一出世就被獅龍夾生咬死, 仲有的鼠狗龜豬做幫凶, 無奈!

一出世就被獅龍夾生咬死, 仲有的鼠狗龜豬做幫凶, 無奈!

終於醜婦見了家翁了, 哈哈! 世事無絕對, 只有新情趣, 這很久很久以前的香煙廣告, 竟然重現政壇, 妙哉, 妙哉! 全世界意想不到, 娘家人竟然無膽見新翁, 門口都唔敢入就轉頭走人!

香港政改直選特首的事, 小人不敢置喙, 但是如今事過境遷, 攞番出來講下應該無傷脾胃。

這方案,一人一票選特首,千真萬確, 貨真價實, 只不過是提名問題而已。

西方國家如楓葉,照樣是黨團自我醖釀,篩選出候選人, 雖說可以"獨立"候選, 這只是"做戲", 單打獨鬦沒有可能, 除非你是李家誠契仔, 大把錢, 原因,競選費用天文數字, 不過唔夠美國佬咁勁,郁的幾十億美金, 楓葉因國窮,冇咁大洗,亦唔平, 你地上上網睇一睇英美加澳等等,人地點樣提名, 有冇你地所講的無底深潭式"泛"公民提名???選举係好花錢，唔係食快餐，香港反為好，上限咗銀碼，否則，又係跌入“假普選”, 有財力(唔係一定係工商界，反而係工會同环保團體(又係美國背後))嘅控制晒。所以,泛民班狀棍及教棍,尤其教政治經濟果的,佢地所學何事? 
 
今時今日香港提委組成唔係咁代表性,只是個別組別,但另一方面,又確實較平衡同埋冇咁"民粹", 唔係窮人大晒, 又唔係有錢人大晒,你監硬屈佢地全部係亞爺操縱,咁係唔係侮辱咗那些地區及專業組別? 亞爺有冇咁鬼得閒咁細節???另外人云亦云,有冇實質證據話佢地受到亞爺操縱?宗教界唔會掛?係唔係?

在民主國家, 民主社會, "應該"係乜嘢人都有同等政治權利和義務, 窮如看門阿三, 富如李真超人,都應該係政治上平等的, 可是, 香港這班大狀,社工教授, 社工頭頭, 工會頭頭, 政經教授郤要"仇富","反富", 不要"富豪"參與政治, 提委等等,咁樣係唔係"口中日夜掛住民主口號嘅人"的民主闡釋跟"國際標準"有違背呢????

成日話人一早落閘唔俾你地出閘, 你地試過去向提委做好溝通嗎? 你地試過去做嗎? 打開眼睛看看提委組成, 不也有社工,區議會人士,宗教人士,教育界人士嗎? 他她們是否"完全"係北岸政權馬仔???你找證明給公眾睇下!!

另外, 實際一些了, 你泛民有冇"人材"出來去推薦及遊說提委去提名呢?你地有試過嗎?如果冇, 咁即係"自我幻想他人迫害症,思覺失調", 

仲有, 你地泛民有冇第二梯隊, 有冇年輕接班人????你地的老鬼"民主"嗎???泛民的老鬼有冇俾機會年青人上位???實際上年輕黨員講句嘢都話要驅逐出黨, 民主黨竟然無民主, 咁,成班香港善良嘅沉默大多數又點解仲要投票選呢班"民主老鬼"出來混醬呢?真係唔明, 咁果班年輕民主精英又點解唔另起爐灶, 組成真真正正有理有據,有遠景, 有擔當嘅"真"民主黨呢?唔明!
 
 這些年來,你泛民有冇係實實際際係民生經濟社會建設提出過建設性建議嗎?你泛民派講來講去就是不做任何實際事情但要攞權,好了,冇問題,你要權係權利,但你有冇盡過做實際工作義務???
 
先取一人一票選舉權是實實在在的,並不是什麼袋住先,取了第一步,實踐一屆二屆,如選出來的是阿斗,香港人大條道理要提委優化, 否則北岸及香港都冇運行,到時亞爺都冇咁大聲啦!
而且,行前咗一步,係國際上已經有咗record, 北岸冇得走返轉頭, 香港係唔係前行咗一步同埋買咗部份保障及保險?

某大狀師頭筋都露埋, 大大聲話怕袋一世, 叫人唔好支持, 我話, 佢儍嘅, 又有好多人跟佢儍, 我攞咗一人一票選提委提出的候選人, 實實際際攞咗一部份自抉權, 北岸政權係乜嘢環境都唔好意思收回, 咁,係唔係攞咗"袋一世"都好過任北岸政權隨便玩晒????????????? 

