一剎那的光輝並不是永恒, 攝影器材"短暫"的存在。
1822年，法國的涅普斯在感光材料上制出了世界上第一張照片，但成像不太清晰，而且需要 八個小時的曝光。1826年，他又在塗有感光性瀝青的錫基底版上，通過暗箱拍攝了一張照片。
1888年攝影實用膠卷(菲林)在市塲上出現。
1900年推出的 Kodak Brownie 相機，是史上第一臺批量生產的消費級相機。正是由於這臺相機的誕生，攝影頭一次成為了平民化的活動，對攝影術的推廣起到了不可估量的作用。
 |
圖片來自互聯網 |
1975年史上第一部數碼相機，是在由柯達工程師發明出來，但是第一張“數碼照片”，則是Russell A. Kirsch於1957年，以電腦掃描自己三個月大兒子的膠片底片，並得到的176×176數碼影像，這幾乎已經是當時電腦可以儲存的容量極限。
1998年柯達發佈的數碼相機，Kodak DC210 是消費級相機中第一款 CCD 面陣超過百萬像素的數碼相機，民用相機第一次突破百萬像素，從而標誌著相機製造業從膠片轉向數碼的開始。
 |
| 圖片來自互聯網 |
2000年開始, "傳統的膠卷攝影機已經步向死亡, 2017年大部份人都用手機攝影了,只餘少部份人還堅持著用"傳統"數碼照相機,
 |
| 1938年在上海德國矮克發AGFA創刊了可能是中華地 |
 |
| 當年雖然日本已經入侵中國, 可是, 上海還是歌舞聲平,繁華不已, 高端產品在市塲上不愁銷路,例如攝影照相機。 德國比美國更進取於這市塲。圖片來自互聯網 |
 |
| 中華民國二十七年即1938年5月,AGFA雜誌 已經發行了五期了。圖片來自互聯網 |
 |
| 1980年代, 愛克發生產了一部極為優良先進的電子快門全格微型照相機 |
這段人類攝影行為以1900年開始至2000年只不過是100年, 在歷史來說, 有如流星一閃而已!
 |
| 這些攝影專業知識及名詞已經是過眼雲煙, 有誰還記著呢?圖片來自互聯網 |
 |
| 1930年德國產Agfa(愛克發)風箱照相機, 香港人叫做風琴影相機。圖片來自互聯網 |
22 則留言:
大佬攪乜鬼? 猛回憶故往老本行?
[1822年，法國的涅普斯在感光材料上制出了世界上第一張照片...]講到呢科, 連電影都係 les freres lumiere 首創添. 有乜用? [遲來先上岸], 如果黃頭當年識得用[煙火] 殺人, 用得著大鼻攞背矣設立同頒發乜7乜7獎咩 , 曉~~~~
[一剎那的光輝並不是永恒] ??? 傻豬啦你, 起碼呢一刻, 你仲記得柯達,[矮克發] ( 定[愛黑髮]?, 好似酒鬼一樣..愛黑髮?) 仲有[海鷗]添.一講到影像攝影電影 , 點可能忘記呢啲大名呀? 你估係造紙同火藥的黃頭咩 , 真係冇乜人記得啦....
多些出去影下溫市的靚相(世界最佳居住城市喎...)同埋多些秀下畫功, 人氣都旺啲呀. 同時多啲回應下人, 咪咁高竇啦你.....
老鬼近日中招,被山火霧染到耳鼻喉,求生不得,求死不能,已經煲好多劑涼荼,無用,更加三步不出家門, 未必有氣回老友也!
富貴不出三代,人如此,家族如此,企業更是如此,越發展太快,太大,三扒兩撥就會驕且傲, 尤其"發明"咗CEO呢樣"山埃",好容易跟唔上,最大鑊係"夢中做人"同"坐井觀天", 兩三嘢,整個企業就會崩潰。
曾到總公司受訓, 整公司竟然養活幾個大鎮, 隨便係街拉一二人,問他一問,都同公司有勞資關係, 老鬼當時頭痕, 一諗,呢間公司好快玩完, 果真如是!
不會罷, 山火離大溫好遠喎 , 咁都吹到入市中心? 既然唔舒服 , 就要多休息啦, 如果唔係, 點飛遠途呀?
