
嗱, 你地聽過男鍋補天未呀? 冇吖嗎? 咁,古書都話女媧補天,你地仲唔明????
我曉! 你地成班都係"淫民敵人", 都抵死, 我一定要搞衰搞臭你地,等我掟個臭萍果臭死你地!!!
阿爺: 唉! 冇眼睇!!! 你地鍾意點就點啦!!!你班友靠唔任, 好, 都係返去北上廣整個金融港好過, 我撇!

老安按:

香港水飲壞人, 幾個又話碩士,又話乜士,又話留學呢度,留學果度, 又話幾十年法官,又話高管, 點知出嚟噏嘢, 唔係又係蕭公子,鄭大班,游乜源之流, 唔好講理念, 唔好講管治, 唔好講理想,更唔好思忽話要團結, 剩係大英的正字ABC丰度,已經完全見唔到影, 唔咪係互相踐踏, 互相抺黑, 互相牛頭角順嫂兼北河街二叔!無一個高分人姐人哥可以擺道理,講理念,説大綱, 只係你鬧吓我,我又瘀下你, 除咗好過癫狗,冇講粗口之外, 不外高登中老年樣辦!

果的所謂白鴿眼, 除咗要搵過專做精仔,最叻搖風擺柳,缷膊專家嘅面精心懵嘅人以方便佢地搞作, 對於香港前途致曰罔聞!

所謂見際, 真係見到唔際, 係咁嘅環境,做嘢啦! 個個一舊飯咁!

唉, 又係果句,香港風水已被破壞, 冇救!!!

2017年3月26日修定, 香港特首結果;

未來五年,老鬼肯定七!七!七!天意也,凶兆!!!仲要甚凶之兆!!!

要在家準備定粮食,口罩,C加裂已經"熱烈"登場, 要移民的,要回流澳加星的快走吧!!!七!七!七!仲斃過689!

8 comments:

  1. 唉!全部學晒啲花旗人競選手法一樣,都係互相攻擊揭人短處,你踩我,我踩你!
    真係風度全無!古時堯舜禪讓,有德之人被選中而上位;世襲之後互相傾軋,拚個死活。古風之仁義道德已難再現了。

    ReplyDelete
  2. This comment has been removed by the author.

    ReplyDelete
  3. 春秋戰國時期,有謀士“蘇秦”與“張儀”。蘇以聯絡六國“連環合縱”對抗強秦,得以封為六國丞相。
    豈料張儀投效秦國,以“遠交近攻”之計,使出一招逐個撃破!並加以重禮、花言巧語拆散六國的團結。
    ~~~~~~
    這張儀陰蹇之極, 初則巧言令色,後則以利語刺戮人心,口蜜腹劍,善於變臉,十分可怕! (遇此寧得罪君子,只有敬而遠之。)

    ReplyDelete
    Replies
    1. "巧言佞色", 本來不想談港事, 但係香江是老鬼的根, 雖説因"精仔"一早走去楓葉"享福",始終望家鄉發達,人人安居樂業, 尤其大兒一家,誓與香江共存亡, 一步都唔肯過嚟,就算"行下"都唔想,大兒離加時説過一句狠話,咁嘅國家,我以後一步都唔會踏入!(今年省選了, 有可能那個左膠政黨會崔護重來(令整省經濟民生崩潰,十年浩切的政黨!要了解,睇一睇毛姑姑,朱乜敵,郭乜乜醫生,陳乜乜彩虹等面口同所作所為便知是何物。) 看新聞, 感觸兼感慨!!! 群眾眼晴是雪亮的?抑或是群眾是盲目的? 老鬼看到新聞及視頻後, 給出的人答案, 是後者!

      一個虛假虛偽的所謂笑容,而且係皮笑肉不笑, 竟然可以完全掩蓋這位做官多年而"毫無"作為, 絕不擔帶, 永遠卸膊的事實, 所謂什麼調查, 真的水份深的不得了, 作為早期(六十年代末七十年代初)開創HK市塲調查事業的工作人, 只有苦笑。

      糊官,唔使講,做官太耐,唔知世情, 娥姐亦不是理想, 不過還是比較真一點, 証明香江無"人", 地運也, 風水也!

      不過,真估唔到, 咁嘅所謂政論,辯論會"低智"至如此地埗,無奈又無奈!

      兩鬚一笑已收籌, 政見全白無嘢收, 糊里糊塗官一世, 群眾風向令人憂。

      香江, 糠稈, 前途無…………限!

      Delete
    2. “巧言佞色”、口蜜腹劍者,還有專指那些:攪攪震,常窺伺他人言談對話,而作出策略攻擊,運用遠交近攻,採用逐個擊破之術的~扮作慈悲大士的不義之人。

      Delete
  4. 有所更正:因所讀之歷史,僅憑多年前的記憶,於匆忙間未有上網查證,因而有所紕漏。春秋戰國時期,蘇秦聯合六國之道為「合縱」;張儀獻秦國所用之計為「連橫」之術,對六國遠交近攻,向其後宮獻上珍寶財帛,逐個擊破,因而拆散了六國團結的勢力,最終先後攻陷了六國,統一了天下。

    ReplyDelete
  5. 東西為橫,南北為縱。七國時強秦在陝西,六國受了秦之重禮,更加各自為政,放棄團結,順從秦國,是為「連橫」。
    六國中了張儀「連橫」之計而先後滅亡。張儀雖然善於賣弄詭計,但為人乖邪狂妄,陰蹇害人,所以不得人心,最後還是失意於秦國。
    可嘆如今有人不甘寂寞,到處游走整人,典型的現代小人張儀是也。

    ReplyDelete