少無適俗韻，性本愛丘山。誤落塵網中，一去三十年。
羈鳥戀舊林，池魚思故淵。開荒南野際，守拙歸園田。
方宅十余畝，草屋八九間。榆柳蔭后檐，桃李羅堂前。
曖曖遠人村，依依墟里煙。狗吠深巷中，雞鳴桑樹顛。
戶庭無塵雜，虛室有余閑。久在樊籠里，復得返自然。
 | |
| 誤墮塵網中? |
前程錦繡-王傑
https://www.youtube.com/watch?v=434Eotn2J-0
作詞盧國沾作曲小椋佳
斜陽裡氣魄更壯, 斜陽落下心中不必驚慌, 知道聽朝天邊一光新的希望; 互助互勵又互勉, 哪怕去到 ... 敢抵抗, 高山攀過, 望遠方!
斜陽裡氣魄更壯, 斜陽落下心中不必驚慌, 知道聽朝天邊一光新的希望; 互助互勵又互勉,那怕去到 ... 恃我志氣, 總要步步前望!
斜陽裡氣魄更壯, 斜陽落下心中不必驚慌, 知道聽朝天邊一光新的希望; 互助互勵又互勉那怕去……。
21 則留言:
Good morning Vancouver !
大佬早晨. 剛起身?
久別了, 回來看到這篇, 很有感觸....
說是[不必驚慌] , 但就偏偏不敢面對[遠遠那方].....
這種感受 , 你有, 我有, 但未必人人都有......
特別是那些[身在福中不知福] 的.
Liu Sir 重出江湖,心頭放下了,諒搬家妥當,諸事皆吉。
搬遷電話 , 攪了2 個月, 行了好多轉, 氣得一肚火.
現在沒事幹, 天天看夕陽.....沒雨的話.
楓葉都係好唔到幾多,依法辦事嗎?
又唔係好明,LIU SIR 英法文都掂,點解唔嚟楓葉???走去中南美???
當年棋差一步, 從此流落山卡拉.
九十年代申請2次, 夠哂分, 到最後一分鐘放棄面試.
早兩日聯絡上中學同學 , 一個住大佬附近 , 另一個就住以前提及的富貴林.兩個都有屋, 不過有排供.在Manulife 做那個, 好擔心將來退休金都唔知夠唔夠食.
學長話佢住Burnaby個邊. 佢話過兩年唔 Do 啦, 反正兩個仔都大, 得閒做下太空人, 加港兩頭飛, 嘆下先.
咦 , 講開, 大佬個邊仲係下午噃 , 冇出去睇下下午五點鐘的陽光 ?
我呢邊今日陽光著照, 心血來潮 , 去完教堂 , 仲去沙灘睇日落.
傳導話: [ 好耐冇見喎.....]
我話[係呀 , 隻羊蕩失路丫嘛.......]
多有多使,少有少使,政府果筆養老連"綜援",剛夠水電煤氣醫保,退休金因人而異,其實係自己錢,不過有上限,幾舊水,唔夠一千,看看是否打工會工,或者大企業,另外公積金,老鬼冇咁好彩,只得政府的,又因為供得少,得二百零三百,夠飲幾餐茶,(粵式早茶約三十多元上下兩個人)
所以,要自己有多少積蓄先至過度下半世,不過真係乜都冇,又唔會死人嘅,攤係度發爛渣,政府都會照顧下嘅,唔會俾你死,不過三餐一宿,冇乜問題。
家陣除咗水電煤醫保(卑詩省要俾錢架,成舊水兩老坑,其他省醫保唔使錢,省省不同,唔好話我住果度冇嘅,你車砲嗎?)地稅管理費,其他乜都唔敢使,日日踎係屋企,唔敢出街,最多出碼頭咋,(仲有,買藥要自己錢,安省有政府補貼,最多每次唔過幾多錢,卑詩全部實銷實付,一年到晚,過咗唔知幾多千文先至有津貼,仲要睇收入,好唔公道。
liu Sir 得閒影下你果邊風景睇下啦。
山卡拉福利如何,你若退休,有乜保障?
我呢度晚上十點, 習慣了早抖.
天氣好, 下次摷返架相機去影D相你睇 , 因為間屋仲立立亂.
今晚傾住咁多先.
晚安, 大佬 !
Good morning Vancouver :
Here comes something that might interest you :
https://youtu.be/TLJDcY3056U
Just have a look there and you'll know more about the place where I'm living.
Have a good time.
For further informations , please come to visit my blog.
