Sunday, 10 May 2015

市井之徒想當年之"食"事, 已經消失, 或做法已經不同的"美食"....


市井之徒想當年之"食"事!

老鬼如我者, 有不少人會懷念一樣不簡單粉麫飯, 就是"鴨腿湯麫"或飯了。

尤其大熱暑天, 胃口不佳時, 此湯麫或飯曾經是妙品, 好可惜及遺憾, 此品已經淪落天涯。

今時今日, 很多食肆或仍存在此出品, 不過, 以老鬼回港找尋, 一般若有此出品, 都已經是今非昔比, 指鹿為馬、混水摸魚而已!


此飯麫正式名稱為"陳皮鴨腿湯麫", 是非常强調"陳皮"這兩個字, 實際上如果沒有陳皮,或陳皮不佳, 此品一定不能"入口"!


不過, 現實是很殘酷的, 靚陳皮已不多見, 有者貴若黃金, 你叫食肆怎打成本?


對的, 這是强人所難, 但是轉而求其次, 普通不會苦的陳皮便算了, 但是, 那鴨腿, 請不要用千年隔夜燒鴨代替呀! 大佬!!!


有的食肆仲荒謬, 求其係冰箱取出來, 係咁意淥一淥, 就奉客,一咬下去, 原來尚是南北極!

陳皮鴨不是燒鴨, 造法不一樣, 要甘稔肉嫰為準, 當然好似以前有陳皮香最好, 這是奢望。

腦海中最美味、最消魂的陳皮鴨湯麫是兒時深水埗(南昌街?)的新合棧最為妙品,老鬼吹水了, 這是五零年代六十年代初的時候, 老鬼攞來講!

鴨嫰湯靚,麫爽!

好了, 其後, 很多名店, 用另一方式出品, 是用燉盅上, 問題是因鴨在水中太久, 已經太稔身了, 跟食煲湯渣一樣, 無癮。但是, 無癮還無癮, 處理好的也另有風味, 尤其芫荽落得好, 陳皮配芫荽, 湯香! 以前灣仔某名茶樓就是如此!

此品看上來平常, 但如今"香港亂世", 竟無佳作, 遺憾!

                       上者為"新合棧"式鴨腿湯麫, 下者為灣仔已消逝名茶樓招牌出品。

香江另有一款已經消失幾十年的粥品, 又是老鬼日思夜想都難求的, 就是生滾大蝦粥, 又是兒時美好回憶。

在好耐以前, 皇后大道上環有一間戲院叫中央戲院, 其靠近西區那邊的小巷裡有一間粥品店, 當時有一名品, 生滾大蝦粥, 明火粥, 放二隻大蝦生滾而成, 粥成後, 蝦膏溶入粥內, 其餘香數十年後尚留在老鬼腦海。

如今, 未見再有粥品店有此妙粥, 主要不用問, 沒有"蝦"了, 那時的海蝦, 有四吋左右, 滾後遍體桃紅, 嬌艷欲滴....。

                                                             生滾大蝦粥, 恐龍已久。


有一樣粥品, 相信七十後都少知道, 又係已經消失, 這可能是衛生當局禁止了 。

又是想當年, 六十年代或以前, 有一些粥品檔會出品一款"生滾牛荔枝粥", 印象最深是在上環皇后大道中338及大隆燕窩莊之間橫巷的一檔粥檔, 它高高掛起一大幅牛的腹胃膜, 上面遍佈一大粒一大粒的囊腫物體, 美其名曰牛荔枝, 生滾粥後,爽口甚, 很多人很喜歡, 不過, 此等物體會否是腫瘤? 當時"民智未開(包括本人)", 無人追究, 有關當局, 亦未有表示, 故此甚受歡迎, 及後若干年, 已不能發現有此粥品再出現了!

上面的圖是全靠腦海回憶當時情, 因六十年代中期, 除了上班時間,全逗留於這幾條街範圍, 故此甚為印象深刻, 此時期也是老鬼人生一過非常刻骨銘心的日子。

相信網友有曾經在這範圍居住過的應有印象!

此牛荔枝究是何物, 上網看過, 眾說紛紜, 都好像不太對勁。

5 comments:

  1. 以前午餐時段中環閣麟街陳泗記的"陳皮鴨腿湯飯"也有很多捧場客,但我未食過。
    "生滾大蝦粥"及"生滾牛荔枝粥" 從未見過或聽過呢!
    嘩.....! 有隻老鼠呀!

    ReplyDelete
    Replies
    1. 呀,Wei 姐提起, 果度又係老牌老廣食肆, 唔錯架。
      去年返港, 周圍搵食, 越有名, 越被傳媒吹噓的越失望, 反之,回江門市, 找車返鄉, 跟老表二人隨便搵飯食, 去到一小店, 一碟涼瓜牛肉,一碟白斬雞, 一碟炒飯,驚天動地咁正, 回到鄉下, 同鄉兄弟開小食肆, 家鄉風味,勝似蔡生節目, 食啦, 連咁多執輸, 點辦?

      Delete
  2. 這個[陳皮鴨腿湯飯] , 吃過一次.
    在哪? 忘了.
    但那陳皮香氣和湯味倒是很記得.
    不是大路東西 , 也難怪店家做不好.
    或許專門店和賣美食的, 又或許節令時期的大排檔,
    可能會踫到這東西.

    ReplyDelete
  3. 安哥真是個既認真又幽默的人................
    看那只小鼠就知道.
    當年住公屋, 晚上下課回家 , 常常在樓下的麵檔食碗雲吞頂肚.
    邊吃邊看功課的時候 , 經常有老鼠在腳下[漫步而過].....................

    ReplyDelete
    Replies
    1. 反映事實而已, 家陣咁嘅亂世, 老鼠都冇碇企啦, 家陣唔可能有咁"港英時代"嘅嘢咯!

      Delete