親身經歷過你地上一代嘅廢老
回應下一代
我地嗰時，冇人敢阻港英收地，只要佢地想收，一隊人，一把火，就收邊都得，冇人借環保阻頭阻勢，更冇人可以不遷不拆。
人，都趕去徙置區，鐵皮蓋臨屋區，等上樓，都隨時四五年。
有地，有香港人嘅錢，港英起幾多屋都得，重可以收地賣，唔好忘記高地價政策係港英留低嘅德政之一。
而家你地成日講環保，唔准填海，唔准郁郊野公園，但又要有樓住，畀你地做特首，你地都想跳樓。
我地嗰時，冇免費教育，一年免費都冇。當時得兩間大學，讀大學係奢望，成績好但冇錢都唔使諗。
而家九年免費畀你地讀書，重有成十間大學，阿豬阿狗都讀到大學，又有上一代捱埋畀你地你地嘅資助，借埋錢都得。
但你地學咗乜嘢？大學係教你地乜嘢？冇獨立思考、是非不分、人云亦云，不知所謂，粗口通大學貼，通街講，未能上流先已下流。
不學無術，志大才疏，我公司請CEO呀！你地做唔做到？唔甘心從低做起，想一步登天。
我地都係靠勤力，靠讀夜學、自修求上進。然後，雖然讀飽書，但因為學歷畀港英歧視，同工不同酬，捱十幾年，靠邊做邊學，累積經濟，培養能力，機會嚟嘞，至可以把握。
記住，機會只留畀有準備嘅人，你地有冇準備？
與其才疏但志大，不如慳番埋怨嘅時間去進修，學上一代咁拼搏，學上一代咁一身兼數職去累積財富，好過嘥時間去搵借口話因為求理想、為香港人拚自由而去攪破壞，掩飾自己嘅無能，於事無補。
我地嗰時，冇最低工資，冇綜緩，要改善生活，想買樓，唔會怨政府，因為知道港英唔會幫你，唯有靠自己雙手，剪線頭，黏公仔，穿膠花，節衣縮食。
唔好講去日本，假期都加埋班喇。去日本？同上月球一樣係夢想。
我地嘅年代好包容，知道大家都係避難香港，唔似而家你地咁大言不慚話自己係本土。
知唔知香港畀英國佬搶走之時，1841年，人口只有7500人，你地嘅祖先唔係呢7500人就唔好厚住面皮話自己係本土。
自己都係移民，不過早咗上岸，唔應該歧視、敵視、排擠遲來者，咁只係話畀人知你地係幾咁自私。
同而家住喺填海區嘅人反對填海一樣咁面目可憎。
我地嗰時邊有咁多公園呀！公園梗係公園啦！維園囉！植物公園囉！邊會區區都有大大個公園咁好㗎! 梗係冇大媽嘈啦！人人搵朝唔得晚，去公園都要等放工至去。
嘈，周圍都嘈，廟街，大笪地，又唔係嘈到三更半夜？
屋邨戶戶開大收音機，打麻雀，嘈唔嘈？我地年代啲人就識得包容，唔會好似而家啲人咁，自己嘈就得，人地嘈就投訴。
彭定康係事頭婆派過嚟玩香港嘅，當然冇人敢得罪啦！
而且當時啲政客有品德得多，最惡嗰個李永達，鬧老彭都係一路拉隊離場一路嗌：shame on you。
唔似而家啲政客咁又掟杯又掟蕉。我地啲百姓更加冇聲出，鬧鬼佬要用鬼文，唔似而家你地用本地話鬧特首咁爽，噏得出就得。
我地想問候彭老太咁，唔會好意思叫啲隨從繙譯畀老彭聽。
而家你地啲民主自由都係得個講字，人家特首高官一落區就畀你地圍，一開聲就畀你地嘈到想講嘢都冇自由。落區又鬧，唔落又話唔落，人地真係冇晒自由民主就真!
