本來是美景, 老鬼唔領情, 大象工程在, 睇到火都罄!
蜈蚣惡形惡相, 配套完全跟不上, 拒港人於千萬里, 典型官僚大白象!
點解的官, 交通配套全唔做, 咁就去馬? 又唔用腦去救下! 簡單好似乜BOX咁, 用穿梭巴士做旺佢啦, 然後等"拉布"攞錢做路做橋, 咁都好過企咗係度!
廿多年前,三十年前, 這碼頭裝載了多少夢, 多少甘和苦, 多少情和恨, 多少辛和酸, 多少泪和汗, 如今, 只餘下的孤和獨, 悲和哀,
更受傷的是不知何人,殘忍的放了一隻醜陋非常、惡毒非常的蜈蚣, 不分日夜的噬咬著你的老去軀體, 你不只孤獨、孤苦還有不絕的痛!
富裕???真的大諷刺, 老鬼此時此地, 抬眼見到這二字, 只有黯然神傷, 想起當年, 幾許人家就在這地頭尋找富裕之夢, 海鮮檔、報紙檔、熟食小販以至陀地, 如今只餘下無力的輕波,微弱的呻吟。
這條白像工程蜈蚣是老鬼最最厭惡的回歸以來數個建築物之最!!!香港動亂及"講讀"就是這怪物形成的,拆了吧!
汽車渡海輪, 又是老鬼一代人的不能忘記回憶。
念天地之悠悠, 獨欣然而戲水…。
水碧依然, 自由仍舊, 你有你的吵鬧, 我有我的閒適.
我思故我在, 我啄我自在, 青口兼魚蝦, 兩嘢便滿載!
看看木椿上的植物, 大自然真奇妙, 生命! 生命!
觀塘的海水, 跟維港內海的水是不同顏色的, 也散發老鬼認為是十分親切的獨特味道。
這海濱長廊又是果的讀番書返嚟嘅所謂建築師"杰"作, 大佬吧, 香港咁熱及曬嘅天氣, 你起條咁嘅嘢, 樹都唔多棵,得一行列, 叫人點行出嚟透呀???
成段路, 好鬼嘥, 其實貼地一下,果的設計師, 建築師搵一日最熱最晒嘅日子自己走去行下,佢地應該會有靈感做好的!
呢度可以市儈的搞好多行業, 如舟山的海鮮街, (人地好齊整, 乾淨好看), 又可搞地中海式蘭桂坊, 又可搞文化, 又可搞娛樂場。
好鬼可惜, 又係整條北美或北歐的"日光浴"徑出嚟, 一味抄書! 我曉!
又係咁嘅亭,用嚟做乜好, 遮蔭? 擋雨? 開演唱會? 啊哈! 用嚟俾三子做勢?
不過果三子冇你咁戇夠, 係度掠唔度人地科水,梗唔會係度出現啦!
香港真係點講好呢? 上天賜香港人藍天白雲好山好水好環境, 好能可惜, 兒孫不肖, 敗家者多, 這海濱又是敗家仔"杰"作。
觀塘係老鬼係度搵食養家地方, 聽講要大拆特拆重建了, 好事也!
回想1961年果幾年, 觀塘開始發展, 由今天的地鐵站打上, 都是新開的山, 老鬼還是電氣學徒, 多被派送電綫及電氣設備此區裝置, 五十多年後, 睇住起又將睇住拆, 時間巨輪一味轉、轉、轉!
我思故我在, 我啄我自在, 青口兼魚蝦, 兩嘢便滿載!
4 則留言:
安哥，唔好咁勞氣，因住激壞身體。
唉, Mei 妹,唔係勞氣, 而係係海漂地睇家鄉新聞,的傳媒唱到香港點衰點衰,返到嚟睇下, 完全唔係果回事, 古靈精怪只有少部分人, 不過, 好多嘢, 好多地方, 好多機會真係嘥鬼咗, 成日話後生仔冇出路, 又話政府無作為, 實實際際好多機會,政府"想"做好多嘢, 不過某些物體郤是搗亂, 令乜都做唔到。
香港最大問題係眼光短淺,成日話要學西方, 但係西方究竟係點, 無人深究, 最簡單的係建築, 不論歐美, 都係北面, 冬長夏短,冬天一早天黑, 所以建築設計一味要爭取陽光, 咁, 成班香港精英, 讀書不求甚解, 又係照抄書, 完全唔理香港地理環境,天文及水文環境,又係去爭取陽光, 你話死唔死, 好多嘢都係, 西方只係講下, 唔敢去做, 香港班精英禽禽青去先人一步, 如版權法, 環保法, 人權法等等,過猶不及, 衰梗!
老安愛港情深, 忍唔住出下聲,明知冇用,又冇乜人睇, 不過, 吹下, 用來鍛煉腦袋及手指, 主要防治老人痴呆症而已,並不激氣, 只是用來洩氣,多謝關心。
呢次返嚟, 親眼所見, 香港真係天堂中天堂, 物質豐富到無影, 食肆多及多樣化, 政府福利越來越充實,醫療卷益了幾多長者,(做人要知足,算係咁,仲有, 好多人一世人都冇乜俾稅架!)交通方便到得人驚, 係牛頭角去東涌,上水, 元朗,渣渣聲已經到, (老鬼親身體驗, 用巴士一個小時之內, 快過地鐵, 在港後兩個禮拜, 放棄地鐵, 因為好多嘢睇唔過眼, 而且自己吝盡,俾人X多次話阻住地球轉)
好多好多嘢, 都係好過其他地方, 唔知點解, 的生果報, 正苦電台成話話係亂世,奇!
發佈留言