深水埗信興酒樓年底結業, 本土"核心價值" 又一消逝了。

深水埗信興酒樓年底結業　老店不敵新招牌規定及時代轉變

轉貼香港01周報新聞
http://www.hk01.com/sns/article/54524

又一老店消失。

老鬼心系家鄉之一環, 無咯!

乜嘢叫粵菜, 睇下啦! 現在那些阿茂高檔菜館都是野禪狐鬼!

如今大部份香港人唔識乜嘢叫好嘢, 成日俾妓者寫稿佬口水佬忽悠,其實好嘢在此!

好唔"健康"嘅燒賣,呢到有, 好多思忽鬼又話三高又話呢又話路, 一個星期食三兩碟,食你唔食唧!!!!

有雞味,夠肥,過癮!

整番二兩送燒肉鷄飯, 美好的回憶!

焗魚腸, 就嚟冇咯!

老鬼想當年的打躉地,  家陣果的係乜乜貨,我唔承認係同一脈絡!

好多人亂咁話懷舊,表錯情而已!舊的冇得懷!

網上傳來新聞, 深水埗信興年底光榮結業, 惆悵悲哀齊來!

海漂二十多年, 每次返鄉, 此店一定到, 主要情系深水埗!

北河街, 兒時住過; 少年時, 在荔枝角道當電氣學徒, 青壯年時代, 深水埗亦是銷士生涯中重要呃人搵食地方, 欽洲街、海壇街等等, 此店亦是跟"老襯(客戶)"吹水地方!

做學師時, 十三歳左右, 師傅"一定"唔會教你技術, 第一樣教你嘅係"食煙", 第二件教你係"飲酒", 出外做嘢, 去到信興類似"老式"酒樓, 一碗叉雞飯, 或燒肉雞飯, 跟住"永利威"!

當年人生的五味, 盡在此等飯店酒樓, 一間跟一間"恐龍"了, 除了惘然、惆悵、悲哀之外, 無語!

前幾年, 尚有一點落葉歸根願望, 如今, 值得懷想的, 一件一件的消失, 代之是

有幾只蒼蠅四處碰壁。

嗡嗡亂叫，

兩三聲淒慘，

兩三聲哭泣。

連這酒樓都恐龍了, 似乎沒有什麼再……。

至於近年香港人大肆吹捧的乜乜樓, 每次回鄉, 老鬼老友都叫我去"懷舊", 今時今日變了兩間, 而兩間都去過不少次, 不過無一次令我腦海的乜乜樓記憶復生, 唔好意思講一句, 完全唔係乜乜樓當年的味、韻、情, 好假!

等於乜乜牛腩, 根本係另一宇宙, 等於今時今日的靚仔靚女好鍾意舞枝乜乜旗,猛話枝旗點靚, 其實枝旗的血與泪, 佢地識條乜, 不過, 又好難明, 有的同老鬼年代, 或後一點的又同班後生癲埋一分, 咁, 佢地係果段時間嘅生活又係點嘅???同一天空, 佢地無受過獅龍氣咩???奇!

得雲, 多男, 北大, 新遠來, 雙喜, 添男等等, 難以忘記! 加埋信興, 香江已在老鬼心中飄遠……。