咦!真係世外桃源噃!80年代,有朋友叫過我去蘇利南,佢話早的準備,唔好等九七喎,結果朋友的朋友"們"去咗,十幾年後,再走咗去美國。個朋友就去咗Montreal
其實Liu Sir隨時可以返番巴黎噃!
好奇怪,一方面咁科技發達,另一方面又咁符碌?
華人甚多,多是溫州的?香港人都唔少噃?
跟你學法文,我想識睇就算了。
如果當年大佬去左蘇利南 , 分分鐘發大達上左岸.蘇利南環境分開荷蘭殖民地時期 (最好) , 獨立初期 (還好) 內戰時期 81~88 (好差)
90年代 (復甦中) 2000開始又好返D , 特別是強國人去左好多, 生意越做越大.
呢邊仲係法國佬地方 , 近廿年多左好識做生意的浙江人 , 攪旺個市, 以前係客家佬多. 香港人就冇乜.
我個人冇乜大志, 唔識做人處世, 大概只能在此搵到啖飯食.
法文方面 , 切磋下冇問題.
今早用手機影左D相, 唔識上傳添.架機係SONY , 想上傳去谷歌個相部, 攪左成朝都傳唔到, 火滾.
老鬼用最蠢方法,先把相下載自己電腦相片檔案夾,再用BLOG的傳相上傳於BLOG。
日本仔產品,越來越不行了,尤其索尼,索呢尼而家好多出品品質控制都係有問題,相機是其一,去年用里程分換返嚟嘅機,竟然係廣角時整邊出咗黑邊,唔用得,家陣再買電視電乜電物,兩父子都係揀韓國佬嘢算了。
有朋友換車換咗韓國佬,讚不絶口。
山旮旯人情味應較濃,物價指數應該唔會太高,淡淡薄薄,美美麗麗,一定有吸引人之處,試過有一年,跟小兒子及老伴去牙買加,風景好到不得了,海水有如玻璃,不過白粉佬白粉婆遍地,朋友替我地訂咗部白牌,果位黑佬千叮萬囑,我地唔好離開佢視綫範圍,成個保驃咁,俾佢吓一吓,真係唔敢亂走,跟住佢去觀光點,算了。
山旮旯以前客家佬年代, 人情No1, 衣家唔惦.華僑大把錢, 唔齊心, 連一份華文報紙都冇 , 唔似蘇利南 , 冇錢, 用油印, 都可以出3份報紙.
世界零距離有講牙買加 , 通通係事實.我以前個鄰居就係個邊土生泥鴨仔, 佢間超市俾人燒過幾次, 頂唔順, 走來山卡拉打工.
蘇利南政變之後個幾年都係得人驚, 不過[富貴險中求] , 如果唔係咁 , 華人點搵錢? 好似我學長在大溫開製衣廠, 唔夠幾年, 以失敗同欠債告終.
"好似我學長在大溫開製衣廠, 唔夠幾年, 以失敗同欠債告終."~~~~嘩,你學長梗係"殺過人父母",如果唔係,邊個咁大整蠱???
大溫環境真係最好"乜都唔好投資",除咗炒樓!
係大溫想做人上人,最好係揸巴士,或者入到水電局……………。
佢唔熟環境俾人走數.......
廿幾年前,初嚟步到,成個香江精仔咁,見到老外笑口淫淫,又鬼咁客氣,做嘢慢吞吞,不其然"香江本土派"心態,睇唔係呢個,果個,又話"燕弟牙"一陣除,又話"飛路奔"懶,又話"第一"民族蠢,又話台灣佬乜,哈哈,廿年後,發覺最夠蠢係自己同埋的鄉親!最奸原來係老外,笑住拮你幾十刀,最醒係"燕弟牙",齊心夾有文化,唔聲唔聲入晒閣,做晒侍郎同御前帶刀侍衛,今屆楓葉大司馬同六路大元帥就係"燕弟牙"阿星,"飛路奔"懶?錯,所有醫院同診所,完全被佢地征服。唐人呢?表面好似好勁,醫生執藥會計,但係"正字"上,完全差唔多係空白,就算有一兩個走出嚟,三幾下,自己一定會鬦死佢。
係度開工廠同企業?你學兄真係"新抱晏拿衣褲咯!
[新抱晏拿衣褲] , That's true !!! We have to pay if we want to learn. No free lunch.
唐人最識打唐人. 在花都 , 以我住咁耐, 未見過一個黃頭入正苦, 反而面黑色的大把...仲係高位.
發佈留言