 |
| 黃滔師傅在雲城的影子。 |
他生前常跟我說笑, 看看誰給誰先寫輓聯, 因為老鬼常常自嗟自嘆及自怨, 他說老鬼我好容易玩完, 他更瘀我為"安伯", 是比他更老(心景)。
如今, 這半個弟子, 敬此聯給他, 望他一路走好!
一朝西歸黃鶴去, 梨園絲竹後續有何人?
多年東遊楓葉往, 雲城滔語從此無此君。
黃滔師傅大殮在本月十七日在加拿大卑斯省溫哥華市的
Glenhaven Memorial Chapel
1835 East Hastings St, Vancouver, BC V5L 1T3舉行。
希望這消息可以傳到香港及廣州如有他的徒弟、學生或他的故舊。
亦友亦師逢此君,
半生半世路難行,
幸有師傅多寛慰,
惜今後知己誰人?
20 則留言:
「佛說無常經」其中兩句 "假使壽命滿百歲 終歸不免無常逼"。安哥毋須太傷感, 你們有缘來生必重聚。
對的, 多謝開解, 這兩三年, 很多老友都走了, 不過, 他們都是積了功德, 都是離開得安詳。
有一"老友", 七十多, 就是在冬天推開店門出外幾分鐘, 一回店便知中招, 當晚便入急診, 不多天, 仙遊了, 又是急性肺炎!
年紀長了, 真要小心, 無論何時, 一定要有適合衣物。
周日到海邊散步 , 看見幾個常見的附近居民.
數月不見, 竟然都變得老態龍鍾, 看了都令人悽然.
人走到這種年齡 , 一邊看著小孩長大 , 另一邊是看著朋友逐漸西去.
是喜是愁....................
所以，珍惜目前，大家多保重。
七月十四了.
黃師傅授徒 , 肯定 [傾囊相授].
安大人交友, 則一定[有所保留]……..
畫法小事一件而已 , 但先生卻一直 [ 避而不談].
酒鬼雖醉三分醒 , [偷師]不成 , 以後盡力擦鞋就是.
[雲城平淡如水] ???
看見[ 禺山公所] , 很想問: [雲城有多少個華人社團] ???
每個社團又有多少分支?多少活動 ?
終其實 , 單看華人社團 , 就知雲城絕不[平淡如水]…………..
又飲大, 唔好意思. 因為明天是本地例假.
世情看淡, 晚晚狂飲, 就是為了早去.
生性五音不全, 聽覺甚差, 手指粗糙, 更難學弦索, 黃師之所謂師, 是指"人生"而已。前曾說過, 曾有畫壇名家老手收為徒, 可是機緣巧合, 都有其他路走, 因而失之交臂, 又因如此, 從未正式踏足師門, 而該等名師,弟子甚多, 如老鬼亂認同門, 肯定被圍剿, 一如小四亂認老公, 實被大婆, 小二, 小三痛毆, 知我諒我也!
雲城華人社團, 五花八門, 無十萬都有五萬, 何解, 三二人一時興起, 又可註冊, 無乜限制, 比如如果你再移民上嚟, 我同你又整個新界華人總會, 又得, 你做正會長, 我做副會長, 咁又一個會, easy job, 拿,我有晒資格, 因為曾在沙田頭新村住過!新界人也!
此題不答! 你那邊靚女多的是, 又熱情又開朗, 放開懷抱, 施愛眾生, 善哉,善哉, 阿彌陀佛!
細時住過旺角弼街郵局那條橫街，對面樓天台總有數人共操粵曲，有人拍和，熱鬧非常。
另一邊的天台，又常有人練習彈琵琶，真是耳福不淺。
粵劇更是我們那個時代的流行事項。絲竹管弦，風靡一時。
[[...雲城華人社團, 五花八門, 無十萬都有五萬.....]]
一盤散沙.
各懷鬼胎.
無限感嘆~~~~~~~~~~~~~
剛才看5+1伊朗制核會議新聞 , 看到大合照時,
中國代表給[發爛西]外長擠在末端 , 心中一陣苦楚.................
[官欺民, 民賤民]....這樣的國家 , 這樣的民族 ......
也難怪[以西方標準]來看事的, 不論中外, 都看不起.
[發爛西] 現任政府最賤, 絕對的[ 錢開眼].
可惜某國人還是要給她甜頭:
[民] 是到人家的[老佛爺]派錢;
[官] 呢, 就是[世紀大合約]................
