"糠稈"風水真係被大鷹破壞, 今年又係"阿茂整餅"!

老安今日洗下各老友腦, 河之北又係同時攞個政府報告及財政預算出嚟, 大家比較下"康趕""茂叔"果個, 哈哈!

"不貼地, 活在象牙塔, 高分低智, 志大才疏, "講就天下無敵,做就有心無力", 閉門造車, 不食人間煙火, 唔經大腦, 畫餅充涷!"都送俾"茂叔", 香港風水真係有問題, 又係天意, 搵個阿茂去整餅!

今日係阿茂叔整香江財政預算, 將錢掟落大海都唔益人!

睇下人地河之北啦!

阿茂整餅真係整餅, 初睇, 好似好有遠景好有為, 睇完幾日, 發覺根本係大一學生習作, 結論係成篇都係"廢"!

俾錢海洋公園係廢中之廢, 要發展使乜用政府錢? 實實在在係娯樂及旅遊事業, 盈虧及發展點解要用公款, 要集資, 上市啦!

另外, 海洋公園派一萬張免費票, 大鑊, 點篩選…其中要幾多行政工時? 幾多行政費用? 仲有, 根本靠害窮人, 何解, 個細路係攞咗張免費票, 但係係唔係要父或母,或父母陪佢去? 死啦, 唔陪佢又唔好,陪佢…要多少錢?????????好啦, 入塲咯, 其他飲食及各樣銷費? 邊個俾???

好心做壞事, 你如果要班基層兒童有機會去海洋及廸士尼, 為什麼不用其他民間團體組織, 或撥款…

學生派二千文, 又係製造不公及大量行政人和時, 要有為, 點解唔係"教科書"著手?

幾十年來香港教育最傷害家長及剥削家長學生的是什麼? 教科書!!!教科書商官商勾結幾十年, 於今為烈, 茂叔要有為, 要與民共享盈餘, 中小學教科書由政府供應(海漂地, 中小學教科書全由政府供應,要學生慎用,不可毀壞, 升班後交回校方, 轉給下一班, 教科書沒有必要, 不可改版, 有小改動, 用附頁, 香港教科書絕對是害民暴利事業!)大學可以設津貼, 如今的派錢方法, 蠢一字不能覆蓋。

那些科技園, 數碼港撥款,完全沒有必要, 原因, 一又是董生當年好心做壞事重演, 又係益了無需受益的大財團(主要係地產發展), 二任你點派錢, 營商及科研環境至為重要, 如今香港日日夜夜時時刻刻意識形態及政治鬦爭不停不絕, 六七十年代英國式工運如火如荼! 任何投資人都難以選香港為"中心", 派錢都冇可能吸引!只是益了不應受益的"商人", 你若不信,你去數碼港及科技園看一看水牌, 裡面絕大部份都是"市塲"(媽屐亭), 有那一些是真正科技發展?????

要吸引新科技, 在稅務, 官僚, 海關, 大學支援反是主要, 最重要係點可以"打壓"那些鄭大班,簫若元, 泛民彩虹朱標等及香港電台, 生果報等等噪音, 再加怎以法治港, 不要讓那些假工會搞思搞忽! 現在阿茂竟然把錢塞入某些人手上, 只能以癲癇二字封之!

好做唔做, 應做唔做, 現在香港醫療陷入再難支持的深淵,為什麼不大設醫院或地區診療所, 或津貼私人醫院, 例如鼓勵普通市民買私人醫保,政府設免稅額, 另外一般人去私人醫院急診,只需付政府醫院費用, 其餘由政府包底等等, 擴大醫療卷! 醫療是港人困中之困, 點解唔做, 要好高鶩遠去同河之北競爭所謂高科技???

至於三無人士問題, 點解又唔去用腦諗下點解决,為什麼不學其他"先進"國家, 全民統一報稅?

全民只要到合法成年不論有無職業, 有無收入都要報税, 目的並不是要打劫人民, 是要讓政府完全知道全民經濟狀況, 讓政府澈底知道每人的狀態,窮者馬上得到政府出手施援,沒有人會成為三無。

如此巨大盈餘, 為什麼不在房屋供應? 動手把空置工廠大厦改建, 又購入部份私樓以"合理"價格出租給可負擔公屋較高一點的"偽中產"!

其實真係好多實實在在的"不派現金的派錢"手法及方法, 阿茂完全唔諗, 諗埋的天天向上,天天進步,而實實在在是象牙塔,書本,夢幻的志大而無用的所謂有為上, 只能講"荒唐"兼"荒謬"!