某大狀成日話, 王朝唔會俾反對佢嘅做特首係唔民主, 咁,問一問你,你開公司, 請經理, 有條友同你從小學開始都有仇嘅,你話左,佢話右,一言不合,仲要出埋手, 咁你會唔會請佢???就係咁簡單!仲有噃, 你又要支持薑毒, 葬毒,枱毒,又要跟老美合作攪乜乜花花展, 咁,你係亞頭, 你點做?呢的全部係簡單而現實的,不要强套什麼民主不民主。 

有人要攪講毒, 請佢去 Google Earth, 睇下, 小人不敢再講了!

今時今日筆者所僑居的楓葉國上議院全部係委任,同埋憲法上仲係英女皇派總督監理,(千祈唔好俾人誤導,以為總督冇權, 只係禮儀傀儡, 事實上係錯嘅, 總督係政黨攪唔掂時,係有最後權利出手, 數年前少數政府攪極唔掂,海地出世的女總督睇唔過眼出頭威脅要解散國會,迫兩黨黨領解決紛爭,然後再大選攪掂!呢的係隨便係網上求証, 唔係小弟吹水。另外, 卑詩省第一位華人省督也曾經出手炒民選省長,(最後省長選擇辭職避免丟 臉)。
 
加國及英國總理都唔係一人一票直選真普選產生,咁又點呢? 係邊個政黨多數人勝出議席, 黨領自動當選為執總理, 此屆總理, 阿省鄉下仔, 好多人唔鍾意佢, 咁又如何???

加國一百四十年了,1867年至今尚未是百分一百民主,百分一百真普選, 總理不是直選的, 總督也不是直選的, 上議院議員又不是直選而且是當權者委任的, 更是反民主, 加拿大女皇又不是人民選出來的, 咁, 國際標準是什麼??????來自加拿大的陳偉業, 鄭大班,他們為何不返加拿大去爭取"真普選"????
 
好了, 一拍兩散, 阿爺高興, (少咗樣擔心), 
泛民雀躍, 他她們自認Winner 贏家,及自我淘醉為"大英雄", 
要講唔高興嘅係人力,熱血,本土佢地, 咁樣嘅結果, 佢地想玩激動遊戲變咗冇得玩, 冇咗火藥引! 

美國佬英國佬笑到碌地, 口水佬又係多咗口水,但係煽風起火冇咗火柴, 其實唔多開心!
 
其實小弟的陰謀論, 其實香港無論什麼人士, 團體, 學者, 政棍等等, 所有人都中咗計, 北岸政權阿爺其實連初步"民主"都唔想俾, 不過應允咗,要做齣好戲, 整古做怪, 阿支阿咗, 等你地玩野。

而泛民尤其公民"梁筋現"大狀, 實際幫咗亞爺好大嘅忙,習大大開心到發夢都笑出來, 差在唔能夠公開咁俾個解放三級大徽章俾佢地成班人,  泛民全體勠力演出, 步步自己入罋, 好似的蝦同蟹儍下儍下咁游入蝦籠同蟹籠, 仲以為得米,  而竟未知中咗計, 仲要攞威。打死話國際標準, 真普選, 其實完全領咗"紅軍"嘅屎計!

建制咁鬼多人精, 邊會咁白痴失陋, 臨陣脫腳?　看官諗下啦, 佢地大部份係人間打拚出來, 蛇齋餅糉捱出來, 又讀過馬列，毛選，組織及扭計成世，會自己全體撼頭埋墻？

唔同大狀及民主黨咁象牙塔精英唔臭米氣, 建制佢地話馬失前題、話全班失陋, 人講你又信???白痴唔白痴呀？　其實佢地係收到柯打要攪笑個大局,等火紅火熱民主石油氣降至零下, 仲有,北岸阿爺真係怕政改方案會好似司徒華未死前突然間轉軚支持政府咖!點知泛民會唔會有冇人忽然愛國咖？如果一個唔好彩，泛民有幾個高知, 好似湯家驊咁,儍下儍下投咗贊成票, 政改真直選真係過咗，習大大真係頭大囉!!!!
 
北岸政權真係鬦爭能手,高手,一招攪掂,一拍兩散,大大聲話, 我冇話唔俾民主噃,係你地唔要............

有時間, 去圖書館睇下北岸政權的奪權故事吧! 虛則實之, 實則虛之, 百試百靈!

總結一句, 香港人輸了, 輸在一班高分低B的香港精英及港英餘孽, 象牙塔學者, 宗教界沙皇等手上!

至於生果報, 黃顚狗, 長毛等人係人係鬼, 真係難睇, 但我絕對唔信佢地係真民主推手!信不信由你! 

同攪咗成百年嘅團體玩, 要轉彎抺角, 一見有著數就攞,見鑊就走頭, 咁先至係為香港人民服務呀嗎! 要搞死搞喎,一齊攬住死叫做有原則,有骨氣, 咁, 你班人唔好係美國加拿大英國舖晒路!尤其陳乜業, 全家回流才對得起香港人!鄭大班又係, 其他果的又係。

總之, 基層香港人就係死係呢的獅及龍兩邊嘅"人精"手上! 甩陋嘅係香港大多數"善良"而"沉默"嘅人!