我地嘅年代，人人梗知道要發展啦，唔似而家你地咁懵，政府建設乜都話鬧係大白象，淨係一味拖後腳，攪到香港落後、再落後、更落後於鄰近地區。
人地星加坡，深圳唔講政治，埋頭經濟，香港就埋頭玩政治，寧願攪死經濟，都話要爭取民主，但有冇諗吓民主最終都係想人人生活富足安定，而家你地攪到香港立立亂，就係為咗一張選票不惜令到自己屋企沉淪？
我地嘅年代，的确冇官二代富二代，但有特權階級，即係英國鬼同高級華人。
英國求其一個牛佬嚟香港都係我地嘅老細，識唔識做嘢唔緊要，係鬼就得。
我地唔使人地同你講話成功需苦幹，我地自己就有上進心，都知道只有苦幹至有出路。
但係就算出頭嘞，都只會畀鬼佬騎住，佢地永遠係你老細，但我地都唔會怨，因為知道怨都冇用。
我地嘅年代，點會有民意？所謂民意直達政府都係你地嘅幻覺，你地誤信讒言。
有就唔會有天星小輪加價暴動、的士暴動、唔會有巴士，電費年年加，不理民間疾苦啦！睇睇香港81、82、。。。啦！
舊劇集最能真實反映當時社會面貌，唔使聽人亂講。
當年何來泛民建制？所有議員都係欽點嘅，平民冇權投票。港英唔滿意，撤回欽點，唔使DQ咁煩，手起刀落，乾淨利落，鴉雀無聲。警察有投訴科，但打人都唔使拉入暗角，隨時隨街打就得，投訴囉！
以前議會冇爭執，因為啲議員唔係官守就係欽點。
而家民選嘅議員就角色掉轉晒，泛民打住民主招牌，講咗政府就要聽，唔聽就係唔聽民意，就當香港真係只有一種聲音，佢地呢種聲音就係金科玉律，永遠唔會錯嘅。
咁係獨裁定係民主？係唔係一言堂？政府唔就範就用暴力，重無恥到賴政府迫學生用暴力。
議會真係失效，惡就得，惡就話乜係真理就係真理，使乜辯論？使乜選舉？
我地年代，對付暴動好簡單，警察以暴鎮暴。
唔會有人盲撐暴徒手無寸鐵，唔會話警察手起棍落、打到暴徒當場爆頭係唔合理嘅暴力。
唔會同情暴徒要港英特赦。港英梗有時間主動補鑊啦！
而家呢？ 暴力一個緊接一個，完全冇畀機會政府檢討改革。
我地嗰時冇人可以叫港督落台。
叫就暴力鎮壓，六七咪係叫港英滾蛋囉！
而家你地可以隨時叫人落台，隨時霸街阻路，隨時用磚掟警察，重惡到唔准警察還手，重想襲警都唔使畀人追究。而定民主真你惡。
我地年代派傳單都拉（曾德成係人辦)，點解而家霸街、嚴重破壞社會秩序就唔應該拉、唔應該告？
我地嘅年代，人人都愛惜生命，但生活迫人，跳樓燒炭都唔係新聞，港英咁重視生命都無計可施，求其整個防止自殺會就當重視生命囉！死有輕於鴻毛，為咗一個立足於錯誤理解的立場而自尋短見，就係重於泰山？
總括而言就係，我地嘅年代，不求政府救，胼手胝足，將香港建設成為大都會。
而家，香港大部分年輕人都係溫室栽培的嬌花嫩草，以為香港今日係佢地嘅努力成果，大言不慚妄言要奪回以前美好的香港，（連一句口號都狗屁不通，既然係以前美好嘅香港，以前嘅香港係我地呢代人拼搏番嚟嘅。
奪，就係搶奪我地嘅血汗。
以前美好的香港唔係你地有份建設嘅，你地有乜資格奪回？
唔再破壞我地呢代人努力嘅成果已經要千多萬謝。拜託！
不如借我地嘅膊頭企高啲，望遠啲，承繼我地嘅拚搏精神，唔好再事事政治化，將香港重轉番去前進軌道，追番因內耗而損失嘅時間重實際。
我地都曾經激進、憤怒，對港英抑壓下作為二等人極端不滿，但我地識得將激憤化為動力，自求進步，所以對你地而家以破壞香港----我地呢代人辛苦經營嘅家，表達激憤，絕對有資格譴責。
你地所謂嘅激進只係盲目破壞，破壞過後嘅香港只會沉淪，對香港將來毫無益處，不但破壞我地呢代人建設嘅香港，亦係破壞你地嘅將來，更破壞你地下一代的將來。
醒吓啦！
親身經歷過你地上一代嘅廢老
另一篇
一名喇沙仔香港回歸的手記
喇沙仔周學文從事新聞工作，97之夜在羅湖邊境拍下解放軍進入香港的第一刻。2020回歸前夕他再次揮筆寫下回歸23年的感受。
