難、難、難…老生常談。

人間實相

天下有二難，登天難，求人更難。

天下有二苦，黃連苦，貧窮更苦。

天下有二險，江湖險，人心更險。

人間有二薄，春冰薄，人情更薄。

知其難，守其苦，測其險，忍其薄，

則可以處世矣。

(「江湖險，人心更險」一語之出自孫奇逢。)

嚴己寬人

人之論我也，與其能辯，不如能容；

人之侮我也，與其能防，不如能化。

攻人之惡，毋太嚴，要思其堪受；

教人之善，毋過高，當使其可從。

──選自《菜根譚》

狗年準備了的揮春對聯。

春節越來越近, 要準備春聯了, 今年老安春聯是如此!
當年受某些人影響,成日揸住明朝東林黨臭老九對對,
爛思忽咁學做士人, 如今覺悟, 於是貼聯明志!

一年將盡,吟下唐伯虎嘅詩, 哎喲係咁意傷感下。

 如今靠大家拿維持生計, 三級政府不斷加稅、雜稅, 巧立名目稅, 公車局稅, 但係"大家拿"幾年都冇乜調整, 有調整都係一個幾毫!
油又加, 糖又加,肉更大加, 水電又加, 無奈, 唔好出門口,一於宅翁,算咯!
一年又將盡, 再呻吟多一首唐伯虎除夕歌!

十叟長壽歌

十叟長壽歌  ：

   昔有行路人，海濱逢十叟。年皆百餘歲，精神加倍有。誠心前拜求，何以得高壽？

     一叟拈鬚日，我勿嗜煙酒。二叟莞爾笑，飯後百步走。

     三叟頷首頻，淡泊甘蔬糗。四叟柱木杖，安步當車久。

     五叟整衣袖，服勞自動手。六叟運陰陽，太極日月走。

     七叟摩巨鼻，空氣通窗牖。八叟撫赤額，沐浴令顏黝。

     九叟撫短鬢，早起亦早休。十叟軒雙眉，坦坦無憂愁。

     善哉十叟辭，妙訣一一剖，若能遵以行，定能益人壽。

老安按:
要長壽最緊要係: 唔好睇同聽新聞, 尤其是香港新聞, 唔係激死就係氣死, 又唔好上網睇新聞, 唔係嚇死就係擔心死!
所以, 長壽最重要係唔好睇同聽新聞! 重申,千祈唔好睇同聽香港新聞!

 

埃年近晚, 又係做人要反省嘅時候, 好多人成世都抱怨懷才不遇,成日都攞李太白果句嚟安慰自己, 天生我才必有用, 其實只講唔做只係臭屎蟲,自己真係有冇才都唔知, 又唔肯去面對現實,去充實自己, 得過怨字, 老安活咗七十有多, 總結一生, 無才又無學, 今時今日仲可以苟存性命於"亂世", 真係好似我至友對我講,"你好彩咋", 此四字深刻我心, 一年將盡, 於此向上面果個講一聲"感恩"!

預祝各位朋友,嚟緊嘅狗年, 大家活得更精彩!

凡事要有自知之明, 放下放開的心態, 都係長壽要訣之一!