掟嘢, 今時今日的後生行埋一邊啦!

就快一年, 不其然懷舊, 相信見過, 或聽過,這美食的已經甚少, 如今, 香港人都無乜邊個知道香港曾經有掟嘢甚準的香港人了,飛機欖投射手!當年的住宅樓大多四層,五層而已, 因而有兩類人可以用臂力同眼界搵食, 一就係弓飛機欖, 一就係派報紙, 今時今日同後生講, 佢地梗話老安吹水,但係當年真係咁搵食, 你係樓上掟銀落街, 佢就掟欖上嚟, 包冇失拖。報紙佬又係, 月結, 朝朝佢逐家掟上你騎樓, 風雨不改!

昔日, 邊有咁乜乜,乜都賴"正苦"!

講掟嘢,家陣的後生邊處有以前的人咁另呀!

秋葉阿姨講果的夾餅應該係呢的啦,好似今日尚有見,不過唔多覺而已!兒時至愛也!

六十年代中後期在中環的日子, 食!

上世紀六十年代中後期,在香港島中環工作,跟今天一樣,中午食飯都幾麻煩,當然錢是最大問題,可是,當年亦有些食肆,好照顧基層同一般收入不多的"低端"打工仔一族,士丹利街是打工仔食晏晝的必然地點,其中一間叫華英飯店的,供應煲豬肉,蒸鯇魚等等,快而妥當,食飽而不貴。

蒸鯇魚,上次回港,竟然在深水埗海壇街一間不起眼的街坊茶餐廳有供應,啊,正程係六十年代味道!

五、六十年代,直至七十年代,很多茶餐廳、冰室、㗎啡室都有供應,七十年後期已經逐漸消失,當年在中環荷里活道荷里活餐廳同海皮的海安冰室出品,都是老安之至愛。