懷念那個不太遠又好遠的兒童時候!
拍公仔紙,糟公仔紙,換公仔紙已是其樂無窮!
彈波子,老鬼彈親都輸,弱視兼弱智!
祝今時今日的囝囝囡囡兒童節快樂,你妳地真係好好彩!!!!!!老鬼嫉妒呢!!!!!!
 |
| 斗金絲貓 |
慶祝兒童節, 懷念老鬼竹兒童時候!
老鬼大佬講起捉蝌蚪,好好玩, 忽然諗起讀小學時, 跟同學"打交"往事,打的不是本人, 而是……。
那時有時會走上港大校園一池堂捉蝌蚪,又那個時候水街多細路仔嘢賣, 又又那時,袋中無銀,日日得個"睇"字同"恨"字!
最恨"有錢人"!!!點解其他同學都有零用可以買這買那! 有錢人真罪惡!!!
又恨老豆, 點解我阿爸唔係周壽臣???
所以,少年開始已是"左仔"!
兒童節, 又懷念舅母了,她一定有玩具送俾我!!!
7 則留言:
圖上的波子畫得好神似，竟然因此想起童年的一幕......一早起來，見到床邊的枱上， 一個鋼兜上，放著一大堆五顏六色的波子，很驚喜!
原來是爸爸和姐姐買給我的玩意。現在想起來，才明白這是獎勵我當時做家務事。
哈哈…
第二張圖的打波子，畫埋街邊渠蓋就好了。我記得其中一種玩法，是將別人的波子射出渠蓋就贏。無渠蓋邊作框界，波子滾到無雷公咁遠，點玩落去呢。
以前都有聽過人捉金絲貓玩，但原來個樣係咁嘅。
在學校的沙地沒有渠蓋,打是用不同方式及玩法,不過你的提議不錯,因在街頭就是咁打法,謝謝捧場!
不是「提議」，我是將我見的事實相告。
話時話，安大哥的博名〈四零後〉，似指「四十年代」出生一族，若大哥是戰後嬰兒潮那代，則你的童年主要在五十年代初至尾，六十年代你該至少是十七八歲的大牛龜了，理應不會玩拍公仔紙、踎低打波子、跳橡筋繩之類遊戲。那五十年代安大哥到底玩乜呢？
P.S. 我發覺極少人談論戰後四五十年代的兒童遊戲或玩具，而是跳到六十年代講起，彷彿四五六十年代出生的孩子的童年全都擠在六十年代才發生似的。
P.P.S. 嘩，安大哥補畫了打波子用的渠蓋！好真實！啲feel返晒來了。好感動，謝謝！
拍公仔紙背景是五十年代的伊利近街,打波子係係母校大球塲後面沙地,又係五十年代,哈哈!
發佈留言