山火蔓延至今還未受撲滅,無計可施,範圍大半卑詩省,好恐怖架,史上少見,1号公路至阿伯特省之間,已出現山火,不過其他國家已經無乜興趣報導了……。打字中空氣中隱隱燶味。
官僚之可惡, 世界少見, 本來全世界最勁的救火飛機就係卑詩省,不知何故,官方跟該救火公司發生乜嘢拗氣,這二三年,每次山水,都不向該公司落柯打,今年這次歷史大火,亦如是,有新聞傳媒問政府何解,答案是"咦咦哦哦", 再問,答案是貴喎,又係吹漲,不成理由的官僚答案!爆血管!一人一嫖民主政府喎!我D…………!!!!
http://www.macleans.ca/news/canada/martin-mars-water-bomber-the-plane-that-could-help-save-b-c-from-forest-fires/
嘿 , 原來還有這個公司 , 我一直以為只有Bombardier 這間公司和牌子.因為法國都用這個.
古老當時興，最近又流行玩菲林攝影。早知係咁我搬屋時就唔掉部菲林相機啦！
安哥，我在這順便一提，你在我的網誌留言後，我都無法回應你。早前，你留言要借用我的荷花相，無問題，隨便用。
大佬 , 好點沒有 ? 有沒有出去看日蝕? 我們這邊是日偏蝕, 是下午4~6的時候. 上次這裡日全蝕是2007年的早上八點.
祝早日康復, 健談如昔.
Mei 姐,係咁啦,有時老鬼講過咗火綫,被"G台"監視,正常, 多謝不嫌棄,謝了。
叫老友開咗成六劑,冇乜大效,走去買藿香正氣水,吞咗兩枝,又係唔覺有乜改善!
西醫反而冇去睇,因為家庭醫生"肯定"又係果幾句,飲多的水,多休息,早上床,好唔舒服吞兩粒"涕落來"啦!(好鬼冇癮架,使鬼睇你我)。
今早電台講,卑詩省已經有4700畝地係活躍燃燒中,仲有不能統計的在燃燒中或死灰未死, 今年救費用已經天文數字!
可惜家陣電腦科技尚未到尖端,否則俾你聞下卑詩山火的燶味。
小學時,睇過一次日蝕,老師係球塲叫成班馬騮攞盤黑墨水,係盤墨水裡面睇住變化,咁就幾十年冇睇, 今早十點鐘到,中文電台直播USA Portland 睇日蝕,的人鬼殺咁嘈,鬼咁興奮。
[係盤墨水裡面睇日蝕] , 聰明 , 我冇諗到. 昨午去到海邊, 以為可以用太陽眼鏡睇 , 但唔惦. 問附近個6~7歲黑妹仔借特殊鏡片, 點知佢話要問過阿媽先, 問完又叫佢姊姊借俾我....哈哈~~~可能我樣衰, 嚇親細路.
唔駛啦, 我感受得到. 我呢邊十零公里處有個露天垃圾焚化場, 每次燒垃圾 , 那些煙味, 好難頂.....
條黑妹冇錯噃,係唔係?有家教呀,陌生人要小心的呀嗎,老鬼都係咁教兩個孫女呢!
我的即時反應亦是一樣,我也很欣賞她能夠先向媽咪奏准, 因為在這種地方情況特殊. 在歐洲法國 , 情況不一樣, 小朋友有決定力, 知道應不應該跟陌生人說話 , 應不應該借陌生人鏡片.
甚麼是[生於亂世]? 或者大佬會喜歡聽呢位大叔的解釋 :
https://www.facebook.com/hashtag/%E7%94%9F%E6%96%BC%E4%BA%82%E4%B8%96?source=feed_text&story_id=1101480076663319
呢位阿叔,嘥口水啦,家陣老鬼同輩中,竟有不少是黃絲帶,不少是李二呢條紅二代假民主真共慘的粉絲,同情呢班生於亂世畜牲, 真唔明白呢班老嘢係港英時代點生活,另一畸形動物就係長洲禽獸司法複核王,究竟佢地前半生點過?唔明白,亦唔想明白!
我的觀後感: 1/阿叔有勇氣 , 咁於說心中話 .2/旁邊的人漠不關心 , 話之你死. 3/黃C妹咁後生, 識乜嘢叫[亂世]. 正如阿叔所言,佢讀過幾多書,行過幾遠路, 做過幾份工, 見過幾多人生? [生於亂世] ?虧佢夠膽講. 4/拍片個條係乜水? 講就話撐條白痴女, 但一般人睇完片, 只會認同阿叔的話, 並且覺得條女只識依起棚牙笑...
至於長洲條友, 正一衰到冇人有, 但正苦又俾佢玩, 咁,黃C點可以指摘故鄉司法不公正?
今早第一時間睇新聞 : 十號颶風 , 嘩, 好利害. 不過澳門那邊仲慘.....
發佈留言