今天是 6月30日，23年前的今晚，我是美聯社記者，被編輯派到香港邊境，觀察香港回歸祖國時解放軍跨境進駐的歷史時刻。當時我從事媒體已經四年，學會了「冷眼旁觀」。然而當夜，看著一卡一卡的軍車，滿載著排列整齊的解放軍從深圳開進來，從面前駛過，不禁心潮澎湃。
為了爭取第一手資料記錄回歸時的民心背向，四年間我深入社會各階層，走訪他們瞭解不同寄望與顧慮。回歸讓很多港人踟躕不決，有的悲觀、有的樂觀。但作為土生土長香港人，我自己一直深信，也從當時社會中普遍看到，香港回歸，是屬於中國人的一個光輝時刻。
在此之前，我還專門花了兩年時間，跑到德州州立大學修讀新聞碩士課程。那時候，美國的新聞理念與從業守則，在我心裡有著崇高的地位。美國媒體被譽為第四權，一批受過良好教育的專業記者，為社會上各種不公義打抱不平，捍衛真理不惜一切。就讀時印象最深刻的，是美國人對誠信的重視。小到就如何應用引號，來識別原創和引述別人的話，也絲毫不能含糊，我就因為在論文裡搞糊塗了，差點釀成大錯畢不了業。
奈何，曾經以為堅如磐石的信念，經不起23年的風吹雨打，只剩下難堪的一廂情願。
首先是驚訝於美媒不再公正公平公義，甚至連基本人性應有的同情心與同理心都蕩然無存。當湖北人民在最危急存亡的時候，幾家老牌美媒包括華爾街日報、時代週刊等，竟然無恥的落井下石：「中國是真正的亞洲病夫」。。。「強大的巨無霸被蝙蝠病毒羞辱了」。。。「冠狀病毒危機粉碎了裝作團結的門面」，他們群起而攻，指責中國的體制只會為世界帶來災難。
不久，當中國成功控制疫情後，新冠病毒反而開始在美國爆發，美國媒體非但沒有認可中國的犧牲和痛苦經驗，更情願花大量篇幅去質疑中國的病情和死亡數字。不斷污蔑中國，對美國本土疫情治理有幫助嗎？假如中國真像美國訛傳的驚人數字，那過去數月在中國城市的大街上，為何沒有出現紐約的情景，要調用凍肉車過來冷藏死者？今天，新冠在美國的新增數字，持續刷新。超過250萬確診與接近13萬性命犧牲——似乎美國人對數字已經麻木了？
不止無視病毒橫掃，就連國內經濟衰退，反歧視浪潮席捲全國，都可以擱在一旁，卻要花精神去為港人「捍衛自由」，美國人的偽善，可真如入化境。上周美國參議院通過兩項法案，意欲懲罰中國在香港推行國安法，並宣佈對現任和前任中國官員實行簽證限制。但事實上，美國人有多關心世界事？我就舉個個人經歷吧。碩士畢業後在德州一個小鎮的雙週刊報紙當了數月的實習生，報紙老闆是一對曾在達拉斯的美聯社當過記者的夫婦，老闆娘有天訓導我說：「你不要以為我是女性，我的話就不重要。我非常清楚，香港屬於日本，我非常清楚你們那裡瞧不起女性。」
無論新冠多毒，始終比不上人心歹毒。之前聽了一句話，在美國，「非裔駕駛」與「亞裔咳嗽」，同樣是莫須有罪名。光天化日下虐殺非裔，惹起全球反暴；然而，特朗普睜著眼散播種族言論，還輕佻地稱新冠為「kung flu」（功夫流感），何其傲慢無知。
這還不止，特朗普接著說：「總有一天，它（指病毒來自中國的歪論）將被歷史所認可，總有這一天（Someday, it'll be recognized by history. Someday）」。說到歷史，我非常瞭解，從來只有勝利者的版本。我不禁又想起小時候，同一場戰爭，英文歷史教科書叫 First Sino-British War，中文歷史書則稱鴉片戰爭，這就是施暴者與受害者的視角差異。
現在，我已經對西方的指鹿為馬習以為常。請不要用民主來忽悠我，不要用自由來蒙蔽我，不要再別有用心的宣揚所謂普世價值，因為我知道，在這些人眼中，中國人永遠背後系著根辮子，就如同非裔背上永遠有血淋淋的鞭痕。
