撈世界要醒目,見高一定要拜,仲要姿勢正確,腰要低啲!見低死人都要跴,仲要跴大力啲,此乃搵食成功嘅"無往不利"之道,成功要處是好似呢位日本首相咁,笑要笑的"可愛",牙齒要裂得夠廣,腰要彎得"美觀"!
詩云:
見高唔拜等失敗,
遇低不跴地雷埋,
彎腰越低越著數,
笑口似狗冇乜壞;
為求成功將身賣,
家肥屋潤先夠派,
四維八德攞嚟講,
耶穌佛祖唔會怪!
偈曰:
仁義道德年年失意,
作奸犯科袋袋平安!
又曰:
人一定要夠自私,莫留任何空間給別人,自己才會有富貴前程;
人一定要夠絕情,莫留任何後路給別人,自己才會有安枕無休!
年近歲末,上癲下瘋上人向衆生開示
8 則留言:
成世人俾人搵笨搵得多, 得來的總結是:.........
唔好話人奸, 唔好話人絕,
要怪先要怪自己蠢, 自己窮, 自己冇本事.
如果仍然認為呢個係[ 人] 的世界的話...........
你[死不足惜].,,,,,,,,有機會請你飲昌源同永利威兼楚記燒肉!!!不過細佬估你係海外成就應係唔錯噃,好過細佬流離浪蕩,一事無成,何以咁鬼激!
[露宿者逼滿深水埗….]......Hasting East
[平生肝膽 , 因人常熱]
漂流海外,點都好,都係有點飄零感覺,除非"事業"撞啱所需,生日及生計非常理想,咁就別論,不過這樣"幸運"嘅,始終無"唔三唔四"嘅多!
年關已到,就此預祝LIU兄甲午之年,事事順境,樣樣精彩!仲有"身壯力健",係加國BC省醫療真係麻麻,最緊要保重!
發佈留言