唔好怪酒鬼口賤人賤,
我草泥馬, 食自己都唔要[發爛西].
若然壽命已盡, 防不勝防!
家陣唔興咯, 興啲廣場舞, 不過真係好鬼乞人憎, 嘈喧巴閉, 呢的大媽把歡樂建築係眾多人民的痛苦上, 如果我係香江, 我都會出嚟"搞搞鎮"!
住係左隣右里果啲人真係好痛苦, 好辛苦架, 不如劃咗西九係海邊俾佢地日嘈夜嘈咯, 最好同佢地準備埋專綫巴士免費接送!
"發爛西"人一向馬夠煩, 驕傲自大又冇料, 講打又唔打得, 不過口技不錯, (千祈咪諗咗去第二度, 係好正經架!), 乜嘢得過"講", 唐人所講, 講就天下無敵, 做就有心無力, 以前在港工作時, 有時都會派啲"發爛西"人過嚟, 一嚟到, 眼高於頂,目中無人, 哈哈, 唔夠兩三日, 原形畢露,無料到, 亞叔吊過唔止一隻"發爛西"人, 為何咁"夠泡", 因為大老闆係德國, 二老闆係比利時, 發爛西行埋一面, 另外,果陣時嘅香港,地方細細, 可是銷量驚人, 而且有乜新機械, 香港"永遠"係第一個分銷出去!
係楓葉, 一樣去到法語區, 果啲"發爛西"佬又係唔知自己係"細",你如不懂法爛西文, 問路唔使旨意!
强國人到今時今日仲係向洋牌, 好簡單, 點解咁鬼戇居去發咗癲咁去進貢果啲是是但但攞幾個拉丁字母嘅所謂名牌???賺死"發爛西"!
廣場舞是強國時興的社交節目，大媽老爸都跳個不亦樂乎！本地的後期移民把此風帶來，又歌又舞。又有女子即場唱起各種名歌星的舊歌金曲，賣歌賺取金錢，把公園弄得熱鬧非常！有人喜歡圍觀，亦有街坊不滿。
一朝西歸黃鶴去, 梨園絲竹後續有何人?
多年東遊楓葉往, 雲城滔語從此無此君。
黃土北停老鬼容 笑說自嗟自嘆及自怨
滔水南歸小子易 安生立竹立絲亦立弦
有老友跟我講, 每天一覺醒來, 第一件事就係多謝上面果過, 感恩!
他有先天心臟病, 好多時發作, 但係,好好彩,活到當下, 他非常感恩並很珍惜目前, 你我都要咁咯,係唔係?
屯門蝴蝶灣,很多人在公園唱粵曲同金曲,都很節制, 所以面係人家俾,架係自己丟,己所不欲,莫施於人, 跳舞係運動, 本來係好事, 一眾開心合皮,但係點解要"老年咁大聲"??????開盡喇叭?????唔明!
好多時真唔明白"自己人"的心態, 好像係風光如畫,周遭清靜的公園中, 點解要放大喉嚨咁同同伴講埋啲張家長, 李家短的無謂嘢,同自露"私隱", 唔怪得老外猛咁搖頭, "煮鶴焚琴"至極, 你去到美麗清靜的公園,理應享受目前美景,靜聽鳥語, 為何不理會這些, 還是像在家一樣, 迫迫巴巴!!!
昨日,散步西堤, 忽然聲如雷鳴,自遠而近, 原來一中年"婦人",一邊散步,一邊用免提手機, 用那些不知是北京,或是山西, 或是陝西土話,聲如洪鐘的放盡聲帶大大聲咁講家事, OMG, 這樣, 整個斜陽夕照,百鳥歸林的畫面玩完!!!!!!
不要只說河之北的人, 香江鄉里一樣如是, 中華的詩詞歌賦式的文化原來只是少數人的東西而已...........。
安兄所言甚是！近日接觸到不同的退休人士，見到好幾個家庭婦女，雖然是退了休，可是說話總是鏗鏘有聲，振振有詞！每逢述說一件事，不知為何？都像是在昭告天下一樣，都是迫迫巴巴！聽得人好辛苦！
她們有一個共通點，就是一見到個老公，就是左彈右彈，毫不俾面。
當我們勸說她之後，她就大吐苦水，數之不完。
唉！這些女人都很嚇人！前幾日有一位約我見面飲茶，我梗係借故不去啦。省得耳仔受罪。
今天傍晚,去送師友黃淊師傅往生了, 他生前酸甜苦辣鹹都嚐盡, 不愧此生了!
發佈留言