首先聲明,因為胃寒,腎虛,一向唔敢食太"涼"嘅嘢,尤其涼粉!
做咗一年左右,成頭白髮,以前果種"典型"香江叻仔嘅"英氣"完全冇晒,剩低嘅係一臉"晦氣",何苦呢?
睇下,同聽下,同上網下,駡聲四起!係議事堂中,果的讀咗幾十年書嘅"精英",一係就壽西斯古,一係就是掟嘢,一係就話"終秧"係唔係攪殖民,一係又話點解要起咁多樓?
民間又話,點解津貼咁少,有的話,點解我冇份,,,有個香港大學姓洪嘅所謂香港學教授仲離譜,整出個乜嘢"政府民粹主義"嘅帽俾梁先生戴,話佢好"幫"的基層喎!咁唔係"福利主義""車毀人亡"囉!
咁,即係,你做,,,,肯定要被人鬧,,,你唔做,,,,都係鬧,鬧少的,
起屋唔好起係我隔離,又唔好起係而家冇用嘅地,因為果度好多小生物,蛇蟲鼠蟻,佢地要生存,又唔好開山填海,,,,又唔係拆的舊樓,因為"往事要回味",保育!
另一方面,又猛鬧政府,點解唔起多的樓,我肚裡面個仔未出世但係都冇樓,咁政府要負責,佢一出世要有自已樓先至合人權!!!!!!!!!!
點解你俾津貼咁少,都唔夠我個仔去補習,去學跳芭蕾,更加點解人地個仔年年去遊埠,我個仔冇得去,又點解人地做律師,做大班,我冇得做????社會唔公平!!!!(佢唔問番佢地,佢地讀書個陣,打工果陣,出過多少"狠"同"力"!
點解人地有全退保,我冇,,,,咁,佢地有冇諗過,佢地肯唔肯一出糧,扣咗一大"截"呢,佢地有冇諗過"人人都要強迫填報稅表"呢?(填報稅表唔等於一定要納稅,但係係被政府知道佢地嘅收入狀態同狀況,以便有乜嘢幫到人民,咁樣可以消除咗N無嘅問題) ,有冇人諗過"全退保"始終有局限,唔可以解決一切,原因好簡單,錢從何來?如果要做到份"保"同正常"糧"一樣,咁,每月所要扣嘅"保金"會係好"犀利",有冇人願意?
扲樓價,話破壞"市場經濟",由佢自由囉,又話政府點解唔理!
限奶粉,又係果句,破壞"市場經濟",叫佢地,唔使一定用果兩隻奶粉,其他牌子其實一樣(有晒科學同衛生數據過噃),但係"精仔"理論,人多用一定好,冇咁蠢我去試噃,咁!點呀!(同爭學位一樣!有學校冇學生,一味迫爆一間,要知道所有先生都係果種牌噃!都係同等學歷同人工噃!
為咗發展"另"類經濟出路,攪比較"專業"局,即科技局,呢過係一條出路噃,啊哈!加拿大佬陳大乜,乜都唔理,一句攞出來,我要拉布!咁!即係點呀? 又係加拿大陳生講噃,話政府無能,無諗辦法攪經濟攪出路呀嗎,家陣聽晒你加拿大陳大乜啲話,咁,你即刻話去"拉乜"咯,咁即係點呀,陳先生,你嘅祖家又係點㗎?(如果好嘅,陳乜舊都唔使離鄉別井走嚟香江吹水搵食咯)
起機場,又話唔被,因為果"幾十條烏忌白忌(海豚),幾萬人嘅職位,幾百萬人嘅通道呀,大哥!
焚火爐唔俾起(睇下最民主文明同環保嘅瑞典,佢地仲要同隔離隣舍燒埋添,咁即係點?家陣有樣嘢叫科技,唔係一定有汙染㗎,大哥),堆填又話唔好係我隔離,咁!即係點?食咗落肚?
又話冇普選,敢英國有冇,加國有冇,美國有冇?梗係有啦,但係唔係好似阿蜂仔咁,騎騎呢呢,要知道,要好多錢同人力㗎!都係黨內提名,都係有挑選㗎,大佬,而且亞頭都唔係simple and naive 嘅一人一票,其實係間到唔間嘅間選,敢你話佢地"民主唔民主"?
總之,家陣,邊個做,做邊個,為香江,你做乜都死,左又唔得,右又唔得,前無去路,後有班靚,香江人才好嘅都匿埋,走埋,或者收咗聲,反為最多嘅係"香江素貼"!
梁生,你都有唔少身家,何必走入 Family Farm 浸呢淌水呢,走啦,返去英國讀書果度,頤養天年,或者學吓林公公,去劍橋讀下神學,話唔定有朝一日你會被教會派下接"朱乜明"教牧退休嘅空缺,到時你又可以帶隊去佔領灣仔呢!聽我勸,較腳把啦!
沒有留言:
發佈留言