佔金銅旺原來係香港再發展嘅大機會,不容錯過,繼續企硬及進行,好事也!

世事如棋局局新, 唔使咁驚驣驣震!

有危一定有機, 家陣香港咁, 佔金銅旺,好事也, 係香港擺脫唔知可以發展乜嘢嘅好契機!

 

老鬼正係聯繫緊呢便嘅旅行社, 籌備香港新的"自由民主遊", 專為主流人士(即白人)同新移民嘅陸民參加, 等佢地欣賞下香江人嘅佔旺,佔銅,佔門常開嘅壯觀景象,等佢地睇下香江九十后二零後嘅人權、民主、自由、抗爭係幾咁有創意,幾咁過癮,幾咁開心,又幾咁安全!

 

應該發動所有旅行社,係世界各地宣傳同埋拉客,叫啲老外嚟參觀香港年青人佔乜佔物嘅多彩多姿佈陣,露營,同埋藝術及宗教設施,等佢地係銅旺金地區進行BBQ兼踢足球,又可以沁埋佢地三晚四天露營同文娛活動,有時又可以同埋的香港警察玩下捉"依人",,,,到時係金銅旺設立"小費箱",咁!佢地支持嘅唔係添番啲"香油"錢咯!又係財路段

仲有,發賣下反乜反物嘅公仔,紀念品等等,幾多公仔可以造,例如"思歪","林鄭","范徐",仲有佔中三子套裝, 嗱!又可以整啲黃色蜜蜂,港版"周永康"等手板公仔做紀念品!嘩,仲有,仲有,靈感如泉湧!

 

咁樣,又係幫咗香港九龍發展另類經濟!嘩,香港GDP一定猛升!

 

等呢三區食肆又有番生意,嗱!啲遊客去訪問參觀金銅旺,可以向雙學或熱血人力搞手攞優惠卷,去附近食肆幫趁,有折扣,而食肆又可以回佣俾雙學人熱等組織,作為佢地財政來源,又可以令佢地互相競爭,攪多啲花臣吸引遊客!

 

香港政府又可以配合,叫前綫警員可以同遊客合照,每款視乎扮相及形態不同嚟收費,大家拍膊頭嘅,二百文一張,攞碌警棍作打示威者就五百,上孖葉嘅七百,噴胡椒噴霧嘅(當然用香水代替)八百,,,,,,,集體嘅一千,,,,啲錢點分呢?佔金銅旺嘅收六成,警察福利會嘅收三成,食環處分一成!幾鬼妥當!

越諗越多,,,賣 T 恤,賣標語,,,,,啊,,,發啊,發梗!

 

又伸張香江嘅自由民主特色,又可以同佢地籌款,又可以証明特區政府嘅包容,一舉三得!
嘩,全世界千萬萬人嚟朝聖,學習,消費,香港唔發幾難,,,,,仲有,又可以舉辦佔金銅旺小姐比賽,,,,仲有,,,,好多創意源源不絕,嘩!佔金銅旺係令香港打破"發展困局"好運動,我挺!繼續,唔好停!!!

 

香港變成世界示威之都、上街之城市、民主典範、人權樂園!

 

仲有,記得如果係陸民自由行嚟參觀,送番張"民主自由人權"到此一遊証書俾佢地!!!等佢地返去祖家攞嚟威威!!

香港佔金銅旺及爭取"值算"真係呢到世紀最有創新發展嘅經濟契機!支持!!!